Yoshua 11:6 - ŊMALƐ KRƆŊKRƆŊ LƐ

⁶ Kɛkɛ ni Yehowa kɛɛ Yoshua akɛ, “Kaashe amɛ gbeyei ejaakɛ wɔ be ni aaashɛ nɛkɛ be mli lɛ mahã amɛ fɛɛ amɛnyɔnyɔi yɛ Israelbii ahiɛ. Nyɛfolɔa amɛkpɔŋɔi lɛ ananesɛɛ fãi lɛ, ni nyɛshãa amɛta shwiilii lɛ.”

Ṅmãle̱ Kroṅkroṅ Le̱

⁶ Ni Iehowa kē̱ Iošua ake̱: Kāšeame̱ gbeyei; edšake̱ wē̱ bene̱ yino̱ le̱ mahã ame̱fẽ ame̱nyonyõi ye̱ Israel hĩe: ame̱kpo̱ṅo̱i le̱, oflo̱ ame̱nanese̱fãi, ni ame̱ſīlii le̱ oke̱ la ašã!

Yoshua 11:6 ပူးပေါင်းရင်းမြစ်များ

2 Samuel 8:4

David mɔmɔ Maŋtsɛ Hadadezer hii okpɔŋɔnɔtalɔi akpe kɛ ohai kpawo kɛ tabilɔi nanenɔnyiɛlɔi akpei nyɔŋmai enyɔ. David folɔ okpɔŋɔi ni gbalaa shwiilii lɛ fɛɛ anaji asɛɛ fãi, shi eshi okpɔŋɔi lɛ ateŋ ekomɛi bɔ ni baahi ahã tayaa shwiilii oha.

2 Maŋtsɛmɛi 6:16

Elisha here nɔ akɛ, “Kaashe gbeyei ejaakɛ mɛi ni kɛ wɔ yɔɔ lɛ fa fe mɛi ni kɛ amɛ yɔɔ lɛ.”

2 Kronika 20:16

Wɔ́ ni ji wɔ́ lɛ, nyɛfãa ta koni nyɛ kɛ amɛ ayakpea. Amɛbaatsɔ̃ Ziz ŋmeŋme lɛ nɔ kɛba. No hewɔ lɛ, nyɛyaninaa amɛ yɛ jɔɔ lɛ naagbeehe lɛ ni yɔɔ Yeruel shiaŋa lɛ bokãgbɛ lɛ mli.

Lalai 46:10

“Nyɛfea dioo, ni nyɛnaa nyɛlea akɛ mi, mi ji Nyɔŋmɔ; Awo minɔ gojoo yɛ majimaji lɛ ateŋ, Awo minɔ gojoo yɛ shikpɔŋ muu lɛ fɛɛ nɔ.”

Lalai 46:11

Yehowa, Taiatsɛ lɛ, kɛ wɔ yɛ; Yakob Nyɔŋmɔ lɛ ji wɔbobaahe.

Lalai 46:9

Ehãa tawuu sɛɛ foɔ kɛyashɛɔ shikpɔŋ lɛ naagbeehei lɛ. Ekumɔɔ gãii amli ni efiteɔ akplɔi. Ekɛ la shãa tsɛŋi lɛ.

Abe̱i 20:7

Gbɔmɔ ni ji jalɔ ni eye emuu lɛ ajɔɔ eshwiei.

Yesaia 30:16

ni nyɛkɛɛ akɛ, ‘Dabida! Wɔɔtara okpɔŋɔi anɔ kɛjo foi.’ No hewɔ lɛ, foi kɛ̃ nyɛaajo. Ni nyɛkɛɛ hu akɛ ‘Wɔɔtara okpɔŋɔi ni foijee naa wa nɔ.’ No hewɔ lɛ, mɛi ni aaatiu nyɛ lɛ hu afoijee naa baawa.

Yesaia 31:1

Kpoo hã mɛi ni yaa Ijipt amɛyataoɔ yelikɛbuamɔ ni amɛkɛ amɛhiɛ fɔ̃ɔ okpɔŋɔi anɔ, mɛi ni kɛ amɛhiɛ fɔ̃ɔ tayaa shwiilii anɔ ejaakɛ amɛfa, kɛ okpɔŋɔnɔtalɔi hu anɔ, ejaakɛ amɛhe wa naakpa, shi amɛkɛ amɛhiɛ efɔ̃ɔɔ Israel Mɔ Krɔŋkrɔŋ lɛ moŋ nɔ, loo amɛbiii Nuŋtsɔ lɛ dɛŋ yelikɛbuamɔ po!

Ezekiel 39:9

Kɛkɛ lɛ mɛi ni yɔɔ Israel maji lɛ amli lɛ baaje kpo amɛyaloo tawuu nibii lɛ ni amɛaama naa la amɛshã fɛɛ. Amɛaaŋɔ tsɛŋi bibii kɛ ewuji lɛ fɛɛ kɛ gãitsei kɛ gãimlibii lɛ kɛ kpotii kɛ akplɔi ni amɛkɛbaafee lai amɛshã afii kpawo.

Hosea 14:3

Asiria nyɛŋ wɔyiwala ahere gbi ko gbi ko; ni tayaa okpɔŋɔi hu nyɛŋ afã wɔhe. Asaŋ amãgã ni wɔkɛ wɔniji fee lɛ wɔtsɛŋ lɛ wɔNyɔŋmɔ dɔŋŋ. Yehowa, bo lɛ omusuŋ tsɔ̃ɔ bo yɛ awusãi ahe.”

Nahum 2:13

Yehowa kɛɛ akɛ, “Naa, mikɛ nyɛ ena. Mibama nyɛtayaa shwiilii lɛ anaa la mashã. Nyɛtabilɔi ni tamɔ jata lɛ baanyɔnyɔɔ yɛ ta mli. Mashɔ̃ nibii fɛɛ ni nyɛshɔ̃shɔ̃ɔ yɛ mɛi adɛŋ lɛ yɛ nyɛdɛŋ, asaŋ anuŋ ohewalɛ he yɛ je lɛ mli dɔŋŋ.

5 Mose 7:16

Maji fɛɛ ni Yehowa, nyɛNyɔŋmɔ lɛ, aaatu awo nyɛdɛŋ lɛ, nyɛkpãtãa amɛhiɛ ni mɔbɔnalɛ bɛ mli; ni nyɛkajaa amɛnyɔŋmɔi lɛ, ejaakɛ no baahã nyɛdu tsɔne.

Yoshua 10:8

Yehowa kɛɛ Yoshua akɛ, “Kaashe Amorbii lɛ gbeyei ejaakɛ mijɔɔ amɛnɔ momo mihã bo; amɛteŋ mɔ ko mɔ ko nyɛŋ ohiɛ edamɔ.”

Yoshua 11:5

Maŋtsɛmɛi nɛɛ fɛɛ anaa bakpe shi yɛ Merom Faa lɛ naa koni amɛ kɛ Israelbii lɛ abawu.

Yoshua 11:7

No hewɔ lɛ, Yoshua kɛ Israelbii lɛ fɛɛ bahɛ̃ŋ amɛhenyɛlɔi lɛ yɛ Merom Faa lɛ toi.

Yoshua 11:9

Yoshua fee henyɛlɔi nɛɛ bɔ ni Yehowa fã lɛ akɛ efee lɛ: efolɔ amɛkpɔŋɔi lɛ ananesɛɛ fãi lɛ, ni eshã amɛta shwiilii lɛ hu.

Yoshua 3:5

Yoshua kɛɛ maŋbii lɛ akɛ, “Nyɛtsua nyɛhe ejaakɛ wɔ lɛ Yehowa baafee naakpɛɛ nii yɛ nyɛteŋ.”

Kojolɔi 20:28

ni mɔ ni sɔmɔɔ yɛ jɛi yɛ Yehowa hiɛ ji Finehas, Aaron bi Eleazar bi lɛ. Israelbii lɛ bi Yehowa akɛ, “Ani wɔfã ekoŋŋ ni wɔkɛ wɔnyɛmimɛi Benyaminbii lɛ ayawu aloo wɔfɔ̃ɔ?” Yehowa kɛɛ, “Nyɛfãa kɛyaa, ejaakɛ wɔ lɛ, mahã nyɛye amɛnɔ kunim.”

Kojolɔi 7:9

Nakai nyɔɔŋ lɛ mli nɔŋŋ lɛ, Yehowa kɛɛ Gideon akɛ, “Tee shi ni okpeleke shi oyatua Midian nsra lɛ, ejaakɛ mibahã oye amɛnɔ kunim.

1 Samuel 11:9

Kɛkɛ ni Saul shɛ bɔfoi lɛ ni atsu kɛba lɛ akɛ, “Nyɛyakɛa Yabeshbii yɛ Gilead akɛ, ‘Wɔ be ni hulu kɛɛ edamɔɔ lɛ ahere nyɛyiwala.’ ” Be ni bɔfoi lɛ babɔ Yabeshbii lɛ amaniɛ lɛ amɛtsui nyɔ amɛmli,