Yoshua 11:23 - ŊMALƐ KRƆŊKRƆŊ LƐ

²³ Yoshua ŋɔ̃ shikpɔŋ tso muu lɛ fɛɛ tswɛm tamɔ bɔ ni Yehowa ekɛɛ Mose eto lɛ pɛpɛɛpɛ; ni Yoshua ja shikpɔŋ lɛ ehã Israel akutsei lɛ akɛ amɛnɔ koni amɛhi nɔ. Agbɛnɛ taitai lɛ asɛɛ fo, ni shikpɔŋ lɛ nɔ jɔ.

Ṅmãle̱ Kroṅkroṅ Le̱

²³ Ni Iošua ṅõ šikpoṅ mū le̱ fẽ, tamo̱ bo̱ni Iehowa kē̱ Mose le̱ pe̱pē̱pe̱; ni Iošua dša mli hã Israel ye̱ ame̱mlidšāi anā ke̱ ame̱kutšei le̱ anā, ni etšṍ ame̱gbošinii. Ni *šikpoṅ le̱ no̱ dšo̱ ni tawū se̱ fo. *14,15.

Yoshua 11:23 ပူးပေါင်းရင်းမြစ်များ

Nehemia 9:24

Kɛkɛ ni bii lɛ ba koni amɛbaye Kanaanbii lɛ kɛ amɛmaŋtsɛmɛi lɛ anɔ; amɛfee amɛ bɔ ni amɛsumɔɔ.

Lalai 46:9

Ehãa tawuu sɛɛ foɔ kɛyashɛɔ shikpɔŋ lɛ naagbeehei lɛ. Ekumɔɔ gãii amli ni efiteɔ akplɔi. Ekɛ la shãa tsɛŋi lɛ.

2 Mose 34:11

Ye mlai ni miwoɔ bo ŋmɛnɛ nɛɛ anɔ. Naa, mibahã Amorbii lɛ kɛ Kanaanbii lɛ kɛ Hitbii lɛ kɛ Perizbii lɛ kɛ Hivbii lɛ kɛ Yebusbii lɛ ajo nyɛnaa foi.

Ezekiel 45:8

Nɛkɛ shikpɔŋ nɛɛ atsɔ̃ lumɔ ni yeɔ nɔ lɛ gbɛfaŋ nɔ yɛ Israel, koni milumɛi lɛ akawa mimaŋbii lɛ ayi dɔŋŋ; shi moŋ lumɛi lɛ aha Israel we lɛ ana shikpɔŋ lɛ eko yɛ amɛkutsei lɛ anaa.

5 Mose 1:38

Yoshua, Nun bi lɛ, mɔ ni waa bo lɛ ji mɔ ni baaya ayashɛ jɛi. Wo lɛ hewalɛ ejaakɛ lɛ ji mɔ ni baanyiɛ Israelbii lɛ ahiɛ kɛyaŋɔ shikpɔŋ lɛ akɛ amɛnɔ.

5 Mose 25:19

Enɛ hewɔ lɛ, kɛji Yehowa, nyɛNyɔŋmɔ lɛ, ehã nyɛhe ejɔ nyɛ yɛ nyɛhenyɛlɔi fɛɛ ni bɔle nyɛ lɛ adɛŋ lɛ, nyɛbulea Amalekbii lɛ ashishi kwraa koni akakai amɛ dɔŋŋ yɛ jeŋ. Nyɛhiɛ akakpaa nɔ.”

Yoshua 11:18

Yoshua kɛ nɛkɛ maŋtsɛmɛi nɛɛ fɛɛ wu ta be babaoo.

Yoshua 12:7

Yoshua kɛ Israelbii lɛ ye shikpɔŋ lɛ nɔ maŋtsɛmɛi fɛɛ anɔ kunim; no ji maŋtsɛmɛi ni yɔɔ Yordan anaigbɛ kɛjɛ Baal-Gad, yɛ Lebanon Jɔɔ lɛ mli, kɛyanina Halak Gɔŋ lɛ, yɛ wuoyigbɛ yɛ Edom masɛi. Yoshua jara maŋtsɛmɛi nɛɛ ashikpɔji lɛ eha Israel akutsei lɛ akɛ amɛnɔ.

Yoshua 18:10

ni Yoshua fɔ̃ oshiki ni ekɛja shikpɔŋ lɛ eha amɛ, akutso fɛɛ akutso na egbɛfaŋnɔ.

Yoshua 22:4

Agbɛnɛ Yehowa, nyɛNyɔŋmɔ lɛ, ehã nyɛnyɛmimɛi lɛ ahe ejɔ amɛ tamɔ bɔ ni ewo amɛ shi lɛ. No hewɔ lɛ, agbɛnɛ nyɛkua nyɛsɛɛ ni nyɛyaa nyɛshikpɔŋ ni Yehowa tsulɔ Mose kɛhã nyɛ momo, yɛ Yordan lɛ bokãgbɛ, akɛ nyɛgbɛfaŋnɔ lɛ nɔ.

Yoshua 23:1

Be kplaŋŋ sɛɛ be ni Yoshua egbɔ kotokoto, ni Israelbii lɛ ahenyɛlɔi fɛɛ ni bɔle amɛ ekpa amɛnaagbamɔ lɛ,