Yoshua 11:21 - ŊMALƐ KRƆŊKRƆŊ LƐ

²¹ Yoshua fã ta nakai be lɛ mli, ni etee eyabule Anakbii lɛ ashwiei lɛ shishi yɛ gɔji lɛ anɔ hei ni amɛyɔɔ lɛ, ni ji Hebron kɛ Debir kɛ Anab kɛ Yuda gɔji lɛ anɔ fɛɛ kɛ Israel gɔji lɛ hu fɛɛ anɔ. Ekpãtã amɛ kɛ amɛmaji lɛ fɛɛ ahiɛ butuu.

Ṅmãle̱ Kroṅkroṅ Le̱

²¹ Ni Iošua fã ye̱ nakai be le̱ mli ni *eyabule Anakbii le̱ aseši ye̱ goṅ le̱ no̱, ye̱ Hebron ke̱ Debir ke̱ Anab ke̱ Iuda gõdši le̱ fẽ no̱ ke̱ Israel godši le̱ fẽ no̱; ni Iošua feame̱ ke̱ ame̱mãdši le̱ fẽ musu. *4 Mose 13,22. 5 Mose 1,28.

Yoshua 11:21 ပူးပေါင်းရင်းမြစ်များ

Yeremia 3:23

Eji anɔkwa akɛ gɔji lɛ ayiteiaŋ jamɔ hoo lɛ lakamɔ sɔŋŋ kɛkɛ ni. Anɔkwa, Yehowa, wɔNyɔŋmɔ lɛ, lɛ edɛŋ Israel yiwalaheremɔ yɔɔ.

Yeremia 9:23

Nilelɔ akashwã kɛmiifɔ̃ enilee nɔ. Hewalɔ hu akashwã kɛmiifɔ̃ ehewalɛ nɔ, ni niiatsɛ akashwã kɛmiifɔ̃ eninamɔ nɔ;

Amos 2:9

“Shi kɛ̃lɛ mikpãtã Amorbii ni kwɔlɔ tamɔ tsenedru tsei, ni amɛhe wa hu tamɔ odum lɛ ahiɛ yɛ amɛ, Israelbii, ahiɛ. Mikpãtã amɛnɔ yibii lɛ ahiɛ, ni mifite amɛshishi fãi lɛ fɛɛ hu.

4 Mose 13:33

ni wɔna Anakbii ashwiei, gbɔmɛi oblaŋi gojogojoo lɛ ateŋ ekomɛi hu yɛ jɛi. Kɛji wɔkɛ wɔhe to amɛhe lɛ, wɔtamɔ agãi; ni nakai pɛpɛɛpɛ amɛ hu amɛnaa wɔ.”

5 Mose 1:28

Nɛgbɛ wɔɔtsɔ̃ kɛya?’ Wɔnyɛmimɛi lɛ ehã wɔtsui efã, ejaakɛ amɛkɛɛ, ‘Gbɔmɛi lɛ dara ni amɛkwɔlɔ fe wɔ; amɛmaji lɛ hu dara, ni atswa gbogboi ni kwɔlɔ kɛyashi ŋwɛi awowoo amɛhe; ni wɔna Anakbii tete yɛ jɛi.’

5 Mose 2:21

Gbɔmɛi kakabãŋi ni, ni amɛyi fa, ni amɛkwɔlɔ gojogojoo tamɔ Anakbii lɛ. Shi Yehowa kpãtã amɛhiɛ yɛ Amonbii lɛ ahiɛ. No hewɔ lɛ, Amonbii lɛ shɔ̃ shikpɔŋ lɛ yɛ Zamzumbii lɛ adɛŋ ni amɛhi nɔ

5 Mose 9:2

Shikpɔji nɛɛ anɔ gbɔmɛi lɛ dara ni amɛkwɔlɔ hu. Anakbii lɛ ashwiei ji amɛ, ni tamɔ nyɛle momo lɛ, nyɛnuɔ akɛ akɛɔ yɛ amɛhe akɛ, ‘Namɔ baanyɛ Anakbii lɛ ahiɛ adamɔ?’

Yoshua 10:42

Ta shi kome ni Yoshua fã lɛ, ekɛye shikpɔji nɛɛ kɛ amɛmaŋtsɛmɛi lɛ fɛɛ anɔ kunim ejaakɛ Yehowa, Israel Nyɔŋmɔ lɛ, ji mɔ ni wu tai lɛ ehã Israelbii lɛ.

Kpojiemɔ 6:2

Ni mikwɛ, ni naa, okpɔŋɔ yɛŋ, ni mɔ ni ta enɔ lɛ hiɛ gãi, ni ahã lɛ akekre, ni eje kpo tamɔ kunimyelɔ ni miiya eyaye kunim.

Kojolɔi 1:20

Akɛ Hebron hã Kaleb tamɔ bɔ ni Mose ekɛɛ lɛ, ni Kaleb shwie Anakbii etɛ̃ lɛ kɛje jɛi.