Yoshua 11:20 - ŊMALƐ KRƆŊKRƆŊ LƐ

²⁰ Ejaakɛ Yehowa ninenaa nitsumɔ nɛ, akɛ ehã maji lɛ amli bii lɛ kpliŋ amɛtsui, bɔ ni afee ni amɛ kɛ Israelbii lɛ awu ta koni atsɔ̃ no nɔ amɛkpãtã amɛhiɛ ni mɔbɔnalɛ bɛ mli, tamɔ bɔ ni Yehowa fã Mose lɛ.

Ṅmãle̱ Kroṅkroṅ Le̱

²⁰ Edšake̱ Iehowa deṅ edše̱, ni awadše ame̱tšui ní ame̱ke̱ Israel awu, ní afeame̱ musu, ni akanaame̱ mo̱bo̱, *ši moṅ akpãtã ame̱hĩe, take̱ bo̱ni Iehowa wo Mose kitã le̱. *5 Mose 7,2.

Yoshua 11:20 ပူးပေါင်းရင်းမြစ်များ

2 Samuel 17:14

Absalom kɛ Israelbii lɛ fɛɛ kɛɛ akɛ, “Hushai, Arkinyo lɛ ŋaawoo lɛ hi fe Ahitofel nɔ lɛ.” Ejaakɛ Yehowa eto akɛ akaye Ahitofel ŋaawoo kpakpa lɛ nɔ bɔ ni afee ni Yehowa ahã nɔ fɔŋ aba Absalom nɔ.

1 Maŋtsɛmɛi 12:15

No hewɔ lɛ, Maŋtsɛ Rehoboam booo maŋbii lɛ toi, ejaakɛ Yehowa dɛŋ sane lɛ jɛ, bɔ ni afee ni Yehowa ahã ewiemɔ ni etsɔ̃ Ahia, Shilonyo lɛ, nɔ ni ekɛ Nebat bi Yeroboam wie lɛ aba mli.

2 Kronika 22:7

Shi eji Nyɔŋmɔ yiŋtoo akɛ Ahazia shigbeemɔ atsɔ̃ nɛkɛ saramɔ ni etee eyasara Yoram nɛɛ nɔ. Ejaakɛ be ni eyashɛ jɛi sɛɛ lɛ, etee ni eyawa Yoram koni ekɛ Yehu, Nimshi bi lɛ, ni Yehowa ekɔ lɛ koni ekpãtã Ahab we lɛ hiɛ lɛ ayawu.

2 Kronika 25:16

Shi Maŋtsɛ Amazia fo gbalɔ lɛ wiemɔ lɛ mli, ni ekɛɛ lɛ akɛ, “Mɛɛbe wɔwo bo maŋtsɛ ŋaawolɔ? Mɔ onaabu mli koni mikahã agbe bo!” Kɛkɛ ni gbalɔ lɛ kpa wiemɔ lɛ; shi etsɔ̃ hiɛ ni ekɛɛ Amazia akɛ, “Nɔ ni ofee lɛ kɛ agbɛnɛ miŋaawoo toi ni obooo nɛɛ ehã mina mile akɛ Yehowa eto eyiŋ akɛ ebaakpãtã ohiɛ.”

2 Mose 10:1

Kɛkɛ ni Yehowa kɛɛ Mose akɛ, “Yaa Farao ŋɔɔ, shi mihã ekpliŋ etsui, ni etsuji lɛ hu ekpliŋ amɛtsui bɔ ni afee ni mafee naakpɛɛ nii nɛɛ fɛɛ matsɔ̃ɔ amɛ,

2 Mose 11:10

Mose kɛ Aaron fee nɛkɛ naakpɛɛ nibii nɛɛ fɛɛ amɛtsɔ̃ɔ Farao nɛ, shi Yehowa hã Farao kpliŋ etsui ni ehãaa Israelbii lɛ ashi eshikpɔŋ lɛ nɔ amɛya.

2 Mose 14:17

Mahã Ijiptbii lɛ akpliŋ amɛtsui koni amɛnyiɛ Israelbii lɛ asɛɛ, ni maye Farao kɛ eta shwiilii kɛ ekpɔŋɔnɔtalɔi lɛ fɛɛ anɔ kunim.

2 Mose 14:4

Mahã Farao akpliŋ etsui koni etiu nyɛ, ni no aaahã Farao kɛ eta lɛ fɛɛ ashe mi gbeyei, ni Ijiptbii baana ale akɛ mi ji Yehowa lɛ.” Israelbii lɛ fee bɔ ni akɛɛ amɛ lɛ.

2 Mose 14:8

Shi Yehowa hã Ijipt maŋtsɛ Farao kpliŋ etsui, ni etiu Israelbii lɛ ni Yehowa hewalɛ nine ni tsii lɛ hiɛ amɛ kɛyaa lɛ.

2 Mose 4:21

Yehowa kɛɛ Mose ekoŋŋ akɛ, “Kɛji oyashɛ Ijipt lɛ kwɛmɔ ni naakpɛɛ nibii fɛɛ ni mikɛ amɛnɔ hewalɛ ewo odɛ̃ŋ lɛ, ofee yɛ Farao hiɛ; shi mi lɛ mahã Farao akpliŋ etsui, ni ehãŋ maŋ lɛ aya.

2 Mose 9:12

Shi Yehowa hã Farao kpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 9:16

Shi enɛ hewɔ mihã oyɔɔ wala mli lolo koni majie mihewalɛ kpo matsɔ̃ɔ bo koni akɛtsi mitã yɛ jeŋ fɛɛ.

Yesaia 14:24

Yehowa, Taiatsɛ lɛ, ekã kitã akɛ, “Lɛɛlɛŋ bɔ ni misusu lɛ, nakai ebaaba mli; ni bɔ ni mito miyiŋ lɛ, ja ena eba mli nakai.

Yesaia 34:2

Ejaakɛ Yehowa mli efu majimaji lɛ fɛɛ; egri ewo amɛtai lɛ, ni ejɔɔ amɛ nɔ, ni eŋɔ amɛ eha koni akpãtã amɛhiɛ.

Romabii 9:18

Belɛ no hewɔ lɛ, mɔ ni esumɔɔ akɛ ena lɛ mɔbɔ lɛ, enaa lɛ mɔbɔ, ni kɛ eesumɔ akɛ ewaje mɔ ko tsui lɛ, ewajeɔ.

5 Mose 2:30

“Shi Heshbon Maŋtsɛ Sihon ekpɛlɛ̃ɛɛ nɔ akɛ wɔtsɔ̃ eshikpɔŋ lɛ nɔ kɛho, ejaakɛ Yehowa, nyɛNyɔŋmɔ lɛ, hã ekuɛŋ ti, ni ekpliŋ etsui bɔ ni afee ni wɔ kɛ lɛ awu ni wɔye enɔ kunim tamɔ eyɔɔ ŋmɛnɛ nɛɛ lɛ.

5 Mose 7:16

Maji fɛɛ ni Yehowa, nyɛNyɔŋmɔ lɛ, aaatu awo nyɛdɛŋ lɛ, nyɛkpãtãa amɛhiɛ ni mɔbɔnalɛ bɛ mli; ni nyɛkajaa amɛnyɔŋmɔi lɛ, ejaakɛ no baahã nyɛdu tsɔne.

Kojolɔi 14:4

Shi etsɛ kɛ enyɛ leee akɛ Yehowa dɛŋ jɛ ni Filistibii lɛ ahe gbɛ Yehowa taoɔ, ejaakɛ nakai be lɛ mli lɛ, Filistibii lɛ yeɔ Israel nɔ.

1 Samuel 2:25

Kɛji gbɔmɔ fee enyɛmi gbɔmɔ esha lɛ, Nyɔŋmɔ ji mɔ ni kojoɔ lɛ; shi kɛji gbɔmɔ fee esha eshi Yehowa lɛ, namɔ po ni aaakpa fai ahã lɛ?” Shi oblahii lɛ eyabooo amɛtsɛ, Eli, toi ejaakɛ Yehowa eto akɛ ebaagbe amɛ.