Yoshua 11:2 - ŊMALƐ KRƆŊKRƆŊ LƐ

² kɛ maŋtsɛmɛi ni yɔɔ kooyigbɛ gɔji ashikpɔŋ lɛ nɔ lɛ kɛ maŋtsɛmɛi ni yɔɔ Yordan jɔɔ lɛ mli yɛ Galilea Kpaakpo lɛ wuoyigbɛ lɛ, kɛ maŋtsɛmɛi ni yɔɔ gɔji lɛ ashishi lɛ, kɛ maŋtsɛmɛi ni yɔɔ Dor ŋshɔnaa yɛ anaigbɛ lɛ.

Ṅmãle̱ Kroṅkroṅ Le̱

² ke̱ maṅtše̱mei ni yo̱ kõyigbe̱ ye̱ gõdši ašikpoṅ le̱ no̱ ke̱ ṅã kpatä ni yo̱ Kinerot wuoyigbe̱ le̱ no̱ ke̱ ṅãno̱ šikpoṅ le̱ no̱ ke̱ Dor ṅmeṅmei le̱ ano̱ ye̱ anaigbe̱ le̱,

Yoshua 11:2 ပူးပေါင်းရင်းမြစ်များ

1 Maŋtsɛmɛi 15:20

Ben-Hadad kpɛlɛ̃ Maŋtsɛ Asa wiemɔ lɛ nɔ, ni etsu etatsɛmɛi kɛtee ni amɛyatua Israel maji lɛ. Tatsɛmɛi lɛ ŋɔ maji nɛɛ: Yion kɛ Dan kɛ Abel-Bet-Maaka kɛ shikpɔŋ ni bɛŋkɛ Galilea kpaakpo lɛ kɛ Naftali kpokpai anɔ shikpɔŋ lɛ fɛɛ.

1 Maŋtsɛmɛi 4:11

Ben-Abinadab kwɛɔ Nafat-Dor. Eŋa ji Tafat, Solomon biyoo lɛ.

4 Mose 34:11

ni husu lɛ baatsa nɔ kɛjɛ Shefam koni ekpeleke shi kɛya Harbel yɛ Ain bokãgbɛ. Kɛjɛ jɛi lɛ enyiɛ gɔji lɛ anɔ kɛyanina Galilea Kpaakpo lɛ yɛ ebokãgbɛ;

Luka 1:39

Ni yɛ nakai bei lɛ amli lɛ Maria kɛ oyaiyeli yiŋ kɛtee Yuda maŋ ko mli yɛ gɔji lɛ anɔ,

Luka 5:1

Gbi ko be ni Yesu damɔ Genesaret Kpaakpo lɛ naa ni mɛi pii jwere enɔ amɛboɔ Nyɔŋmɔ wiemɔ lɛ toi lɛ,

Yoshua 10:40

No hewɔ lɛ, Yoshua ye shikpɔŋ tso muu lɛ fɛɛ nɔ kunim: kɛjɛ gɔji lɛ anɔ kɛmɔ wuoyigbɛ shikpɔŋ lɛ, kɛbote jɔi lɛ amli aahu kɛyashwie ŋmeŋmei lɛ anɔ fɛɛ. Yoshua ye maji lɛ kɛ amɛmli maŋtsɛmɛi lɛ fɛɛ anɔ kunim bɔ ni eshwɛɛɛ nɔ ko nɔ ko hiɛkãalɔ; ekpãtã nɔ fɛɛ nɔ hiɛ butuu tamɔ bɔ ni Yehowa ni ji Israel Nyɔŋmɔ lɛ efã lɛ.

Yoshua 10:6

Enɛ hã Gibeon hii lɛ tsu mɛi Yoshua ŋɔ̃ɔ yɛ eshitoohe lɛ yɛ Gilgal, ni amɛbakɛɛ lɛ akɛ, “Naa, Amorbii amaŋtsɛmɛi fɛɛ ni yɔɔ gɔji lɛ anɔ lɛ ebua amɛhe naa ewo wɔ. No hewɔ lɛ, ofainɛ, ba mra koni obaye obua wɔ. Kaaŋmɛɛ wɔhe ohã amɛ, shi otsuji ji wɔ.”

Yoshua 11:16

Yoshua shɔ̃ shikpɔŋ tso muu lɛ fɛɛ, ni ji gɔji lɛ anɔ shikpɔŋ lɛ, kɛ wuoyigbɛ shikpɔŋ lɛ fɛɛ kɛ Goshen shikpɔŋ lɛ fɛɛ kɛ ŋa nɔ shikpɔŋ lɛ kɛ amɛjɔɔ mli shikpɔŋ kplanaa lɛ.

Yoshua 11:21

Yoshua fã ta nakai be lɛ mli, ni etee eyabule Anakbii lɛ ashwiei lɛ shishi yɛ gɔji lɛ anɔ hei ni amɛyɔɔ lɛ, ni ji Hebron kɛ Debir kɛ Anab kɛ Yuda gɔji lɛ anɔ fɛɛ kɛ Israel gɔji lɛ hu fɛɛ anɔ. Ekpãtã amɛ kɛ amɛmaji lɛ fɛɛ ahiɛ butuu.

Yoshua 12:23

kɛ Dor maŋtsɛ ni hi Nafat Dor lɛ kɛ Goiim (ni yɔɔ Galilea lɛ) maŋtsɛ,

Yoshua 12:3

Maŋtsɛ Sihon nɛɛ nɔŋŋ shikpɔŋ ji Yordan Jɔɔ lɛ mli shikpɔŋ ni kã shi kɛjɛ Bet Yeshimot wuoyi (yɛ Galilea Kpaakpo lɛ bokãgbɛ) kɛyashwie Pisga Gɔŋ lɛ shishi lɛ.

Yoshua 13:27

kɛ Yordan Jɔɔ lɛ mli maji lɛ, ni ji Bet Haram kɛ Bet Nimra kɛ Sukot kɛ Zafon kɛ Heshbon maŋtsɛ Sihon shikpɔji ni eshwɛ lɛ. Shikpɔŋ lɛ kã shi kɛjɛ Yordan lɛ naa akɛ husu kɛtee Galilea Kpaakpo lɛ shishigbɛ he ni kpaakpo lɛ naa yatãa yɛ lɛ yɛ Yordan lɛ bokãgbɛ.

Yoshua 17:11

Akɛ Isakarbii lɛ kɛ Asherbii lɛ ashikpɔji lɛ anɔ maji komɛi hã Manasebii lɛ. Maji nɛɛ ji Bet-Sham kɛ ehe akrowai lɛ kɛ Ibleam kɛ ehe akrowai lɛ kɛ Dorbii akrowai lɛ kɛ En-Dorbii kɛ amɛ akrowai lɛ kɛ Taanak kɛ ehe akrowai lɛ kɛ Megidobii kɛ amɛ akrowai lɛ (nɔ ni ji etɛ̃ lɛ ji Nafat).

Kojolɔi 1:27

Manase akutso lɛ eshwieee Bet-Shean kɛ ehe maji lɛ amli bii lɛ, kɛ Taanak kɛ ehe maji lɛ amli bii lɛ, kɛ Dor kɛ ehe maji lɛ amli bii lɛ kɛ Ibeam kɛ ehe maji lɛ amli bii lɛ, kɛ Megido kɛ ehe maji lɛ amli bii lɛ. Kanaanbii nɛɛ kã he hi shi yɛ shikpɔŋ lɛ nɔ.