Yoshua 11:15 - ŊMALƐ KRƆŊKRƆŊ LƐ

¹⁵ Bɔ ni Yehowa wo etsulɔ Mose kitã lɛ, nakai nɔŋŋ Mose hu wo Yoshua kitã lɛ, ni nakai pɛpɛɛpɛ Yoshua fee. Nii fɛɛ ni Yehowa wo he kitã lɛ, Yoshua shiii mli ekoeko ni etsuuu he nii.

Ṅmãle̱ Kroṅkroṅ Le̱

¹⁵ Bo̱ni Iehowa wo etšũlo̱ Mose kitã le̱, nakai noṅṅ Mose wo Iošua kitã, ni nakai Iošua fe; nii ní Iehowa wo Mose he kitã le̱ ešĩĩ mli eko eko ní efee.

Yoshua 11:15 ပူးပေါင်းရင်းမြစ်များ

2 Kronika 30:12

Nyɔŋmɔ nine kã Yudabii lɛ ahe, ni ehã amɛ fɛɛ amɛna jwɛŋmɔ kome kɛfee ekome, ni amɛye maŋtsɛ lɛ kɛ maŋ onukpai lɛ agbɛjianɔtoi lɛ anɔ, ni amɛkɛfee Nyɔŋmɔ suɔmɔnaanii.

4 Mose 33:50

Kɛkɛ ni Yehowa kɛɛ Mose yɛ Moab ŋa kplenee lɛ nɔ yɛ Yordan Faa lɛ sɛɛ yɛ Yeriko ŋlɛnɔ akɛ,

4 Mose 33:52

nyɛshwiea shikpɔŋ lɛ nɔ bii lɛ fɛɛ yɛ nɔ; ni nyɛkpãtãa amɛtɛ shiui lɛ fɛɛ kɛ amɛmãgãi ni ashwie lɛ hu fɛɛ ahiɛ; asaŋ nyɛfitea hei ni amɛjaa amɛwɔji lɛ yɛ lɛ fɛɛ hu.

Mateo 23:23

“Kpoo hã nyɛ, mlatsɔɔlɔi kɛ Farisifoi, osatofoi! Nyɛhãa kowɛ kɛ anisi kɛ kumino mlijaa nyɔŋmanyɔŋma, shi Mla lɛ mli nii ni he jaraa ni ji jalɛ saneyeli kɛ mɔbɔnalɛ kɛ hemɔkɛyeli lɛ nyɛshiɔ; enɛɛmɛi sa akɛ nyɛfeɔ kɛshiɔ ekrokomɛi lɛ anɔ.

Luka 11:42

Shi kpoo hã nyɛ, Farisifoi, akɛ nyɛhãa kowɛ kɛ shwie kɛ bai srɔtoi fɛɛ mlijaa nyɔŋmanyɔŋma, ni nyɛshiɔ jalɛ saneyeli kɛ suɔmɔ ni akɛsumɔɔ Nyɔŋmɔ lɛ! Kulɛ esa akɛ nyɛfeɔ enɛɛmɛi hu nyɛkɛshiɔ ekrokomɛi lɛ anɔ.

Bɔfoi 20:20

bɔ ni mishiuuu nɔ ko nɔ ko ni he yɔɔ sɛɛnamɔ hã nyɛ nɔ, ni mijaje mitsɔ̃ɔ nyɛ yɛ faŋŋ kɛ shĩa fɛɛ shĩa hu;

Bɔfoi 20:27

ejaakɛ mijaje Nyɔŋmɔ yiŋtoo muu lɛ fɛɛ mitsɔ̃ɔ nyɛ ni mishiuuu eko nɔ.

5 Mose 12:32

“Nyɛyea nibii fɛɛ ni miwo nyɛ he kitã lɛ anɔ; nyɛkɛ nɔ ko akafataa he, ni nyɛkajiea nɔ ko hu yɛ mli.

5 Mose 31:3

Yehowa, nyɛNyɔŋmɔ lɛ, diɛŋtsɛ aaanyiɛ nyɛhiɛ kɛfo faa lɛ; ni lɛ nɔŋŋ ebaakpãtã majimaji lɛ ahiɛ yɛ nyɛhiɛ koni nyɛŋɔ. Yɛ Yehowa wiemɔ naa lɛ, Yoshua aaanyiɛ nyɛhiɛ kɛfo Yordan Faa lɛ.

5 Mose 31:5

Yehowa aaatu amɛ awo nyɛdɛŋ; ni nyɛfee amɛ bɔ ni mitsɔ̃ɔ nyɛ akɛ nyɛfee amɛ lɛ pɛpɛɛpɛ.

5 Mose 31:7

Kɛkɛ ni Mose tsɛ Yoshua kɛba eŋɔɔ, ni ekɛɛ lɛ yɛ Israel maŋ muu lɛ fɛɛ hiɛ akɛ, “Ohe awa, ni ofee ekãa, ejaakɛ bo okɛ nɛkɛ maŋ nɛɛ baaya shikpɔŋ lɛ ni Yehowa ewo amɛtsɛmɛi lɛ he shi akɛ ekɛbaahã amɛ lɛ nɔ, ni bo nɔŋŋ oooja shikpɔŋ lɛ ohã amɛ akɛ amɛgbɛfaŋnɔ.

5 Mose 4:2

Nyɛkɛ nɔ ko akafataa mlai ni miwoɔ nyɛ nɛɛ ahe, ni asaŋ nyɛkajiea nɔ ko yɛ mli hu. Nyɛyea Yehowa, nyɛNyɔŋmɔ lɛ, mlai ni miwoɔ nyɛ nɛɛ nɔ.

5 Mose 4:5

“Naa, mitsɔ̃ɔ nyɛ akpɔi kɛ mlai lɛ bɔ ni Yehowa, miNyɔŋmɔ lɛ, fã akɛ mifee lɛ, koni nyɛye nɔ yɛ shikpɔŋ ni nyɛyaa nyɛyaŋɔ lɛ nɔ.

5 Mose 7:2

Kɛji Yehowa, nyɛNyɔŋmɔ lɛ, kɛ amɛwo nyɛdɛŋ nɛkɛ lɛ, nyɛkpãtãa amɛhiɛ kwraa. Nyɛ kɛ amɛ akakpãŋa kpãŋmɔ ko, ni asaŋ nyɛkanaa amɛ mɔbɔ.

Yoshua 1:7

“Bo lɛ wajemɔ ohe ni ofee ekãa jogbaŋŋ kɛkɛ; asaŋ ojwɛŋ nɔ, ni oye mla ni mitsulɔ Mose wo bo lɛ fɛɛ nɔ. Kaagba afã kɛmiiya ninejurɔ loo abɛku bɔ ni afee ni oye omanye yɛ nɔ fɛɛ nɔ ni ofeɔ mli.

Yoshua 11:12

Yoshua ŋɔ̃ maŋtsɛmɛi lɛ amaji lɛ fɛɛ, ni emɔ̃mɔ amɛmli maŋtsɛmɛi lɛ hu, ni akɛ klante gbe amɛ tamɔ bɔ ni Yehowa tsulɔ, Mose fã lɛ.

Yoshua 11:14

Israelbii lɛ ha maji lɛ amli bii lɛ anibii fɛɛ kɛ amɛkooloi hu amɛhã amɛhe. Asaŋ amɛkɛ klante gbe maji lɛ amli gbɔmɛi kɛyashi amɛkpãtã mɔ fɛɛ mɔ hiɛ; amɛshwɛɛɛ gbɔmɔ hiɛkãalɔ kome nɛkɛ.

Yoshua 11:16

Yoshua shɔ̃ shikpɔŋ tso muu lɛ fɛɛ, ni ji gɔji lɛ anɔ shikpɔŋ lɛ, kɛ wuoyigbɛ shikpɔŋ lɛ fɛɛ kɛ Goshen shikpɔŋ lɛ fɛɛ kɛ ŋa nɔ shikpɔŋ lɛ kɛ amɛjɔɔ mli shikpɔŋ kplanaa lɛ.

1 Samuel 15:11

“Mishwa mihe akɛ miwo Saul maŋtsɛ, ejaakɛ ekpale yɛ misɛɛ, ni eyeee mikitãi lɛ anɔ.” Sane lɛ fee Samuel mlifu, ni esɔle ekpa Yehowa fai nyɔɔŋnyɔɔŋ fɛɛ.