Yoshua 11:12 - ŊMALƐ KRƆŊKRƆŊ LƐ

¹² Yoshua ŋɔ̃ maŋtsɛmɛi lɛ amaji lɛ fɛɛ, ni emɔ̃mɔ amɛmli maŋtsɛmɛi lɛ hu, ni akɛ klante gbe amɛ tamɔ bɔ ni Yehowa tsulɔ, Mose fã lɛ.

Ṅmãle̱ Kroṅkroṅ Le̱

¹² Ni Iošua ṅõ ne̱ke̱ maṅtše̱mei ne̱ amãdši le̱ fẽ ke̱ ame̱mli maṅtše̱mei le̱ fẽ, ni eke̱ klante gbeame̱, ni efeame̱ musu, tamo̱ bo̱ni Iehowa tšũlo̱ Mose wo kitã le̱.

Yoshua 11:12 ပူးပေါင်းရင်းမြစ်များ

5 Mose 7:2

Kɛji Yehowa, nyɛNyɔŋmɔ lɛ, kɛ amɛwo nyɛdɛŋ nɛkɛ lɛ, nyɛkpãtãa amɛhiɛ kwraa. Nyɛ kɛ amɛ akakpãŋa kpãŋmɔ ko, ni asaŋ nyɛkanaa amɛ mɔbɔ.

5 Mose 9:3

Shi moŋ nyɛnaa nyɛlea ŋmɛnɛ gbi nɛɛ akɛ mɔ ni nyiɛ nyɛhiɛ kɛyaa lɛ etamɔ la grigri ni kpãtãa nii ahiɛ. Lɛ ji Yehowa, nyɛNyɔŋmɔ lɛ. Ebaaye amɛnɔ, ni ebaajɔɔ amɛhe yɛ nyɛhiɛ koni nyɛshwie amɛ yɛ shikpɔŋ lɛ nɔ, ni nyɛkpãtã amɛhiɛ oya tamɔ bɔ ni lɛ Yehowa ewo nyɛ shi eto momo lɛ.

Yoshua 10:20

Yoshua kɛ Israelbii lɛ gbe amɛhenyɛlɔi Amorbii lɛ kɛyashi amɛyi tã; shi mɛi ni na gbɛ jo foi lɛ yabote maji ni atswa gbogbo kɛfofoo amɛhe lɛ amli.

Yoshua 10:28

Nakai gbi lɛ nɔŋŋ lɛ Yoshua yatua Makeda maŋ lɛ, ni egbe emaŋtsɛ lɛ kɛ maŋ lɛ mli bii fɛɛ; eshwɛɛɛ gbɔmɔ hiɛkãalɔ kome nɛkɛ. Efee Makeda maŋtsɛ lɛ bɔ ni efee Yeriko maŋtsɛ lɛ.

Yoshua 10:30

Yehowa jɔɔ Libna kɛ emaŋtsɛ lɛ fɛɛ nɔ ehã Yoshua, ni eye amɛnɔ kunim. Yoshua kɛ klante kpãtã gbɔmɛi fɛɛ ni yɔɔ Libna lɛ ahiɛ. Efee Libna maŋtsɛ lɛ bɔ ni efee Yeriko maŋtsɛ lɛ.

Yoshua 10:32

Yehowa jɔɔ Lakish nɔ ehã Yoshua, ni gbi ni ji enyɔ lɛ nɔ lɛ eye nɔ kunim, ni Yoshua shɔ̃ maŋ lɛ. Ekɛ klante kpãtã maŋ lɛ kɛ emli gbɔmɛi lɛ fɛɛ ahiɛ tamɔ bɔ ni efee Libna lɛ.

Yoshua 10:35

Israelbii lɛ ŋɔ̃ maŋ lɛ gbi lɛ nɔŋŋ; kɛkɛ ni amɛfite maŋ lɛ, ni amɛkɛ klante kpãtã emli gbɔmɛi fɛɛ ahiɛ gbi lɛ nɔŋŋ tamɔ bɔ ni efee Lakish lɛ.

Yoshua 10:37

Amɛshɔ̃ Hebron, ni amɛkɛ klante kpãtã Hebron maŋtsɛ kɛ maŋbii lɛ kɛ maŋ lɛ akrowai lɛ hu fɛɛ amli bii ahiɛ butuu. Eshwɛɛɛ gbɔmɔ hiɛkãalɔ kome nɛkɛ tamɔ bɔ ni efee yɛ Eglon lɛ pɛpɛɛpɛ. Ekpãtã maŋ lɛ kɛ emli gbɔmɛi fɛɛ ahiɛ.

Yoshua 11:13

Shi maji fɛɛ ni jwere ŋmeŋmei anɔ lɛ, Yoshua eshãaa amɛmli ekoeko akɛ ja Hazor pɛ.

Yoshua 11:15

Bɔ ni Yehowa wo etsulɔ Mose kitã lɛ, nakai nɔŋŋ Mose hu wo Yoshua kitã lɛ, ni nakai pɛpɛɛpɛ Yoshua fee. Nii fɛɛ ni Yehowa wo he kitã lɛ, Yoshua shiii mli ekoeko ni etsuuu he nii.

Yoshua 13:6

Sidonbii ashikpɔŋ lɛ ni kã shi kɛjɛ Lebanon gɔji lɛ anɔ kɛyashi Misrefot Maim lɛ hu fata he. Mi diɛŋtsɛ mibashwie gbɔmɛi nɛɛ yɛ Israelbii lɛ ahiɛ. Bo lɛ fɔ̃ɔ oshiki kɛkɛ koni okɛja shikpɔŋ lɛ ohã Israelbii lɛ koni etsɔ̃ amɛnɔ tamɔ bɔ ni mifã bo lɛ.

Yoshua 21:44

Yehowa hã amɛna hejɔlɛ yɛ shikpɔŋ lɛ nɔ he fɛɛ he tamɔ bɔ ni ewo amɛtsɛmɛi lɛ shi lɛ pɛpɛɛpɛ. Amɛhenyɛlɔi lɛ ateŋ mɔ ko mɔ ko kwraa nyɛɛɛ amɛhiɛ adamɔ, ejaakɛ Yehowa hã amɛye amɛhenyɛlɔi lɛ fɛɛ anɔ kunim.

Yoshua 8:31

Emã latɛ lɛ bɔ pɛpɛɛpɛ ni Yehowa tsulɔ Mose wo Israelbii lɛ ehe kitã lɛ, no ji bɔ ni aŋma yɛ Mla Wolo lɛ mli lɛ: “Afɔleshãa latɛ ni akɛ tɛi muji ni ŋaalɔ dade naa esako he dã ma.” Israelbii lɛ shã shãa afɔlei yɛ nɔ amɛkɛhã Yehowa, ni amɛshã shidaa afɔlei hu.

Yoshua 8:8

Kɛji nyɛnine shɛ maŋ lɛ nɔ lɛ, nyɛmaa maŋ lɛ naa la, koni nyɛfea lɛ tamɔ bɔ ni Yehowa efã lɛ. Naa, kitã miwoɔ nyɛ nɛɛ.”

Yoshua 9:24

Gibeonbii lɛ to he amɛhã Yoshua akɛ, “Agba otsuji bɔ ni Yehowa, oNyɔŋmɔ lɛ, wo etsulɔ Mose shi akɛ ekɛ shikpɔŋ muu lɛ fɛɛ baahã nyɛ, ni ebaakpãtã shikpɔŋ lɛ nɔ bii lɛ fɛɛ ahiɛ ehã nyɛ. Sane nɛɛ hã wɔshe gbeyei; ni no hã wɔye nɛkɛ sane nɛɛ.