Yoshua 10:6 - ŊMALƐ KRƆŊKRƆŊ LƐ

⁶ Enɛ hã Gibeon hii lɛ tsu mɛi Yoshua ŋɔ̃ɔ yɛ eshitoohe lɛ yɛ Gilgal, ni amɛbakɛɛ lɛ akɛ, “Naa, Amorbii amaŋtsɛmɛi fɛɛ ni yɔɔ gɔji lɛ anɔ lɛ ebua amɛhe naa ewo wɔ. No hewɔ lɛ, ofainɛ, ba mra koni obaye obua wɔ. Kaaŋmɛɛ wɔhe ohã amɛ, shi otsuji ji wɔ.”

Ṅmãle̱ Kroṅkroṅ Le̱

⁶ Ke̱ke̱ ni Gibeonbii le̱ tšũ Iošua ṅõ ye̱ nsra le̱ṅ ye̱ Gilgal ame̱bakē̱: Kādšie onine ye̱ otšũdši le̱ ahe; ba wo̱ṅõ mrãmrã, ní obahere wo̱yiwala, ni obaye obuawo̱; edšake̱ Amorbii amaṅtše̱mei fẽ ni yo̱ gõdši le̱ ano̱ le̱ ebabua ame̱he nā ewowo̱!

Yoshua 10:6 ပူးပေါင်းရင်းမြစ်များ

2 Maŋtsɛmɛi 4:24

Ehã awo teji yoo lɛ nɔ nii ahã lɛ; kɛkɛ ni ekɛɛ etsulɔ lɛ akɛ, “Wo teji lɛ foi ni wɔtee; kaagbɔjɔ foijee lɛ mli yɛ mihewɔ, ja mikɛɛ bo akɛ ogbɔjɔ mli.”

Lalai 125:2

Bɔ ni gɔji ebɔle Yerusalɛm kɛkpe kpula lɛ, nakai Yehowa hu ebɔle emɛi lɛ ahe kɛkpe, kɛjɛ benɛ mli kɛmiiya naanɔ fɛɛ.

Yesaia 33:22

Ejaakɛ Yehowa ji wɔkojolɔ, Yehowa ji wɔnɔyelɔ. Yehowa ji wɔmaŋtsɛ; lɛ nɔŋŋ ebaahere wɔyiwala.

4 Mose 13:29

Amalekbii lɛ yɛ shikpɔŋ lɛ wuoyigbɛ, ni Hitbii lɛ kɛ Yebusbii lɛ kɛ Amorbii lɛ yɛ gɔji lɛ anɔ, ni Kanaanbii lɛ kã ŋshɔ lɛ naa kɛ Yordan Faa lɛ hu naa.”

Luka 1:39

Ni yɛ nakai bei lɛ amli lɛ Maria kɛ oyaiyeli yiŋ kɛtee Yuda maŋ ko mli yɛ gɔji lɛ anɔ,

5 Mose 1:15

Kɛkɛ ni miŋɔ nyɛkutsei lɛ amli hii ni le nii, ni yɔɔ gbɛi hu ni nyɛfamɔ lɛ, ni miwo amɛ onukpai mihã nyɛ, mɛi akpeakpe kui kɛ mɛi ohaoha kui kɛ mɛi nyɔŋmai enumɔenumɔ kui kɛ mɛi nyɔŋmanyɔŋma kui anɔkwɛlɔi kɛ nyɛkutsei lɛ anɔkwɛlɔi hu.

Yoshua 10:5

No hewɔ lɛ, Amorbii amaŋtsɛmɛi enumɔ nɛɛ, ni ji Yerusalɛm maŋtsɛ kɛ Hebron maŋtsɛ kɛ Yarmut maŋtsɛ kɛ Lakish maŋtsɛ kɛ Eglon maŋtsɛ bua amɛtabilɔi lɛ anaa, kɛkɛ ni amɛto ta kɛtee koni amɛkɛ Gibeonbii ayawu; ni amɛyagba ta kɛbɔle Gibeon maŋ lɛ he.

Yoshua 10:7

Enɛ hewɔ lɛ, Yoshua kɛ Israel tabilɔi kãkãlɔi lɛ fɛɛ kɛ amɛta lɛ fɛɛ fã kɛjɛ Gilgal kɛtee.

Yoshua 21:11

Akɛ Kiriat-Arba, ni ji Anaktsɛ Arba maŋ lɛ, hã amɛ kɛ ehe shikpɔji ni bɔle lɛ lɛ. Maŋ nɛɛ nɔŋŋ ji Hebron ni yɔɔ Yuda gɔji lɛ anɔ lɛ.

Yoshua 5:10

Be ni Israelbii lɛ yɔɔ Gilgal lɛ, amɛye Hehoo Gbijurɔ lɛ yɛ nyɔŋ lɛ nɔ gbi ni ji nyɔŋma kɛ ejwɛ lɛ nɔ gbɛkɛ yɛ Yeriko ŋã kplanaa lɛ nɔ.

Yoshua 9:15

Yoshua here Gibeonbii nɛɛ atuu, ni ekɛ amɛ kpãŋ hu akɛ Israel efeŋ amɛ, Gibeonbii lɛ, efɔŋ ko. Israelbii lɛ anukpai lɛ kã Gibeonbii lɛ abɔfoi lɛ kitã akɛ amɛaaye kpãŋmɔ lɛ nɔ.

Yoshua 9:6

Ni amɛyi mli amɛtee Yoshua ŋɔ̃ɔ yɛ Israelbii lɛ ashitoohe lɛ yɛ Gilgal, ni amɛyakɛɛ lɛ kɛ Israelhii lɛ akɛ, “Maŋsɛɛ shɔŋŋ he ko wɔjɛ wɔbaa nɛɛ; ni wɔba koni nyɛ kɛ wɔ akpãŋ ni wɔfee ekome.”

Yoshua 9:8

Gibeonbii lɛ kɛɛ Yoshua akɛ, “Wɔyɛ oshishi.” Yoshua bi amɛ akɛ, “Namɛi ji nyɛ; ni nɛgbɛ hu nyɛjɛ?”