Yoshua 10:41 - ŊMALƐ KRƆŊKRƆŊ LƐ

⁴¹ Yoshua ye maji lɛ fɛɛ anɔ kunim kɛjɛ Kadesh Barnea kɛtee Gaza, kɛmɔ Goshen shikpɔŋ tso muu lɛ fɛɛ aahu kɛtee Gibeon tɔ̃ɔ.

Ṅmãle̱ Kroṅkroṅ Le̱

⁴¹ Ni Iošua kpãtã ame̱hīe ke̱-dše̱ Kadeš-Barnea ke̱-te Gaza tõ, ke̱ *Gošen šikpoṅ le̱ fẽ ke̱-yaši Gibeon tõ. *11,18.

Yoshua 10:41 ပူးပေါင်းရင်းမြစ်များ

1 Mose 10:19

aahu kɛyashi amɛhusu lɛ shɛ Sidon kɛtsɔ̃ Gerar kɛyashi Gaza, kɛjɛ jɛi kɛtsɔ̃ Sodom kɛ Gomora kɛ Adama kɛ Ziboim kɛyashi Lasha.

1 Maŋtsɛmɛi 3:5

Nyɔɔŋ be ni eyɔɔ jɛi lɛ, Nuŋtsɔ Naa Nyɔŋmɔ jie ehe kpo etsɔ̃ɔ lɛ yɛ lamɔ mli. Ni Nyɔŋmɔ kɛɛ lɛ akɛ, “Bi mi nɔ ni otaoɔ ni mahã bo!”

Zakaria 9:5

Ashkelon maŋ lɛ aaana ni eeeshe gbeyei; Gaza hu aaana ni ehe aaakpokpo naakpa. Ekron hu aaana ejaakɛ ehiɛnɔkãmɔ lɛ aaafee yakatswaa. Gaza maŋtsɛ lɛ hiɛ aaakpãtã, ni Ashkelon hu baatsɔ̃ amaŋfɔ̃.

4 Mose 13:26

Amɛba Mose kɛ Aaron kɛ Israelbii asafo muu lɛ fɛɛ ŋɔ̃ɔ yɛ Kadesh yɛ Paran ŋa lɛ nɔ. Amɛbagba amɛ bɔ ni amɛyana nibii amɛhã, ni amɛkɛ shikpɔŋ lɛ nɔ tsei ayibii lɛ tsɔ̃ɔ amɛ.

4 Mose 32:8

Nɛkɛ nɔŋŋ ji bɔ ni nyɛtsɛmɛi fee be ni mitsu amɛ kɛjɛ Kadesh Barnea akɛ amɛyasara shikpɔŋ lɛ.

4 Mose 34:4

ni ebaadɔ eyi kɛya wuoyigbɛ Akrabim Jɔɔ lɛ mli. Kɛkɛ lɛ efo mli kɛtsɔ Zin kɛtee wuoyigbɛ aahu kɛyashɛ Kadesh Barnea. Kɛjɛ jɛi lɛ husu lɛ baadɔ eyi eŋmɛ kooyi anaigbɛ kɛtsɔ Hazar Adar kɛya Azmon.

Bɔfoi 8:26

Shi Nuŋtsɔ lɛ bɔfo ko kɛ Filipo bawie akɛ, “Tee shi ni oya wuoyigbɛ yɛ tɛmpɔŋ ni kã shiaŋa lɛ nɔ kɛjɛ Yerusalɛm kɛyaa Gaza lɛ nɔ.”

5 Mose 1:19

“Wɔfã kɛjɛ Sinai Gɔŋ lɛ he, ni tamɔ bɔ ni Yehowa, wɔNyɔŋmɔ lɛ, efã wɔ lɛ, wɔtsɔ̃ shiaŋa ni nɔ yɔɔ gbeyei, tamɔ nyɛna lɛ, nɔ yɛ gbɛ ni yaa Amorbii agɔji ashikpɔŋ lɛ nɔ lɛ nɔ, ni wɔbashɛ Kadesh Barnea.

5 Mose 2:23

Avimbii lɛ, sa lɛ amɛhi shi kɛjɛ Mediterenia Ŋshɔ lɛ naa kɛyashi Gaza. Kretabii fã kɛjɛ Kreta ŋshɔkpɔ lɛ nɔ kɛba, ni amɛbashwie Avimbii lɛ, ni amɛshɔ̃ shikpɔŋ lɛ yɛ amɛdɛŋ, ni amɛhi nɔ.)

5 Mose 9:23

Ni be ni Yehowa wo nyɛ gbɛ yɛ Kadesh Barnea akɛ nyɛya koni nyɛyaŋɔ shikpɔŋ ni ekɛhãa nyɛ akɛ nyɛŋɔ lɛ, no mli hu nyɛtse Yehowa, nyɛNyɔŋmɔ lɛ, hiɛ atua, ni nyɛheee lɛ nyɛyeee, ni nyɛbooo lɛ toi hu.

Yoshua 10:12

Gbi nɔ ni Yehowa hã Israelbii lɛ ye Amorbii lɛ anɔ kunim nɛɛ lɛ, Yoshua kɛ Yehowa wie yɛ Israelbii lɛ fɛɛ ahiɛ, ni ekɛɛ akɛ, “Hulu, wa odamɔ shi yɛ Gibeon! Nyɔɔŋtsere bo hu wa yɛ Ayalon Jɔɔ lɛŋ!”

Yoshua 10:2

amɛshe gbeyei naakpa. Eshishi ji akɛ maŋ wulu ji Gibeon; etamɔ maŋtsɛmaji lɛ eko nɔŋŋ, ni eda po fe Ai, asaŋ emli hii lɛ kãkãlɔi sɔŋŋ ni.

Yoshua 11:16

Yoshua shɔ̃ shikpɔŋ tso muu lɛ fɛɛ, ni ji gɔji lɛ anɔ shikpɔŋ lɛ, kɛ wuoyigbɛ shikpɔŋ lɛ fɛɛ kɛ Goshen shikpɔŋ lɛ fɛɛ kɛ ŋa nɔ shikpɔŋ lɛ kɛ amɛjɔɔ mli shikpɔŋ kplanaa lɛ.

Yoshua 11:22

Anakbii nɛɛ ateŋ mɔ kome nɛkɛ eshwɛɛɛ hiɛkãalɔ yɛ Israelbii lɛ ashikpɔŋ lɛ nɔ. Gaza kɛ Gat kɛ Ashdod pɛ ji hei ni eshwɛ mɛi komɛi yɛ.

Yoshua 15:51

kɛ Goshen kɛ Holon kɛ Gilo: maji nyɔŋma kɛ ekome kɛ amɛhe akrowai.

Kojolɔi 16:1

Samson yiŋ etee Filistibii amaŋ ko ni atsɛɔ lɛ Gaza lɛ mli. Eyana yoo ajwamãŋ ko yɛ jɛi, ni etee eyawɔ eŋɔɔ.

Kojolɔi 16:21

Kɛkɛ ni Filistibii lɛ mɔ lɛ ni amɛfamɔ ehiŋmɛii. Amɛkɛ lɛ tee Gaza. Amɛkɛ akɔɔble gboklɛi enyɔ wo lɛ, ni amɛhãa ewiɛɔ yɛ wiɛ sɛɛ yɛ gboklɛfoi atsu lɛ mli.

1 Samuel 6:17

Abua ni fuufuu Filistibii lɛ henɔ shika nii ni Filistibii lɛ fee lɛ, bɔ ni amɛkɛyahã Yehowa akɛ amɛsɔ̃yeli he afɔle yɛ maji lɛ agbɛii amli nɛ: Ashdod nɔ ekome, kɛ Gaza nɔ ekome, kɛ Ashkelon nɔ ekome.