Yoshua 10:40 - ŊMALƐ KRƆŊKRƆŊ LƐ

⁴⁰ No hewɔ lɛ, Yoshua ye shikpɔŋ tso muu lɛ fɛɛ nɔ kunim: kɛjɛ gɔji lɛ anɔ kɛmɔ wuoyigbɛ shikpɔŋ lɛ, kɛbote jɔi lɛ amli aahu kɛyashwie ŋmeŋmei lɛ anɔ fɛɛ. Yoshua ye maji lɛ kɛ amɛmli maŋtsɛmɛi lɛ fɛɛ anɔ kunim bɔ ni eshwɛɛɛ nɔ ko nɔ ko hiɛkãalɔ; ekpãtã nɔ fɛɛ nɔ hiɛ butuu tamɔ bɔ ni Yehowa ni ji Israel Nyɔŋmɔ lɛ efã lɛ.

Ṅmãle̱ Kroṅkroṅ Le̱

⁴⁰ Ni Iošua kpãtã šikpoṅ le̱ fẽ hĩe: gõdši ašikpoṅ le̱ ke̱ wuoyigbe̱ šikpoṅ le̱ ke̱ ṅãno̱ šikpoṅ le̱ ke̱ gõdši ahĩe ši le̱ ke̱ ame̱mli maṅtše̱mei le̱ fẽ, ni eſe̱e̱ moko ni dše mli; ni nofẽno ni mũo̱ le̱ *efele̱ musu, tamo̱ bo̱ni Iehowa, Israel Nyoṅmo̱ le̱, ewo kitã le̱. 4 Mose 21,2. 5 Mose 20,18-48.

Yoshua 10:40 ပူးပေါင်းရင်းမြစ်များ

1 Maŋtsɛmɛi 15:29

Amrɔ nɔŋŋ ni Baasha baye maŋtsɛ lɛ, egbe Yeroboam we lɛ mli bii lɛ fɛɛ, ni amɛteŋ mɔ ko mɔ ko eshwɛɛɛ ni muɔ tete yɛ Yeroboam we lɛ. Efee enɛ koni wiemɔ ni Yehowa wie kɛtsɔ̃ etsulɔ Ahia, Shilonyo lɛ, nɔ lɛ aba mli.

Nehemia 9:24

Kɛkɛ ni bii lɛ ba koni amɛbaye Kanaanbii lɛ kɛ amɛmaŋtsɛmɛi lɛ anɔ; amɛfee amɛ bɔ ni amɛsumɔɔ.

Lalai 9:17

Mɛi fɔ̃ji kɛ mɛi fɛɛ ni hiɛ kpaa Nyɔŋmɔ nɔ lɛ baaya gbohiiaje.

2 Mose 34:12

Kwɛmɔ ohe ni ahi koni okɛ shikpɔŋ nɔ ni nyɛyaa lɛ nɔ bii lɛ akakpãŋ koni no batsɔ̃ tsɔne ehã nyɛ.

4 Mose 13:17

Mose tsu bɔfoi nɛɛ koni amɛyasara Kanaan shikpɔŋ lɛ nigii, ni ekɛɛ amɛ akɛ, “Nyɛtsɔ̃a kooyigbɛ nɛɛ kɛyaa Kanaan shikpɔŋ lɛ wuoyigbɛ; ni kɛjɛ jɛi lɛ nyɛkwɔa gɔji lɛ,

5 Mose 1:7

Nyɛdɔa nyɛyi koni nyɛfãa kɛyaa Amorbii agɔji ashikpɔŋ lɛ kɛ hei fɛɛ ni bɛŋkɛ jɛi lɛ nɔ. Hei nɛɛ ji Yordan Jɔɔ shikpɔŋ lɛ, ni yɔɔ wuoyigbɛ lɛ kɛyamɔ Mediterenia Ŋshɔ lɛ naa, kɛ Kanaanbii ashikpɔŋ lɛ kɛ Lebanon aahu kɛyamɔ faa wulu ni ji Eufrate lɛ naa.

5 Mose 2:34

Wɔŋɔ emaji fɛɛ nakai be lɛ mli nɔŋŋ, ni wɔkpãtã maŋ fɛɛ maŋ kɛ hii kɛ yei kɛ gbekɛbii fɛɛ ahiɛ; wɔshwɛɛɛ gbɔmɔ hiɛkãalɔ kome nɛkɛ.

5 Mose 7:24

Ebaatu maji lɛ amaŋtsɛmɛi lɛ ewo nyɛdɛŋ; ni nyɛaagbe amɛ, ni amɛgbɛii baalaaje yɛ jeŋ. Amɛteŋ mɔ ko mɔ ko nyɛŋ nyɛhiɛ adamɔ kɛyaashi beyinɔ ni nyɛaakpãtã amɛhiɛ.

Yoshua 10:35

Israelbii lɛ ŋɔ̃ maŋ lɛ gbi lɛ nɔŋŋ; kɛkɛ ni amɛfite maŋ lɛ, ni amɛkɛ klante kpãtã emli gbɔmɛi fɛɛ ahiɛ gbi lɛ nɔŋŋ tamɔ bɔ ni efee Lakish lɛ.

Yoshua 10:37

Amɛshɔ̃ Hebron, ni amɛkɛ klante kpãtã Hebron maŋtsɛ kɛ maŋbii lɛ kɛ maŋ lɛ akrowai lɛ hu fɛɛ amli bii ahiɛ butuu. Eshwɛɛɛ gbɔmɔ hiɛkãalɔ kome nɛkɛ tamɔ bɔ ni efee yɛ Eglon lɛ pɛpɛɛpɛ. Ekpãtã maŋ lɛ kɛ emli gbɔmɛi fɛɛ ahiɛ.

Yoshua 10:39

Eye maŋ lɛ kɛ emli maŋtsɛ lɛ kɛ maŋ lɛ akrowai lɛ fɛɛ anɔ kunim. Amɛkɛ klante kpãtã maji lɛ kɛ gbɔmɛi fɛɛ ni yɔɔ amɛmli lɛ ahiɛ butuu. Eshwɛɛɛ gbɔmɔ hiɛkãalɔ kome nɛkɛ. Bɔ ni Yoshua fee Hebron kɛ Libna kɛ emaŋtsɛ lɛ, nakai pɛpɛɛpɛ efee Debir kɛ emaŋtsɛ lɛ.

Yoshua 11:16

Yoshua shɔ̃ shikpɔŋ tso muu lɛ fɛɛ, ni ji gɔji lɛ anɔ shikpɔŋ lɛ, kɛ wuoyigbɛ shikpɔŋ lɛ fɛɛ kɛ Goshen shikpɔŋ lɛ fɛɛ kɛ ŋa nɔ shikpɔŋ lɛ kɛ amɛjɔɔ mli shikpɔŋ kplanaa lɛ.

Yoshua 12:8

Shikpɔji ni ajara nɛɛ ekomɛi ji gɔji anɔ shikpɔŋ lɛ kɛ anaigbɛ gɔji lɛ ashishi shikpɔŋ kplanaa lɛ, kɛ Yordan Jɔɔ lɛ, ni ji wuoyigbɛ lɛ. Shikpɔŋ nɛɛ nɔ Hivbii lɛ kɛ Amorbii lɛ kɛ Kanaanbii lɛ kɛ Perizbii lɛ kɛ Hitbii lɛ kɛ Jebusbii lɛ hi.

Yoshua 18:21

Naa maji ni akɛhã Benyaminbii lɛ yɛ amɛwekui lɛ anaa lɛ: Yeriko kɛ Bet-Hogla kɛ Emek-Keziz,

Yoshua 6:17

Maŋ lɛ kɛ nɔ fɛɛ nɔ ni yɔɔ mli lɛ, akpãtã hiɛ ahã Yehowa, ja Rahab, yoo ajwamãŋ lɛ, kɛ mɔ fɛɛ mɔ ni yɔɔ eŋɔ̃ɔ yɛ ewe lɛ; amɛ kɛkɛ yi abaa, ejaakɛ Rahab ji mɔ ni kɛ bɔfoi lɛ ni wɔtsu lɛ tee.

Yoshua 8:2

Feemɔ Ai maŋ lɛ kɛ emaŋtsɛ lɛ tamɔ ofee Yeriko kɛ emaŋtsɛ lɛ; shi agbɛnɛ lɛ nyɛbaanyɛ nyɛha maŋ lɛŋ nibii kɛ kooloi lɛ. Nyɛwoa maŋ lɛ ka yɛ esɛɛgbɛ.”

Yoshua 8:27

Kitã ni Yehowa ewo Yoshua hewɔ lɛ, Israelbii lɛ ha maŋ lɛ mli kooloi kɛ nibii fɛɛ.

Yoshua 9:24

Gibeonbii lɛ to he amɛhã Yoshua akɛ, “Agba otsuji bɔ ni Yehowa, oNyɔŋmɔ lɛ, wo etsulɔ Mose shi akɛ ekɛ shikpɔŋ muu lɛ fɛɛ baahã nyɛ, ni ebaakpãtã shikpɔŋ lɛ nɔ bii lɛ fɛɛ ahiɛ ehã nyɛ. Sane nɛɛ hã wɔshe gbeyei; ni no hã wɔye nɛkɛ sane nɛɛ.