Yoshua 10:3 - ŊMALƐ KRƆŊKRƆŊ LƐ

³ Enɛ hã Yerusalɛm maŋtsɛ Adonizedek tsu kɛtee Hebron maŋtsɛ Hoham kɛ Yarmut maŋtsɛ Piram kɛ Lakish maŋtsɛ Yafia kɛ Eglon maŋtsɛ Debir ŋɔɔ, ni ayakɛɛ amɛ akɛ,

Ṅmãle̱ Kroṅkroṅ Le̱

³ Nohewo̱ le̱ Ierusalem maṅtše̱ Adonizedek tšũ ke̱-te Hebron maṅtše̱ Hoham ke̱ Iarmut maṅtše̱ Piram ke̱ Lakiš maṅtše̱ Iafia ke̱ Eglon maṅtše̱ Debir ṅõ ake̱:

Yoshua 10:3 ပူးပေါင်းရင်းမြစ်များ

1 Mose 23:2

Sara gbo yɛ Kiriat-Arba, ni ji Hebron ni yɔɔ Kanaan shikpɔŋ lɛ nɔ lɛ. Abraham ye Sara he ŋkɔmɔ ni efo lɛ.

1 Mose 37:14

Yakob kɛɛ lɛ akɛ, “Yaa amrɔ nɛɛ nɔŋŋ ni oyakwɛ akɛ onyɛmimɛi lɛ kɛ toi lɛ fɛɛ yɛ jogbaŋŋ lo koni obakɛɛ mi.” Kɛkɛ ni etsu Yosef kɛjɛ Hebron jɔɔ lɛ mli; ni Yosef ba Shekem.

2 Samuel 2:11

David ye Yuda maŋtsɛ yɛ Hebron afii kpawo kɛ nyɔji ekpaa.

2 Maŋtsɛmɛi 18:14

Yuda Maŋtsɛ Hezekia tsu ayakɛɛ Asiria Maŋtsɛ Sankerib yɛ Lakish akɛ, “Mitɔ̃, hewɔ lɛ ofainɛ ni oku osɛɛ oya, nɔ fɛɛ nɔ ni ooohe mi lɛ mawo.” Ni Asiria maŋtsɛ lɛ tsɔ̃ɔ akɛ Yuda Maŋtsɛ Hezekia abahã lɛ jwiɛtɛi talentai ohai etɛ̃ kɛ shika ŋmiiŋmi talentai nyɔŋmai etɛ̃.

2 Maŋtsɛmɛi 18:17

Kɛkɛ ni Asiria maŋtsɛ lɛ tsu Tartan kɛ Rabsaris kɛ Rabshake kɛ ta babaoo kɛjɛ Lakish kɛtee Maŋtsɛ Hezekia ŋɔɔ, yɛ Yerusalɛm. Be ni amɛyashɛ jɛi lɛ, amɛyadamɔ ŋwɛigbɛ kpaakpo lɛ nujɔɔ lɛ masɛi, yɛ niiahefɔlɔi abɔɔ lɛ tɛmpɔŋ lɛ nɔ.

2 Kronika 11:9

kɛ Adoraim kɛ Lakish kɛ Azeka,

Yeremia 34:7

be ni Babilon maŋtsɛ lɛ tabilɔi lɛ kɛ Yerusalɛm kɛ Yuda maji ni eshwɛ, ni ji Lakish kɛ Azeka, wuɔ ta lɛ; ejaakɛ nomɛi pɛ ji Yuda maji ni eshwɛ ni atswa gbogbo awo amɛhe.

Mika 1:13

Nyɛ Lakishbii, nyɛfimɔa shwiilii nyɛkpɛtɛa okpɔŋɔi ni he yɔɔ oya ahe. Israel eshai lɛ nyɛkase feemɔ, ni nyɛkɛhã Yerusalɛm efee esha.

4 Mose 13:22

Bɔfoi nɛɛ tsɔ̃ wuoyigbɛ lɛ kɛyashɛ Hebron he ni Ahimanbii lɛ kɛ Sheshaibii lɛ kɛ Talmaibii lɛ yɔɔ lɛ. Gbɔmɛi nɛɛ lɛ, gbɔmɛi gojogojoo ni, ni mɛi ni atsɛɔ amɛ akɛ Anakbii lɛ ashwiei ni. Ato Hebron maŋ lɛ afii kpawo dani ato Zoan maŋ ni yɔɔ Ijipt lɛ.

Yoshua 10:1

Yerusalɛm maŋtsɛ Adonizedek nu akɛ Yoshua eye Ai maŋ lɛ nɔ kunim, ni ekpãtã hiɛ butubutu, ni asaŋ efee Ai kɛ emaŋtsɛ lɛ bɔ ni efee Yeriko kɛ emaŋtsɛ lɛ. Agbɛnɛ enu hu akɛ Gibeonbii lɛ etee amɛkɛ Israelbii lɛ eyakpãŋ, ni amɛ kɛ amɛ efee ekome, ni amɛfutu amɛ tete amɛ kɛ amɛ yɛ. Be ni Adonizedek nu saji nɛɛ lɛ

Yoshua 10:23

Afee bɔ ni Yoshua fã lɛ; ajie nakai maŋtsɛmɛi enumɔ lɛ yɛ tɛkplo lɛ mli kɛje kpo abahã lɛ. Maŋtsɛmɛi nɛɛ ji Yerusalɛm maŋtsɛ lɛ kɛ Hebron maŋtsɛ lɛ kɛ Yarmut maŋtsɛ lɛ kɛ Lakish maŋtsɛ lɛ kɛ Eglon maŋtsɛ lɛ.

Yoshua 10:34

Kɛkɛ ni Yoshua kɛ Israelbii lɛ fɛɛ tse mli kɛjɛ Lakish kɛtee Eglon, ni amɛyagba ta kɛbɔle maŋ lɛ he, ni amɛtua Eglonbii lɛ, ni amɛ kɛ amɛ wu.

Yoshua 10:5

No hewɔ lɛ, Amorbii amaŋtsɛmɛi enumɔ nɛɛ, ni ji Yerusalɛm maŋtsɛ kɛ Hebron maŋtsɛ kɛ Yarmut maŋtsɛ kɛ Lakish maŋtsɛ kɛ Eglon maŋtsɛ bua amɛtabilɔi lɛ anaa, kɛkɛ ni amɛto ta kɛtee koni amɛkɛ Gibeonbii ayawu; ni amɛyagba ta kɛbɔle Gibeon maŋ lɛ he.

Yoshua 14:15

Sa lɛ Hebron gbɛi ji Kiriat Arba, eshishi ji Arba maŋ.

Yoshua 15:54

kɛ Humta kɛ Kiriat-Arba, ni ji Hebron, kɛ Zior: maji nɛɛhu kɛ amɛhe akrowai.

Yoshua 15:63

Shi Yudabii lɛ eyanyɛɛɛ Yebusbii, ni ji mɛi ni yɔɔ Yerusalɛm lɛ amɛshwie. No hewɔ lɛ, Yebusbii lɛ futu Yudabii lɛ kɛhi Yerusalɛm kɛbashi ŋmɛnɛ.

Yoshua 18:28

kɛ Zela kɛ Elef kɛ Yebus, ni ji Yerusalɛm, kɛ Gibea kɛ Kiriat-Yearim. Maji fɛɛ ni Benyaminbii lɛ na ji maji nyɔŋma kɛ ejwɛ kɛ amɛhe akrowai. Enɛ ji Benyaminbii lɛ agbɛfaŋnɔ ni ahã amɛ yɛ amɛwekui lɛ anaa lɛ.