Yoshua 10:28 - ŊMALƐ KRƆŊKRƆŊ LƐ

²⁸ Nakai gbi lɛ nɔŋŋ lɛ Yoshua yatua Makeda maŋ lɛ, ni egbe emaŋtsɛ lɛ kɛ maŋ lɛ mli bii fɛɛ; eshwɛɛɛ gbɔmɔ hiɛkãalɔ kome nɛkɛ. Efee Makeda maŋtsɛ lɛ bɔ ni efee Yeriko maŋtsɛ lɛ.

Ṅmãle̱ Kroṅkroṅ Le̱

²⁸ Ni Iošua ṅõ Makeda hũ ye̱ nakai gbĩ le̱ no̱, ni eke̱ klante gbeame̱, ni efe emli maṅtše̱ le̱ ke̱ susumai ní yo̱ mli le̱ fẽ musu, eſe̱e̱ mokomeflo ni dše mli; ni efe Makeda maṅtše̱ le̱, tamo̱ bo̱ni *efe Ieriko maṅtše̱ le̱. *6,21.

Yoshua 10:28 ပူးပေါင်းရင်းမြစ်များ

Lalai 110:1

Yehowa kɛɛ minuŋtsɔ lɛ akɛ, “Ta mininejurɔ nɔ kɛyashi beyinɔ ni maŋɔ ohenyɛlɔi lɛ mafee onajiashi maaŋoo.”

Luka 19:27

“Shi nakai mihenyɛlɔi lɛ ni sumɔɔɔ akɛ miye amɛnɔ maŋtsɛ lɛ, nyɛkɛ amɛ abaa biɛ ni nyɛbagbea amɛ yɛ mihiɛ nɛɛ!”

1 Korintobii 15:25

Shi ja eye maŋtsɛ kɛyashi beyinɔ ni Nyɔŋmɔ kɛ henyɛlɔi lɛ fɛɛ aaawo enajiaŋshi.

5 Mose 2:34

Wɔŋɔ emaji fɛɛ nakai be lɛ mli nɔŋŋ, ni wɔkpãtã maŋ fɛɛ maŋ kɛ hii kɛ yei kɛ gbekɛbii fɛɛ ahiɛ; wɔshwɛɛɛ gbɔmɔ hiɛkãalɔ kome nɛkɛ.

5 Mose 7:16

Maji fɛɛ ni Yehowa, nyɛNyɔŋmɔ lɛ, aaatu awo nyɛdɛŋ lɛ, nyɛkpãtãa amɛhiɛ ni mɔbɔnalɛ bɛ mli; ni nyɛkajaa amɛnyɔŋmɔi lɛ, ejaakɛ no baahã nyɛdu tsɔne.

5 Mose 7:2

Kɛji Yehowa, nyɛNyɔŋmɔ lɛ, kɛ amɛwo nyɛdɛŋ nɛkɛ lɛ, nyɛkpãtãa amɛhiɛ kwraa. Nyɛ kɛ amɛ akakpãŋa kpãŋmɔ ko, ni asaŋ nyɛkanaa amɛ mɔbɔ.

Yoshua 10:30

Yehowa jɔɔ Libna kɛ emaŋtsɛ lɛ fɛɛ nɔ ehã Yoshua, ni eye amɛnɔ kunim. Yoshua kɛ klante kpãtã gbɔmɛi fɛɛ ni yɔɔ Libna lɛ ahiɛ. Efee Libna maŋtsɛ lɛ bɔ ni efee Yeriko maŋtsɛ lɛ.

Yoshua 10:32

Yehowa jɔɔ Lakish nɔ ehã Yoshua, ni gbi ni ji enyɔ lɛ nɔ lɛ eye nɔ kunim, ni Yoshua shɔ̃ maŋ lɛ. Ekɛ klante kpãtã maŋ lɛ kɛ emli gbɔmɛi lɛ fɛɛ ahiɛ tamɔ bɔ ni efee Libna lɛ.

Yoshua 10:35

Israelbii lɛ ŋɔ̃ maŋ lɛ gbi lɛ nɔŋŋ; kɛkɛ ni amɛfite maŋ lɛ, ni amɛkɛ klante kpãtã emli gbɔmɛi fɛɛ ahiɛ gbi lɛ nɔŋŋ tamɔ bɔ ni efee Lakish lɛ.

Yoshua 10:37

Amɛshɔ̃ Hebron, ni amɛkɛ klante kpãtã Hebron maŋtsɛ kɛ maŋbii lɛ kɛ maŋ lɛ akrowai lɛ hu fɛɛ amli bii ahiɛ butuu. Eshwɛɛɛ gbɔmɔ hiɛkãalɔ kome nɛkɛ tamɔ bɔ ni efee yɛ Eglon lɛ pɛpɛɛpɛ. Ekpãtã maŋ lɛ kɛ emli gbɔmɛi fɛɛ ahiɛ.

Yoshua 10:39

Eye maŋ lɛ kɛ emli maŋtsɛ lɛ kɛ maŋ lɛ akrowai lɛ fɛɛ anɔ kunim. Amɛkɛ klante kpãtã maji lɛ kɛ gbɔmɛi fɛɛ ni yɔɔ amɛmli lɛ ahiɛ butuu. Eshwɛɛɛ gbɔmɔ hiɛkãalɔ kome nɛkɛ. Bɔ ni Yoshua fee Hebron kɛ Libna kɛ emaŋtsɛ lɛ, nakai pɛpɛɛpɛ efee Debir kɛ emaŋtsɛ lɛ.

Yoshua 12:15

kɛ Libna maŋtsɛ, kɛ Adullam maŋtsɛ,

Yoshua 12:16

kɛ Makeda maŋtsɛ kɛ Betel maŋtsɛ,

Yoshua 15:41

kɛ Gederot kɛ Bet-Dagon kɛ Naama kɛ Makeda: maji nyɔŋma kɛ ekpaa kɛ amɛhe akrowai.

Yoshua 6:21

Amɛkpãtã maŋ lɛŋ nɔ fɛɛ nɔ hiɛ yɛ klante naa, hii kɛ yei kɛ gbekɛbii kɛ onukpai, kɛ toi kɛ tsinai kɛ tejii fɛɛ.

Yoshua 8:2

Feemɔ Ai maŋ lɛ kɛ emaŋtsɛ lɛ tamɔ ofee Yeriko kɛ emaŋtsɛ lɛ; shi agbɛnɛ lɛ nyɛbaanyɛ nyɛha maŋ lɛŋ nibii kɛ kooloi lɛ. Nyɛwoa maŋ lɛ ka yɛ esɛɛgbɛ.”

Yoshua 9:3

Shi Gibeonbii lɛ, be ni amɛnu nɔ ni Yoshua efee Yeriko kɛ Ai lɛ,