Yoshua 10:26 - ŊMALƐ KRƆŊKRƆŊ LƐ

²⁶ No sɛɛ lɛ, Yoshua tswia maŋtsɛmɛi lɛ nii, ni egbe amɛ; ni ekɛ amɛgbohii lɛ tsotsoro shi yɛ tsei enumɔ anɔ. Gbohii nɛɛ tsotsoro tsei lɛ anɔ kɛyashi gbɛkɛnaashi

Ṅmãle̱ Kroṅkroṅ Le̱

²⁶ Ni no se̱ le̱ Iošua tſiaame̱ nii ni egbeame̱, ni ese̱ṅame̱ ye̱ tšei enumo̱ no̱; ni ame̱tšotšõro tšei le̱ ano̱ ke̱-yaši gbe̱ke̱.

Yoshua 10:26 ပူးပေါင်းရင်းမြစ်များ

2 Samuel 21:6

No hewɔ lɛ, ŋɔɔ eshwiei amli hii kpawo ohã wɔ koni wɔyasɛŋ amɛ wɔtsɔ̃ɔ yɛ Yehowa hiɛ yɛ Gibea, yɛ Saul, mɔ ni Yehowa wo lɛ maŋtsɛ lɛ, maŋ lɛ mli.” Maŋtsɛ David to he ni ekɛɛ, “Mibahã nyɛ mɛi lɛ.”

2 Samuel 21:9

David kɛ amɛ wo Gibeonbii lɛ adɛŋ, ni Gibeonbii lɛ sɛŋ amɛ yɛ Yehowa hiɛ yɛ gɔŋ lɛ nɔ, ni amɛyi kpawo lɛ fɛɛ amɛgboi shi kome. Ŋmɔshi nikpamɔ shishijee be mli asɛŋ gbɔmɛi nɛɛ; no mli lɛ abɔi akoko foo.

Ester 2:23

Be ni atao sane lɛ mli lɛ, ebakã shi faŋŋ akɛ eyɛ mli anɔkwale. No hewɔ lɛ, asɛŋ Bigtan kɛ Teresh yɛ tso nɔ, ni Maŋtsɛ Ahashwerosh fã, ni aŋma sane nɛɛ awo Yinɔ Asaji wolo lɛ mli yɛ maŋtsɛ lɛ diɛŋtsɛ hiɛ.

Lalai 149:7

koni amɛkɛtɔ owele yɛ majimaji lɛ anɔ, koni amɛkɛgbala maŋbii lɛ atoi,

Lalai 18:41

Amɛbolɔ amɛtsɛ yelikɛbuamɔ; shi mɔ ko mɔ ko yeee buaaa amɛ. Amɛbolɔ amɛtsɛ Yehowa, shi efooo amɛdaaŋ.

4 Mose 25:4

ni ekɛɛ Mose akɛ, “Mɔ̃ɔmɔ maŋ lɛ mli onukpai lɛ fɛɛ koni agbe amɛ shwane ketekete yɛ mi, Yehowa, mihiɛ; bɔ ni afee ni Yehowa mli ni efu Israel fe nine lɛ sɛɛ afo.”

Mateo 27:25

Ni maŋ lɛ fɛɛ here nɔ amɛkɛɛ, “Elá aba wɔ kɛ wɔbii anɔ!”

Yohane 19:31

Shi Hesaamɔkɛtoo Gbi ni, ni bɔ ni afee ni amɛgbohii lɛ akahi sɛŋmɔtso lɛ nɔ yɛ hejɔɔmɔ gbi lɛ nɔ (ejaakɛ nakai hejɔɔmɔ gbi lɛ gbi wulu ni) hewɔ lɛ, Yudafoi lɛ yakpa Pilato fai akɛ akumɔ amɛnaji ni ajie amɛ.

Galatabii 3:13

Kristo kpɔ̃ wɔ kɛjɛ Mla lɛ loomɔ lɛ mli, akɛni etsɔ̃ loomɔ ehã wɔ lɛ, ejaakɛ aŋma akɛ, “Alomɔ mɔ fɛɛ mɔ ni tsotsoro tso nɔ lɛ;”

Yoshua 8:29

Esɛŋ Ai maŋtsɛ lɛ yɛ tso ko nɔ kɛyashi gbɛkɛnaashi hulu lɛ shinyɔɔ be mli dani Yoshua fã, ni ayajie maŋtsɛ lɛ gbonyo lɛ yɛ tso lɛ nɔ, ni ashɛ lɛ afɔ̃ maŋ lɛ agbo lɛ naa. Ato tɛ ashwie Ai maŋtsɛ lɛ gbonyo lɛ nɔ, ni etsɔ̃ gɔŋ ni ma shi kɛbashi ŋmɛnɛ.

Kojolɔi 8:21

Kɛkɛ ni Zeba kɛ Zalmuna kɛɛ, “Bo diɛŋtsɛ tee shi ni ogbe wɔ, ejaakɛ ja nuu ni nyɛɔ nuu nii etsuɔ,” Kɛkɛ ni Gideon te shi ni egbe Zeba kɛ Zalmuna, ni ejie kuɛnii ni afee amɛ nyɔɔŋtsere fãfãi ni yɔɔ amɛyoomai lɛ akuɛ lɛ.

1 Samuel 15:33

Shi Samuel kɛɛ Agag akɛ, “Bɔ ni oklante hã yei etsɔmɔ yei ni bɛ bii lɛ, nakai bo hu onyɛ baatsɔ̃ yoo ni bɛ bi yɛ enanemɛi yei ateŋ.” Kɛkɛ ni Samuel bamɔ Agag kɛ klante, ni efolɔ emli dukuduku yɛ Yehowa afɔleshãa latɛ lɛ hiɛ yɛ Gilgal.