Yoshua 10:24 - ŊMALƐ KRƆŊKRƆŊ LƐ

²⁴ Be ni akɛ maŋtsɛmɛi nɛɛ je kpo kɛba Yoshua ŋɔ̃ɔ lɛ, Yoshua tsɛ Israel hii lɛ fɛɛ kɛbakpe. Kɛkɛ ni ekɛɛ tabilɔi ni kɛ lɛ tee ta lɛ anɔ asafoiatsɛmɛi lɛ akɛ, “Nyɛtsia nyɛbaa koni nyɛkɛ nyɛnaji abamãmɔa nɛkɛ maŋtsɛmɛi nɛɛ akuɛi anɔ.” Asafoiatsɛmɛi lɛ ba, ni amɛkɛ amɛnaji bamãmɔ maŋtsɛmɛi lɛ akuɛi anɔ.

Ṅmãle̱ Kroṅkroṅ Le̱

²⁴ Ni eba mli ake̱, beni ake̱ nakai maṅtše̱mei le̱ dše kpo ke̱-ba Iošua ṅõ le̱, Iošua tšé̱ Israel hĩĩ le̱ fẽ ke̱-ba, ni ekē̱ tabilo̱i ní ke̱le̱ te le̱ ano̱ asafoiatše̱mei le̱ ake̱: Nyetšia nyebaä ni nyeke̱ nyenãdši abamãmo̱a ne̱ke̱ maṅtše̱mei ne̱ akue̱i ano̱! Ni ame̱tši ame̱ba, ni ame̱ke̱ ame̱nãdši bamãmo̱ ame̱kue̱i ano̱.

Yoshua 10:24 ပူးပေါင်းရင်းမြစ်များ

2 Samuel 22:39

Mitswiaa amɛ nii bɔ ni amɛnyɛɛɛ shi amɛte dɔŋŋ, ni amɛnyɔnyɔi yɛ minaji ashi.

2 Samuel 22:41

Ohãa mihenyɛlɔi joɔ minaa foi, ni mikpãtãa mɛi ni nyɛɔ mi lɛ ahiɛ.

Lalai 107:40

egbeɔ lumɛi ahiɛ, ni ehãa amɛtsomloɔ yɛ shiaŋa ni gbɛ kadimɔ nɔ bɛ nɔ;

Lalai 110:1

Yehowa kɛɛ minuŋtsɔ lɛ akɛ, “Ta mininejurɔ nɔ kɛyashi beyinɔ ni maŋɔ ohenyɛlɔi lɛ mafee onajiashi maaŋoo.”

Lalai 110:5

Nuŋtsɔ lɛ yɛ oninejurɔ nɔ; eeetswia maŋtsɛmɛi ashi yɛ emlifu gbi lɛ nɔ.

Lalai 18:40

Ohã mihenyɛlɔi lɛ tsɔ̃ amɛsɛɛ amɛhã mi, ni mikpãtã mɛi ni nyɛɔ mi lɛ ahiɛ.

Lalai 91:13

Ooonyiɛ jata kɛ shikpãa nɔ po, ooonaanaa jatabi kɛ jeŋ nɔ.

Yesaia 51:23

Maŋɔ maha nyɛhaolɔi lɛ, mɛi ni kɛɔ nyɛ akɛ, ‘Nyɛkamɔa shi koni wɔnyiɛa nyɛnɔ kɛhoa.’ Ni nyɛtsɔ tamɔ gbɛjegbɛ koni wɔnyiɛ nyɛnɔ lɛ.”

Maleaki 4:3

Gbi nɔ ni mibatsu minii nɛɛ lɛ, nyɛbaanaanaa mɛi fɔ̃ji lɛ anɔ yɛ nyɛnajiashi ejaakɛ amɛtsɔ̃mɔ lamlu.” Yehowa kɛɛ.

Romabii 16:20

Shi etsɛŋ ni hejɔlɛ Nyɔŋmɔ lɛ aaanaanaa Satan nɔ kwraa yɛ nyɛnajiashi. WɔNuŋtsɔ Yesu Kristo dromɔ lɛ kɛ nyɛ ahi shi.

5 Mose 33:29

Israel, omii ashɛ ohe! Namɔ tamɔ bo, maŋ ni Yehowa ehere oyiwala? Mɔ ni ji oyelikɛbuamɔ tsɛŋ kɛ okunimyeli klante lɛ? Ohenyɛlɔi aaashwie amɛnaa shi amɛhã bo, ni obaanaanaa amɛhei grɔŋŋi lɛ anɔ.”

Hebribii 1:13

Shi ŋwɛi bɔfoi lɛ ateŋ namɔ po ni Nyɔŋmɔ ekɛɛ lɛ pɛŋ akɛ, “Ta mininejurɔ nɔ kɛyashi beyinɔ ni maŋɔ ohenyɛlɔi lɛ mafee onajiashi maaŋoo?”

Kojolɔi 8:20

Kɛkɛ ni ekɛɛ ekromɔbi Yeter akɛ, “Tee shi ni ogbe amɛ!” Shi oblanyo lɛ gbalaaa eklante lɛ; eeshe gbeyei, ejaakɛ edako.