Yoshua 1:9 - ŊMALƐ KRƆŊKRƆŊ LƐ

⁹ Ani jeee mi mifã bo? Wajemɔ ohe ni ofee ekãa. Kaahã ŋmiŋmi miimɔ bo, ni asaŋ otsui akafã ejaakɛ mi, Yehowa, oNyɔŋmɔ lɛ, mifĩ osɛɛ yɛ he fɛɛ he ni oyaa.”

Ṅmãle̱ Kroṅkroṅ Le̱

⁹ Ani dšee mi mifã́o? Wadšemo̱ ohe ni ofe ekã. Kāhã ṅmiṅmi mīmõo, ni asaṅ otšui akafã; edšake̱ Iehowa, o-Nyoṅmo̱ le̱, fĩ ose̱ ye̱ hefẽhe ní oyaä.

Yoshua 1:9 ပူးပေါင်းရင်းမြစ်များ

1 Mose 28:15

Na ole akɛ mikɛ bo yɛ ni he fɛɛ he ni oyaa lɛ, mabu ohe, ni mikɛ bo aaaba shikpɔŋ nɛɛ nɔ ekoŋŋ, ejaakɛ mishiŋ bo kɛyaashi beyinɔ ni mafee nɔ ni mitsi tã mikɛɛ bo lɛ.”

1 Mose 39:2

Yehowa kɛ Yosef yɛ, ni ehã efee nɔbatsɛ.

1 Mose 39:3

Enuŋtsɔ Ijiptnyo lɛ we lɛ eyɔɔ. Potifar na akɛ Yehowa kɛ Yosef yɛ, ni ehãa nɔ fɛɛ nɔ ni Yosef feɔ lɛ shwereɔ yɛ edɛŋ.

2 Samuel 13:28

Absalom kɛɛ etsuji lɛ akɛ, “Kɛfee lɛ nyɛkwɛa Amnon, kɛji nyɛna akɛ wain lɛ ehã emli efili lɛ, ni mifã akɛ atswa lɛ nɔ lɛ, nyɛgbea lɛ. Nyɛkashea gbeyei ejaakɛ mi mifã nyɛ. Nyɛfea ekãa; nyɛfea hii!”

1 Kronika 28:20

Kɛkɛ ni Maŋtsɛ David kɛɛ ebi Solomon akɛ, “Wajemɔ ohe ni ofee ekãa; kaashe gbeyei, ni otsui akafã hu. Ejaakɛ Yehowa Nyɔŋmɔ, ni ji mi, miNyɔŋmɔ lɛ, yɛ osɛɛ; ekwaŋ bo lɛ, eshiŋ bo hu kɛyaashi beyinɔ ni ooogbe Yehowa We lɛ mãa he nitsumɔi lɛ fɛɛ anaa.

2 Kronika 15:7

Shi nyɛ lɛ, nyɛfia shi, ni nyɛnijiaŋ akajea wui ejaakɛ nɔ ni nyɛtsuɔ nɛɛ efeŋ yaka.”

Lalai 46:7

Yehowa, Taiatsɛ lɛ, kɛ wɔ yɛ; Yakob Nyɔŋmɔ lɛ ji wɔbobaahe;

Yesaia 41:10

Kaashe gbeyei, shi mi mi kɛ bo yɔɔ; kaakwɛkwɛɛ ohe ejaakɛ mi ji oNyɔŋmɔ lɛ!” Mibawaje bo, mibaye mabua bo; mibahiɛ omli kɛ mikunimyeli ninejurɔ lɛ!

Yesaia 43:1

Shi agbɛnɛ Yakob, bɔ ni Yehowa mɔ ni bɔ bo lɛ kɛɛ nɛ. Ao Israel, bɔ ni mɔ ni shɔ̃ bo lɛ kɛɛ nɛ, “Kaashe gbeyei ejaakɛ makpɔ̃ bo. Mikɛ ogbɛi etsɛ bo; mi, minɔ ji bo!

Yesaia 43:5

Kaashe gbeyei, ejaakɛ mi mikɛ bo yɔɔ. Maŋɔ oshwiei kɛaajɛ bokã kɛba, ni mabua onaa kɛaajɛ anai.

Yesaia 8:12

“Nɔ fɛɛ nɔ ni maŋbii nɛɛ tsɛɔ lɛ apam lɛ, nyɛkatsɛa lɛ apam; asaŋ nyɛkashea nɔ ni amɛsheɔ lɛ gbeyei, ni nyɛtsuii akafãa hu.

Daniel 10:19

Ekɛɛ mi akɛ, “Ao! Gbɔmɔ ni Naa Nyɔŋmɔ sumɔɔ bo pam, kaashe gbeyei; otsui anyɔ omli, ni ofee ekãa.” Be ni ekɛ mi wie nɛkɛ sɛɛ lɛ, mina ekãa, ni mikɛɛ lɛ akɛ, “Minuŋtsɔ, wiemɔ, ejaakɛ owo mi hewalɛ.”

Hagai 2:4

Shi agbɛnɛ Zerubabel, wajemɔ ohe! Bo Osɔfonukpa Yoshua, Yehozadak bi, bo hu wajemɔ ohe! Nyɛ, maŋbii fɛɛ, nyɛwajea nyɛhe. Nyɛtea shi, nyɛtsua nii, ejaakɛ mi kɛ nyɛ yɛ,

Hagai 2:5

tamɔ bɔ ni miwo nyɛ shi be ni nyɛshi Ijipt lɛ. Mimumɔ lɛ kɛ nyɛ yɛ, no hewɔ lɛ, nyɛkashea gbeyei.” Yehowa kɛɛ.

Bɔfoi 4:19

Shi Petro kɛ Yohane here nɔ ni amɛkɛɛ amɛ akɛ, “Kɛ eja gbɛ yɛ Nyɔŋmɔ hiɛ akɛ abo nyɛ moŋ toi fe Nyɔŋmɔ lɛ, nyɛkojoa.

5 Mose 1:21

Naa shikpɔŋ lɛ, no Yehowa, nyɛNyɔŋmɔ lɛ kɛfɔ̃ nyɛhiɛ nɛɛ. Nyɛyaa ni nyɛyaŋɔa tamɔ bɔ ni Yehowa, nyɛtsɛmɛi aNyɔŋmɔ lɛ, kɛɛ nyɛ lɛ. Nyɛkashea gbeyei, ni nyɛtsuii akafãa hu.’

5 Mose 20:1

“Kɛji nyɛmiiya nyɛkɛ nyɛhenyɛlɔi ayawu ta, ni nyɛna amɛkpɔŋɔi kɛ tawuu shwiilii kɛ tabilɔi babaoo ni ayi fa fe nyɛ lɛ, nyɛkashea gbeyei, ejaakɛ Yehowa, nyɛNyɔŋmɔ lɛ, ni yakpɔ̃ nyɛ yɛ Ijipt shikpɔŋ lɛ nɔ lɛ kɛ nyɛ yɛ.

5 Mose 31:23

Kɛkɛ ni Yehowa tu nitsumɔ lɛ ewo Yoshua, Nun binuu lɛ, dɛŋ, ni ekɛɛ lɛ akɛ, “Ohe awa, ni ofee ekãa, ejaakɛ bo ji mɔ ni okɛ Israelbii lɛ baaya shikpɔŋ lɛ ni miwo he shi akɛ mikɛbaahã amɛ lɛ nɔ; mikɛ bo baahi shi.”

5 Mose 31:28

Nyɛtsɛa nyɛkutseiatsɛmɛi lɛ fɛɛ kɛ nyɛmaŋ nitsulɔi onukpai lɛ hu kɛbaa miŋɔɔ bɔ ni afee ni mawie nɛkɛ wiemɔi nɛɛ mawo amɛtoii amli koni matsɛ ŋwɛi kɛ shikpɔŋ koni amɛbaye mi kɛ amɛteŋ odase.

Yoshua 1:10

Kɛkɛ ni Yoshua fã maŋ lɛ nɔkwɛlɔi lɛ, ni ekɛɛ,

Yoshua 1:17

Bɔ ni wɔbo Mose toi lɛ, nakai nɔŋŋ wɔɔbo bo hu toi. Yehowa, oNyɔŋmɔ lɛ kɛkɛ, kɛ bo ahi shi tamɔ bɔ ni ekɛ Mose hi shi lɛ.

Yoshua 1:18

Mɔ fɛɛ mɔ ni aaatse ohiɛ atua, ni efeee nɔ ni ofã akɛ efee lɛ, aaagbe lɛ. Bo lɛ wajemɔ ohe ni ofee ekãa jogbaŋŋ kɛkɛ.”

Yoshua 10:25

Yoshua tee nɔ, ni ekɛɛ asafoiatsɛmɛi lɛ akɛ, “Nyɛkashea gbeyei, ni nyɛtsuii hu akafãa; nyɛfea kakaaka kɛ ekãa fɛɛ, ejaakɛ nɛkɛ ji bɔ ni Yehowa baafee nyɛhenyɛlɔi fɛɛ ni nyɛkɛbaawu lɛ.”

Yoshua 10:8

Yehowa kɛɛ Yoshua akɛ, “Kaashe Amorbii lɛ gbeyei ejaakɛ mijɔɔ amɛnɔ momo mihã bo; amɛteŋ mɔ ko mɔ ko nyɛŋ ohiɛ edamɔ.”

Yoshua 3:7

Yehowa kɛɛ Yoshua akɛ, “Mibabɔ̃i ohiɛ nyamwoo kɛjɛ ŋmɛnɛ gbi nɛɛ matsɔ̃ɔ Israelbii lɛ fɛɛ koni amɛkɛna amɛle akɛ bɔ ni mikɛ Mose hi shi lɛ, nakai nɔŋŋ mikɛ bo hu baahi shi.

Yoshua 6:27

Yehowa bu Yoshua he, ni no hewɔ lɛ, egbɛi hehe yɛ shikpɔŋ lɛ nɔ fɛɛ.

Yoshua 8:1

Yehowa kɛɛ Yoshua akɛ, “Kaashe gbeyei, ni otsui akafã! Ŋɔ̃ɔ tabilɔi lɛ fɛɛ ofata ohe koni nyɛfã ta kɛya Ai. Naa, mibahã nyɛye Ai maŋtsɛ kɛ emaŋbii lɛ kɛ emaŋ lɛ kɛ eshikpɔŋ lɛ fɛɛ nɔ kunim.

Kojolɔi 6:14

Kɛkɛ ni Yehowa tsɔ̃ ehiɛ ehã Gideon ni ekɛɛ lɛ akɛ, “Yaa kɛ ohewalɛ nɛɛ koni oyahere Israel yɛ Midianbii lɛ adɛŋ! Mi ji mɔ ni tsuɔ bo lɛ?”

1 Samuel 10:7

Kɛji okadii nɛɛ ba mli nakai hã bo lɛ, nɔ fɛɛ nɔ ni aaaje ogbɛfaŋ lɛ ofee ejaakɛ Nyɔŋmɔ ni baakpala bo.