Yoshua 1:8 - ŊMALƐ KRƆŊKRƆŊ LƐ

⁸ Kaahã nɛkɛ Mla Wolo nɛɛ mli wiemɔi lɛ miikpa yɛ odaaŋ; shi jwɛŋmɔ he be fɛɛ be, nyɔɔŋ kɛ shwane, ni ojwɛŋ nɔ bɔ ni afee ni ohiɛ ahi ohe nɔ, ni ofee bɔ ni aŋma yɛ mli lɛ pɛpɛɛpɛ, ejaakɛ no baahã oshwere.

Ṅmãle̱ Kroṅkroṅ Le̱

⁸ Kãhã ne̱ke̱ mla wolo ne̱ mli wiemo̱i le̱ mikpa ye̱ odãṅ, ši *dſẽṅmo̱ he nyōṅ ke̱ ſane, koni odſẽṅ no̱ ni ofe tamo̱ bo̱ni aṅmã ye̱ mli le̱ pẽpē̱pe̱; edšake̱ no aahã ofe no̱batše̱ ke̱ hĩešikãlo̱. *Lal. 1,2. 3.

Yoshua 1:8 ပူးပေါင်းရင်းမြစ်များ

1 Mose 24:63

Gbɛkɛnaashi mli lɛ, Isak je kpo etee ŋa lɛ nɔ eyaashwie eyiŋ. Be ni ewo ehiɛ nɔ lɛ, naa yoomai miiba.

2 Kronika 26:5

Zakaria ji mɔ ni wo lɛ ŋaa, ni etsɔ̃ɔ lɛ bɔ ni ehi shi ehã yɛ Nyɔŋmɔ gbɛfaŋ; ni gbɔmɔ nɛɛ wala be mli fɛɛ lɛ Maŋtsɛ Uzia sɔmɔ Nyɔŋmɔ ni bei abɔ fɛɛ ni Uzia sɔmɔ Yehowa lɛ, Nyɔŋmɔ hã eshwere.

Lalai 119:11

Mikɛ owiemɔ lɛ eto mitsui mli koni mikafee esha mishi bo.

Lalai 119:15

Majwɛŋ okpɔi lɛ ahe, ni mihiɛ aaakã otsɔ̃ɔmɔi lɛ anɔ.

Lalai 119:97

Oo, misumɔɔ omla lɛ akɛ nɔ ko! Gbi muu fɛɛ lɛ, no he mijwɛŋɔ.

Lalai 119:99

Miyɛ niiashishinumɔ fe mitsɔ̃ɔlɔi lɛ fɛɛ, ejaakɛ okpɔi lɛ ahe mijwɛŋɔ.

Lalai 19:14

Yehowa, hã midaaŋ wiemɔ kɛ mitsuiŋ susumɔi asa ohiɛ; bo mitɛsaa kɛ mikpɔlɔ lɛ!

Lalai 40:10

Oyelikɛbuamɔ ni okɛhereɔ yiwala lɛ, mitsimɔko nɔ yɛ mitsui mli. Mijaje onɔkwayeli kɛ oyiwalaheremɔ lɛ mitsɔ̃ɔ; Mishiuko osuɔmɔ ni tsakeee lɛ kɛ onɔkwale lɛ nɔ yɛ asafo kpele lɛŋ.

Abe̱i 3:1

Mibi, ohiɛ akakpa mimlai lɛ anɔ, shi moŋ okɛ mikitãi lɛ ato otsui mli,

Yesaia 59:21

Ni naa, mi lɛ kpãŋmɔ ni mi kɛ nyɛ kpãŋɔ nɛ: Mimumɔ lɛ ni yɔɔ omli lɛ, kɛ miwiemɔi ni mikɛwo onaa lɛ, ha akã bo kɛ oshwiei ashwiei fɛɛ anaa kɛjɛ be nɛɛ mli kɛyashi naanɔi anaanɔ.”

Mateo 12:35

Gbɔmɔ kpakpa jieɔ nikpakpai kɛjɛɔ etsuiŋ jwetri kpakpa lɛ mli; ni gbɔmɔ fɔŋ hu jieɔ nifɔɔji kɛjɛɔ etsuiŋ jwetri fɔŋ lɛ mli.

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

Mateo 7:21

“Jeee mɔ fɛɛ mɔ ni kɛɔ mi akɛ, ‘Nuŋtsɔ, Nuŋtsɔ!’ lɛ, aaabote ŋwɛi maŋtsɛyeli lɛ mli; shi moŋ mɔ ni feɔ miTsɛ ni yɔɔ ŋwɛi lɛ suɔmɔnaanii lɛ.

Mateo 7:24

“No hewɔ lɛ, mɔ fɛɛ mɔ ni nuɔ miwiemɔi nɛɛ ni eyeɔ nɔ lɛ, akɛ lɛ aaato nilelɔ ni ma etsu yɛ tɛsaa nɔ lɛ he.

Luka 11:28

Shi ehere nɔ akɛ, “Ajɔɔ mɛi ni nuɔ Nyɔŋmɔ wiemɔ lɛ ni amɛyeɔ nɔ lɛ moŋ!”

Yohane 13:17

Kɛji nyɛle nii nɛɛ, ajɔɔ nyɛ kɛji nyɛye nɔ.

Yohane 14:21

Mɔ ni ŋɔɔ mikitãi lɛ ni eyeɔ nɔ lɛ, lɛ ji mɔ ni sumɔɔ mi; ni mɔ ni sumɔɔ mi lɛ, miTsɛ aaasumɔ lɛ, ni mi hu masumɔ lɛ, ni majie mihe shi matsɔ̃ɔ lɛ.”

Efesobii 4:29

Wiemɔ sha ko wiemɔ sha ko akaje nyɛnaa kwraa; shi moŋ wiemɔ ni hi ni ehia koni ehã mɔ nane amɔ shi ni akɛduro mɛi ni nuɔ lɛ.

5 Mose 29:8

ni wɔŋɔ amɛshikpɔŋ lɛ, ni wɔjara shikpɔŋ lɛ wɔhã Rubenbii lɛ kɛ Gadbii lɛ kɛ Manasebii akutso lɛ fã kome akɛ amɛgbɛfaŋnɔ.

5 Mose 29:9

No hewɔ lɛ, nyɛjwɛŋa kpãŋmɔ nɛɛ mli wiemɔi lɛ anɔ koni nyɛye nɔ, bɔ ni afee ni nyɛshwere yɛ nibii fɛɛ ni nyɛfeɔ lɛ mli.

5 Mose 30:14

Dabida, wiemɔ lɛ bɛŋkɛ nyɛ kpaakpa; eyɛ nyɛdaaŋ ni eyɛ nyɛtsuii amli hu, no hewɔ lɛ, nyɛaanyɛ nɔ nyɛye aahu.

5 Mose 31:11

be ni Israel maŋtso muu fɛɛ ebapue yɛ Yehowa, nyɛNyɔŋmɔ lɛ, hiɛ yɛ he ni lɛ eŋɔ akɛ jɛi aja lɛ yɛ lɛ, akane nɛkɛ mlai nɛɛ fɛɛ yɛ Israel fɛɛ hiɛ awo amɛtoiiaŋ.

5 Mose 31:24

Be ni Mose eŋma mla nɛɛ mli wiemɔi lɛ ewo wolo mli egbe naa owura kosɛɛ lɛ,

5 Mose 5:1

Mose tsɛ Israelbii lɛ fɛɛ kɛbakpe, ni ekɛɛ amɛ akɛ, “Israelbii, nyɛboa akpɔi kɛ mlai ni mibajaje mawo nyɛtoiiaŋ ŋmɛnɛ nɛɛ toi; nyɛkasea ni nyɛjwɛŋa nɔ jogbaŋŋ ni nyɛye nɔ.

5 Mose 5:29

Mina ni kulɛ amɛyɛ nɛkɛ jwɛŋmɔ daa koni amɛkɛye mikitãi lɛ fɛɛ nɔ, bɔ ni afee ni ehi ehã amɛ kɛ amɛshwiei kɛya naanɔ.

5 Mose 5:32

“No hewɔ lɛ, nyɛjwɛŋa nɔ jogbaŋŋ koni nyɛye kitãi ni Yehowa, nyɛNyɔŋmɔ lɛ, ewo nyɛ lɛ nɔ pɛpɛɛpɛ; nyɛkagbaa kɛyaa ninejurɔgbɛ, ni nyɛkagbaa kɛyaa abɛkugbɛ hu.

Kolosebii 3:16

Nyɛhãa Kristo wiemɔ lɛ ahia nyɛmli babaoo; ni nyɛkɛ nilee fɛɛ atsɔ̃a nyɛhe nii ni nyɛwiea nyɛtsɔ̃a nyɛhe yɛ saŋkutswai kɛ yijiemɔ lalai kɛ mumɔŋ lalai amli, ni nyɛkɛ shidaa alaa yɛ nyɛtsuii amli nyɛhãa Nyɔŋmɔ.

Yoshua 1:7

“Bo lɛ wajemɔ ohe ni ofee ekãa jogbaŋŋ kɛkɛ; asaŋ ojwɛŋ nɔ, ni oye mla ni mitsulɔ Mose wo bo lɛ fɛɛ nɔ. Kaagba afã kɛmiiya ninejurɔ loo abɛku bɔ ni afee ni oye omanye yɛ nɔ fɛɛ nɔ ni ofeɔ mli.

Yoshua 8:34

Be ni maŋ lɛ ebabua shi lɛ, Yoshua kane mla lɛ mli wiemɔi lɛ bluublu, no ji jɔɔmɔi lɛ kɛ loomɔi hu, bɔ ni aŋma yɛ Mla Wolo lɛ mli lɛ pɛpɛɛpɛ.

Kpojiemɔ 22:14

Ajɔɔ mɛi ni fɔɔ amɛtadei lɛ ahe, koni amɛna hegbɛ yɛ walatso lɛ he ní amɛtsɔ̃ agboi lɛ amli kɛbote maŋ lɛ mli lɛ.