Yoshua 1:7 - ŊMALƐ KRƆŊKRƆŊ LƐ

⁷ “Bo lɛ wajemɔ ohe ni ofee ekãa jogbaŋŋ kɛkɛ; asaŋ ojwɛŋ nɔ, ni oye mla ni mitsulɔ Mose wo bo lɛ fɛɛ nɔ. Kaagba afã kɛmiiya ninejurɔ loo abɛku bɔ ni afee ni oye omanye yɛ nɔ fɛɛ nɔ ni ofeɔ mli.

Ṅmãle̱ Kroṅkroṅ Le̱

⁷ Wadšemo̱ ohe ni ofe ekã dšogbāṅ ke̱ke̱, ní odſẽṅ no̱ ni oye mla le̱ ni mitšũlo̱ Mose woö le̱ fẽ no̱; kādše he *ke̱-mīya ninedšũrõ lo abe̱ku, †beni afe ní ohĩe akã ši ye̱ nofẽno ni ofeo̱ mli. *5 Mose 6,32. †1 Maṅ. 2,5.

Yoshua 1:7 ပူးပေါင်းရင်းမြစ်များ

1 Maŋtsɛmɛi 2:2

“Mibi, eshwɛ fioo pɛ ni magbo tamɔ bɔ ni adesai fɛɛ gboiɔ lɛ. No hewɔ lɛ, ohe awa, ni ofee ekãa taakɛ nuu.

1 Maŋtsɛmɛi 2:3

Ye Yehowa, oNyɔŋmɔ lɛ, tsɔ̃ɔmɔi lɛ anɔ, ni oba ojeŋ ni oye ekpɔi lɛ kɛ ekitãi lɛ kɛ emlai kɛ edasei lɛ anɔ, taakɛ bɔ ni aŋmã yɛ Mose mla lɛ mli lɛ, koni nɔ fɛɛ nɔ ni ofeɔ kɛ he fɛɛ he ni oyaa lɛ oye omanye.

2 Maŋtsɛmɛi 22:2

Yosia fee jalɛ nii ni sa Yehowa hiɛ, ni ekɔ eblematsɛ David nane. Eshihilɛ mli lɛ, egbaaa ninejurɔ lɛ, egbaaa abɛku.

1 Kronika 22:13

Kɛji ojwɛŋ nɔ ni oye akpɔi kɛ mlai ni Yehowa tsɔ̃ Mose nɔ ewo Israel lɛ anɔ lɛ, no lɛ oooshwere. Ohe awa, ni ofee ekãa. Okashe gbeyei, ni otsui akafã hu.

2 Kronika 15:7

Shi nyɛ lɛ, nyɛfia shi, ni nyɛnijiaŋ akajea wui ejaakɛ nɔ ni nyɛtsuɔ nɛɛ efeŋ yaka.”

2 Kronika 26:5

Zakaria ji mɔ ni wo lɛ ŋaa, ni etsɔ̃ɔ lɛ bɔ ni ehi shi ehã yɛ Nyɔŋmɔ gbɛfaŋ; ni gbɔmɔ nɛɛ wala be mli fɛɛ lɛ Maŋtsɛ Uzia sɔmɔ Nyɔŋmɔ ni bei abɔ fɛɛ ni Uzia sɔmɔ Yehowa lɛ, Nyɔŋmɔ hã eshwere.

Hiob 1:8

Kɛkɛ ni Yehowa bi Abonsam akɛ, “Osusu mitsulɔ Hiob he akɛ mɔ ko mɔ ko bɛ shikpɔŋ lɛ nɔ ni tamɔ lɛ ni eji nuu anɔkwafo ni sheɔ Nyɔŋmɔ gbeyei, ni ewiɔ ehe yɛ efɔŋ he, ni shwamɔ ko bɛ ehe, ni efeɔ nɔ ni ja?”

Lalai 80:19

Oo Yehowa, Tai aNyɔŋmɔ, okɛ wɔ ato wɔtoohe lɛ ekoŋŋ ni ona wɔ mɔbɔ, koni wɔyi ana wala.

Abe̱i 4:27

Kaagba ejurɔ loo abɛku. Tsi ohe kɛje efɔŋ he.

Abe̱i 8:20

Minyiɛɔ jalɛ gbɛ nɔ, ni mikojoɔ jalɛ naa.

Daniel 10:19

Ekɛɛ mi akɛ, “Ao! Gbɔmɔ ni Naa Nyɔŋmɔ sumɔɔ bo pam, kaashe gbeyei; otsui anyɔ omli, ni ofee ekãa.” Be ni ekɛ mi wie nɛkɛ sɛɛ lɛ, mina ekãa, ni mikɛɛ lɛ akɛ, “Minuŋtsɔ, wiemɔ, ejaakɛ owo mi hewalɛ.”

4 Mose 27:23

ni ekɛ eniji shwie enɔ, ni etu nitsumɔ lɛ ewo edɛŋ akɛ mɔ ni baaye esɛɛ taakɛ bɔ ni Yehowa kɛɛ lɛ lɛ.

5 Mose 11:8

“No hewɔ lɛ, kitãi fɛɛ ni miwoɔ nyɛ ŋmɛnɛ gbi nɛɛ lɛ nyɛyea nɔ, bɔ ni afee ni nyɛhe awa koni nyɛnyɛ nyɛya nyɛyaŋɔ shikpɔŋ ni nyɛfoɔ mli kɛya nyɛyaŋɔ lɛ;

5 Mose 12:32

“Nyɛyea nibii fɛɛ ni miwo nyɛ he kitã lɛ anɔ; nyɛkɛ nɔ ko akafataa he, ni nyɛkajiea nɔ ko hu yɛ mli.

5 Mose 29:8

ni wɔŋɔ amɛshikpɔŋ lɛ, ni wɔjara shikpɔŋ lɛ wɔhã Rubenbii lɛ kɛ Gadbii lɛ kɛ Manasebii akutso lɛ fã kome akɛ amɛgbɛfaŋnɔ.

5 Mose 29:9

No hewɔ lɛ, nyɛjwɛŋa kpãŋmɔ nɛɛ mli wiemɔi lɛ anɔ koni nyɛye nɔ, bɔ ni afee ni nyɛshwere yɛ nibii fɛɛ ni nyɛfeɔ lɛ mli.

5 Mose 31:7

Kɛkɛ ni Mose tsɛ Yoshua kɛba eŋɔɔ, ni ekɛɛ lɛ yɛ Israel maŋ muu lɛ fɛɛ hiɛ akɛ, “Ohe awa, ni ofee ekãa, ejaakɛ bo okɛ nɛkɛ maŋ nɛɛ baaya shikpɔŋ lɛ ni Yehowa ewo amɛtsɛmɛi lɛ he shi akɛ ekɛbaahã amɛ lɛ nɔ, ni bo nɔŋŋ oooja shikpɔŋ lɛ ohã amɛ akɛ amɛgbɛfaŋnɔ.

5 Mose 4:2

Nyɛkɛ nɔ ko akafataa mlai ni miwoɔ nyɛ nɛɛ ahe, ni asaŋ nyɛkajiea nɔ ko yɛ mli hu. Nyɛyea Yehowa, nyɛNyɔŋmɔ lɛ, mlai ni miwoɔ nyɛ nɛɛ nɔ.

5 Mose 5:32

“No hewɔ lɛ, nyɛjwɛŋa nɔ jogbaŋŋ koni nyɛye kitãi ni Yehowa, nyɛNyɔŋmɔ lɛ, ewo nyɛ lɛ nɔ pɛpɛɛpɛ; nyɛkagbaa kɛyaa ninejurɔgbɛ, ni nyɛkagbaa kɛyaa abɛkugbɛ hu.

Yoshua 1:1

Yehowa tsulɔ Mose gbele sɛɛ lɛ, Yehowa kɛɛ Yoshua, Nun bi lɛ, ni lɛ ji Mose sɔ̃ɔlɔ lɛ akɛ,

Yoshua 1:8

Kaahã nɛkɛ Mla Wolo nɛɛ mli wiemɔi lɛ miikpa yɛ odaaŋ; shi jwɛŋmɔ he be fɛɛ be, nyɔɔŋ kɛ shwane, ni ojwɛŋ nɔ bɔ ni afee ni ohiɛ ahi ohe nɔ, ni ofee bɔ ni aŋma yɛ mli lɛ pɛpɛɛpɛ, ejaakɛ no baahã oshwere.

Yoshua 1:9

Ani jeee mi mifã bo? Wajemɔ ohe ni ofee ekãa. Kaahã ŋmiŋmi miimɔ bo, ni asaŋ otsui akafã ejaakɛ mi, Yehowa, oNyɔŋmɔ lɛ, mifĩ osɛɛ yɛ he fɛɛ he ni oyaa.”

Yoshua 11:15

Bɔ ni Yehowa wo etsulɔ Mose kitã lɛ, nakai nɔŋŋ Mose hu wo Yoshua kitã lɛ, ni nakai pɛpɛɛpɛ Yoshua fee. Nii fɛɛ ni Yehowa wo he kitã lɛ, Yoshua shiii mli ekoeko ni etsuuu he nii.

Yoshua 23:6

No hewɔ lɛ, nyɛfĩa shi jogbaŋŋ, nyɛyea nii fɛɛ ni aŋma yɛ Mose Mla Wolo lɛ mli lɛ nɔ koni nyɛkɛba nyɛjeŋ hu. Nyɛkagbaa kɛmiiya abɛku hu,