Yoshua 1:6 - ŊMALƐ KRƆŊKRƆŊ LƐ

⁶ Wajemɔ ohe ni ofee ekãa; ejaakɛ shikpɔŋ lɛ ni mikã maŋbii nɛɛ atsɛmɛi lɛ ehe kitã akɛ mikɛbaahã amɛ lɛ, bo obaahã etsɔ̃ amɛnɔ.

Ṅmãle̱ Kroṅkroṅ Le̱

⁶ *Wadšemo̱ ohe ni ofe ekã; edšake̱ bo obadša šikpoṅ ni mikã ne̱ke̱ maṅbii ne̱ atše̱mei le̱ akitã ake̱ mike̱-bahãame̱ le̱ mli ohãame̱. *5 Mose 3,28; 31,7. 28.

Yoshua 1:6 ပူးပေါင်းရင်းမြစ်များ

1 Mose 12:7

Kɛkɛ ni Yehowa jie ehe kpo etsɔ̃ɔ Abram ni ekɛɛ, “Oshwiei mikɛ nɛkɛ shikpɔŋ nɛɛ baahã.” No hewɔ lɛ, Abram mã afɔleshãa latɛ yɛ jɛi ehã Yehowa, mɔ ni jie ehe kpo etsɔ̃ɔ lɛ lɛ.

1 Mose 26:3

too gbɔ yɛ shikpɔŋ nɛɛ nɔ; ni mikɛ bo aaahi shi, ni majɔɔ bo, ejaakɛ bo kɛ oshwiei mikɛ nɛkɛ shikpɔŋ nɛɛ fɛɛ baahã,

2 Samuel 10:12

Feemɔ ekãa, ni hã wɔ fɛɛ wɔfee nuu yɛ wɔmaŋbii kɛ wɔNyɔŋmɔ lɛ maji lɛ ahewɔ, ni Yehowa aaahã nɔ ni lɛ esumɔɔ lɛ aba mli.”

1 Maŋtsɛmɛi 2:2

“Mibi, eshwɛ fioo pɛ ni magbo tamɔ bɔ ni adesai fɛɛ gboiɔ lɛ. No hewɔ lɛ, ohe awa, ni ofee ekãa taakɛ nuu.

1 Kronika 22:13

Kɛji ojwɛŋ nɔ ni oye akpɔi kɛ mlai ni Yehowa tsɔ̃ Mose nɔ ewo Israel lɛ anɔ lɛ, no lɛ oooshwere. Ohe awa, ni ofee ekãa. Okashe gbeyei, ni otsui akafã hu.

1 Kronika 28:10

Naa, kwɛmɔ ohe ni ahi, ejaakɛ Yehowa eŋɔ̃ bo koni oma shĩa ni akɛfee Jamɔhe Krɔŋkrɔŋ. Wajemɔ ohe, ni ofee ekãa.”

1 Kronika 28:20

Kɛkɛ ni Maŋtsɛ David kɛɛ ebi Solomon akɛ, “Wajemɔ ohe ni ofee ekãa; kaashe gbeyei, ni otsui akafã hu. Ejaakɛ Yehowa Nyɔŋmɔ, ni ji mi, miNyɔŋmɔ lɛ, yɛ osɛɛ; ekwaŋ bo lɛ, eshiŋ bo hu kɛyaashi beyinɔ ni ooogbe Yehowa We lɛ mãa he nitsumɔi lɛ fɛɛ anaa.

2 Kronika 15:7

Shi nyɛ lɛ, nyɛfia shi, ni nyɛnijiaŋ akajea wui ejaakɛ nɔ ni nyɛtsuɔ nɛɛ efeŋ yaka.”

2 Kronika 20:11

Nɔ ni amɛkɛdaa wɔ shi ji ba ni amɛto kɛba kɛbashwie wɔ yɛ shikpɔŋ ni bo okɛhã wɔ akɛ wɔgbɛfaŋnɔ lɛ nɔ nɛɛ.

2 Kronika 20:7

WɔNyɔŋmɔ, oshwie shikpɔŋ nɛɛ nɔ bii lɛ yɛ omaŋ ni ji Israel hiɛ, ni okɛ shikpɔŋ lɛ hã oshieŋtsɛ Abraham shwiei lɛ akɛ amɛgboshinii kɛmiiya naanɔ.

Lalai 27:14

Kwɛmɔ Yehowa gbɛ; wajemɔ ohe, ni ona tsui, ni okwɛ Yehowa gbɛ.

Daniel 10:19

Ekɛɛ mi akɛ, “Ao! Gbɔmɔ ni Naa Nyɔŋmɔ sumɔɔ bo pam, kaashe gbeyei; otsui anyɔ omli, ni ofee ekãa.” Be ni ekɛ mi wie nɛkɛ sɛɛ lɛ, mina ekãa, ni mikɛɛ lɛ akɛ, “Minuŋtsɔ, wiemɔ, ejaakɛ owo mi hewalɛ.”

Hagai 2:4

Shi agbɛnɛ Zerubabel, wajemɔ ohe! Bo Osɔfonukpa Yoshua, Yehozadak bi, bo hu wajemɔ ohe! Nyɛ, maŋbii fɛɛ, nyɛwajea nyɛhe. Nyɛtea shi, nyɛtsua nii, ejaakɛ mi kɛ nyɛ yɛ,

Zakaria 8:9

“Nyɛ mɛi ni nyɛnuɔ gbalɛ wiemɔi nɛɛ yɛ nɛkɛ bei nɛɛ amli yɛ gbalɔi lɛ anaa kɛjɛ be ni ato Yehowa, Taiatsɛ lɛ, Sɔlemɔ we lɛ maa shishi nɛɛ lɛ, nyɛnijiaŋ akajea wui bɔ ni afee ni anyɛ Sɔlemɔtsu lɛ ama.

4 Mose 26:53

“Jaa shikpɔŋ lɛ ohã akutsei lɛ yɛ amɛmli gbɔmɛi lɛ ayikulɛ naa.”

4 Mose 33:53

Nyɛŋɔa shikpɔŋ lɛ koni nyɛhia nɔ, ejaakɛ mijɔɔ nɔ mihã nyɛ koni etsɔ̃ nyɛnɔ.

1 Korintobii 16:13

Nyɛbua, nyɛdamɔa shi shiŋŋ yɛ hemɔkɛyeli lɛ mli, nyɛfea hii, ni nyɛhe awaa!

Efesobii 6:10

Naagbee lɛ, minyɛmimɛi, nyɛhe awaa yɛ Nuŋtsɔ lɛ kɛ ehewalɛ nyɛmɔ lɛ mli.

5 Mose 1:21

Naa shikpɔŋ lɛ, no Yehowa, nyɛNyɔŋmɔ lɛ kɛfɔ̃ nyɛhiɛ nɛɛ. Nyɛyaa ni nyɛyaŋɔa tamɔ bɔ ni Yehowa, nyɛtsɛmɛi aNyɔŋmɔ lɛ, kɛɛ nyɛ lɛ. Nyɛkashea gbeyei, ni nyɛtsuii akafãa hu.’

5 Mose 1:8

Shikpɔŋ lɛ mikɛfɔ̃ nyɛhiɛ nɛɛ. Nyɛyaa ni nyɛyaŋɔa! Yehowa wo nyɛtsɛmɛi Abraham kɛ Isak kɛ Yakob shi yɛ he akɛ ekɛbaahã amɛ kɛ amɛshwiei.’ ”

5 Mose 11:8

“No hewɔ lɛ, kitãi fɛɛ ni miwoɔ nyɛ ŋmɛnɛ gbi nɛɛ lɛ nyɛyea nɔ, bɔ ni afee ni nyɛhe awa koni nyɛnyɛ nyɛya nyɛyaŋɔ shikpɔŋ ni nyɛfoɔ mli kɛya nyɛyaŋɔ lɛ;

5 Mose 31:23

Kɛkɛ ni Yehowa tu nitsumɔ lɛ ewo Yoshua, Nun binuu lɛ, dɛŋ, ni ekɛɛ lɛ akɛ, “Ohe awa, ni ofee ekãa, ejaakɛ bo ji mɔ ni okɛ Israelbii lɛ baaya shikpɔŋ lɛ ni miwo he shi akɛ mikɛbaahã amɛ lɛ nɔ; mikɛ bo baahi shi.”

2 Timoteo 2:1

Agbɛnɛ mibi, bo lɛ ohe awa yɛ dromɔ ni yɔɔ Kristo Yesu mli lɛ mli.

Yoshua 1:18

Mɔ fɛɛ mɔ ni aaatse ohiɛ atua, ni efeee nɔ ni ofã akɛ efee lɛ, aaagbe lɛ. Bo lɛ wajemɔ ohe ni ofee ekãa jogbaŋŋ kɛkɛ.”

Yoshua 1:7

“Bo lɛ wajemɔ ohe ni ofee ekãa jogbaŋŋ kɛkɛ; asaŋ ojwɛŋ nɔ, ni oye mla ni mitsulɔ Mose wo bo lɛ fɛɛ nɔ. Kaagba afã kɛmiiya ninejurɔ loo abɛku bɔ ni afee ni oye omanye yɛ nɔ fɛɛ nɔ ni ofeɔ mli.

Yoshua 1:9

Ani jeee mi mifã bo? Wajemɔ ohe ni ofee ekãa. Kaahã ŋmiŋmi miimɔ bo, ni asaŋ otsui akafã ejaakɛ mi, Yehowa, oNyɔŋmɔ lɛ, mifĩ osɛɛ yɛ he fɛɛ he ni oyaa.”

Yoshua 10:25

Yoshua tee nɔ, ni ekɛɛ asafoiatsɛmɛi lɛ akɛ, “Nyɛkashea gbeyei, ni nyɛtsuii hu akafãa; nyɛfea kakaaka kɛ ekãa fɛɛ, ejaakɛ nɛkɛ ji bɔ ni Yehowa baafee nyɛhenyɛlɔi fɛɛ ni nyɛkɛbaawu lɛ.”

Yoshua 13:6

Sidonbii ashikpɔŋ lɛ ni kã shi kɛjɛ Lebanon gɔji lɛ anɔ kɛyashi Misrefot Maim lɛ hu fata he. Mi diɛŋtsɛ mibashwie gbɔmɛi nɛɛ yɛ Israelbii lɛ ahiɛ. Bo lɛ fɔ̃ɔ oshiki kɛkɛ koni okɛja shikpɔŋ lɛ ohã Israelbii lɛ koni etsɔ̃ amɛnɔ tamɔ bɔ ni mifã bo lɛ.

Yoshua 18:3

Kɛkɛ ni Yoshua kɛɛ Israelbii lɛ akɛ, “Mɛɛ beyinɔ nɔŋŋ nyɛaashashao shi kɛyashi dani nyɛ nyɛyaŋɔ shikpɔŋ ni Yehowa, nyɛtsɛmɛi aNyɔŋmɔ lɛ, kɛhã nyɛ lɛ?

Yoshua 21:43

No hewɔ lɛ, Yehowa kɛ shikpɔŋ lɛ ni ekã he kitã akɛ akɛbaahã Israelbii lɛ atsɛmɛi lɛ hã Israelbii lɛ, ni be ni amɛshɔ̃ shikpɔŋ lɛ sɛɛ lɛ amɛhi nɔ kwraa.

Yoshua 5:6

Israelbii nyiɛ ŋã lɛ nɔ afii nyɔŋmai ejwɛ sɔŋŋ kɛyashi maŋ lɛ mli hii tabilɔi ni fata he be ni ashi Ijipt lɛ fɛɛ gboi, ejaakɛ amɛbooo Yehowa toi; ni no hewɔ lɛ, Yehowa kã amɛ kitã akɛ ehaŋ amɛna shikpɔŋ lɛ ni, lɛ, Yehowa ekã amɛtsɛmɛi lɛ ehe kitã akɛ ekɛbaahã amɛ lɛ, ni ji shikpɔŋ kpakpa ni baa nii lɛ.

1 Samuel 4:9

Nyɛwajea nyɛhe, Filistibii, ni nyɛfea hii koni nyɛkatsɔmɔ Hebribii lɛ anyɔji tamɔ bɔ ni nyɛye amɛ nyɔŋ lɛ.”