Yoshua 1:5 - ŊMALƐ KRƆŊKRƆŊ LƐ

⁵ Mɔ ko mɔ ko nyɛŋ ohiɛ adamɔ owalagbii abɔ fɛɛ. Bɔ ni mikɛ Mose hi shi lɛ, nakai nɔŋŋ mikɛ bo aaahi shi; mishiŋ bo, ni mikwaŋ bo hu.

Ṅmãle̱ Kroṅkroṅ Le̱

⁵ Mokomoko nyẽṅ ohĩe adamo̱ ye̱ owalagbĩĩ fẽ mli; bo̱ni mike̱ Mose hĩ ši le̱, nakai noṅṅ mike̱o aahĩ ši; *mišĩṅo ni mikwaṅo hũ. *5 Mose 31,5. Heb. 13,5.

Yoshua 1:5 ပူးပေါင်းရင်းမြစ်များ

1 Mose 39:2

Yehowa kɛ Yosef yɛ, ni ehã efee nɔbatsɛ.

1 Maŋtsɛmɛi 1:37

Bɔ ni Yehowa kɛ minuŋtsɔ maŋtsɛ hi shi lɛ, nakai nɔŋŋ misɔlemɔ ji akɛ ekɛ Solomon ahi shi, ni etsɔ̃ maŋtsɛ kpele fe bo!”

1 Maŋtsɛmɛi 11:38

Kɛji ooobo mi toi, ni oooye kitãi ni miwoɔ bo lɛ nɔ, ni oooba ojeŋ jogbaŋŋ, ni ooofee nɔ ni ja yɛ mihiɛ, ni oooye mikpɔi kɛ mikitãi lɛ anɔ tamɔ bɔ ni mitsulɔ David fee lɛ, no lɛ mi kɛ bo aaahi shi; mawo bo Israel nɔ maŋtsɛ, ni mahã oshwiei aye lumɔ yɛ osɛɛ, tamɔ bɔ ni mifee mihã David lɛ.

1 Maŋtsɛmɛi 6:13

Mahi shi yɛ nyɛ Israelbii ateŋ. Mikwaŋ mimaŋ Israel kɔkɔɔkɔ.”

1 Maŋtsɛmɛi 8:57

Yehowa, wɔNyɔŋmɔ lɛ, kɛ wɔ ahi shi, taakɛ bɔ ni ekɛ wɔblematsɛmɛi lɛ hi shi lɛ. Ekashi wɔ, ni esaa ekakwa wɔ hu.

1 Kronika 28:20

Kɛkɛ ni Maŋtsɛ David kɛɛ ebi Solomon akɛ, “Wajemɔ ohe ni ofee ekãa; kaashe gbeyei, ni otsui akafã hu. Ejaakɛ Yehowa Nyɔŋmɔ, ni ji mi, miNyɔŋmɔ lɛ, yɛ osɛɛ; ekwaŋ bo lɛ, eshiŋ bo hu kɛyaashi beyinɔ ni ooogbe Yehowa We lɛ mãa he nitsumɔi lɛ fɛɛ anaa.

Lalai 46:11

Yehowa, Taiatsɛ lɛ, kɛ wɔ yɛ; Yakob Nyɔŋmɔ lɛ ji wɔbobaahe.

2 Mose 3:12

Nyɔŋmɔ to he akɛ, “Mi kɛ bo ni yaa lɛ, ni enɛ ji nɔ ni aaaye he odase akɛ mi mitsu bo lɛ. Kɛji oyajie Israelbii lɛ kɛje Ijipt kɛba lɛ, nyɛbaa gɔŋ krɔŋkrɔŋ nɛɛ he nyɛbajaa mi.”

Yesaia 42:16

Ni makpala shwilafoi kɛtsɔ̃ tɛmpɔŋi ni amɛtsɔ̃ko nɔ dã nɔ; mabu amɛhe kɛtsɔ̃ nanegbɛ ni aleee nɔ. Mahã amɛhiɛ duŋ lɛ atsɔ̃ la, ni hei ni yɔɔ dokoidokoi lɛ afee trɛnɛɛ. Nii nɛɛ mafee mahã amɛ, ni mikwaŋ amɛ.

Yeremia 1:8

Kaashe mɛi aŋɔɔ ni obaaya lɛ gbeyei, ejaakɛ, mikɛ bo yɛ koni mahere bo. Mi, Yehowa mikɛɛ.”

Daniel 11:16

Siria maŋtsɛ ni batua shikpɔŋ lɛ baafee Ijipt tabilɔi lɛ bɔ ni lɛ esumɔɔ, ni mɔ ko mɔ ko nyɛŋ shi ate awo lɛ. Ebaaba ebahi shiwoo shikpɔŋ lɛ nɔ, ni shikpɔŋ tso muu lɛ fɛɛ baahi lɛ ehewalɛ shishi.

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

Romabii 8:31

Belɛ te wɔɔkɛɛ tɛŋŋ yɛ nii nɛɛ ahewɔŋ? Kɛ Nyɔŋmɔ yɛ wɔsɛɛ lɛ, namɔ aaate shi awo wɔ?

Romabii 8:37

Shi kɛ̃lɛ enɛɛmɛi fiaa mli lɛ, wɔtsɔ̃ɔ mɔ ni sumɔ wɔ lɛ nɔ wɔyeɔ kunim tsɔ̃.

5 Mose 20:1

“Kɛji nyɛmiiya nyɛkɛ nyɛhenyɛlɔi ayawu ta, ni nyɛna amɛkpɔŋɔi kɛ tawuu shwiilii kɛ tabilɔi babaoo ni ayi fa fe nyɛ lɛ, nyɛkashea gbeyei, ejaakɛ Yehowa, nyɛNyɔŋmɔ lɛ, ni yakpɔ̃ nyɛ yɛ Ijipt shikpɔŋ lɛ nɔ lɛ kɛ nyɛ yɛ.

5 Mose 20:4

ejaakɛ Yehowa, nyɛNyɔŋmɔ lɛ, kɛ nyɛ yaa ta lɛ koni ekɛ nyɛhenyɛlɔi lɛ ayawu ahã nyɛ koni nyɛye kunim.’

5 Mose 31:23

Kɛkɛ ni Yehowa tu nitsumɔ lɛ ewo Yoshua, Nun binuu lɛ, dɛŋ, ni ekɛɛ lɛ akɛ, “Ohe awa, ni ofee ekãa, ejaakɛ bo ji mɔ ni okɛ Israelbii lɛ baaya shikpɔŋ lɛ ni miwo he shi akɛ mikɛbaahã amɛ lɛ nɔ; mikɛ bo baahi shi.”

5 Mose 4:31

ejaakɛ Yehowa, nyɛNyɔŋmɔ lɛ, musuŋtsɔlɔ ji lɛ; ekwaŋ nyɛ, ni asaŋ ekpãtãŋ nyɛhiɛ; ni ehiɛ kpaŋ kpãŋmɔ ni ekɛ nyɛtsɛmɛi lɛ kpãŋ lɛ nɔ, nɔ ni ekã he kitã ehã amɛ lɛ.

5 Mose 7:24

Ebaatu maji lɛ amaŋtsɛmɛi lɛ ewo nyɛdɛŋ; ni nyɛaagbe amɛ, ni amɛgbɛii baalaaje yɛ jeŋ. Amɛteŋ mɔ ko mɔ ko nyɛŋ nyɛhiɛ adamɔ kɛyaashi beyinɔ ni nyɛaakpãtã amɛhiɛ.

2 Timoteo 4:17

Shi Nuŋtsɔ lɛ fi misɛɛ ni ewo mi hewalɛ, koni atsɔ̃ minɔ ashiɛ shiɛmɔ muu lɛ fɛɛ, ni jeŋmaji lɛ fɛɛ anu; ni ajie mi yɛ jata lɛ daaŋ.

Hebribii 13:5

Shikasuɔmɔ akaba nyɛjeŋba mli; ni nyɛmii ashɛ nii ni nyɛyɔɔ lɛ he; ejaakɛ Nyɔŋmɔ diɛŋtsɛ ekɛɛ, “Mishiŋ bo ni misaa mikwaŋ bo gbi ko gbi ko.”

Yoshua 1:17

Bɔ ni wɔbo Mose toi lɛ, nakai nɔŋŋ wɔɔbo bo hu toi. Yehowa, oNyɔŋmɔ lɛ kɛkɛ, kɛ bo ahi shi tamɔ bɔ ni ekɛ Mose hi shi lɛ.

Yoshua 1:9

Ani jeee mi mifã bo? Wajemɔ ohe ni ofee ekãa. Kaahã ŋmiŋmi miimɔ bo, ni asaŋ otsui akafã ejaakɛ mi, Yehowa, oNyɔŋmɔ lɛ, mifĩ osɛɛ yɛ he fɛɛ he ni oyaa.”

Yoshua 10:8

Yehowa kɛɛ Yoshua akɛ, “Kaashe Amorbii lɛ gbeyei ejaakɛ mijɔɔ amɛnɔ momo mihã bo; amɛteŋ mɔ ko mɔ ko nyɛŋ ohiɛ edamɔ.”

Yoshua 21:44

Yehowa hã amɛna hejɔlɛ yɛ shikpɔŋ lɛ nɔ he fɛɛ he tamɔ bɔ ni ewo amɛtsɛmɛi lɛ shi lɛ pɛpɛɛpɛ. Amɛhenyɛlɔi lɛ ateŋ mɔ ko mɔ ko kwraa nyɛɛɛ amɛhiɛ adamɔ, ejaakɛ Yehowa hã amɛye amɛhenyɛlɔi lɛ fɛɛ anɔ kunim.

Yoshua 3:7

Yehowa kɛɛ Yoshua akɛ, “Mibabɔ̃i ohiɛ nyamwoo kɛjɛ ŋmɛnɛ gbi nɛɛ matsɔ̃ɔ Israelbii lɛ fɛɛ koni amɛkɛna amɛle akɛ bɔ ni mikɛ Mose hi shi lɛ, nakai nɔŋŋ mikɛ bo hu baahi shi.

Yoshua 6:27

Yehowa bu Yoshua he, ni no hewɔ lɛ, egbɛi hehe yɛ shikpɔŋ lɛ nɔ fɛɛ.

Kojolɔi 2:18

Be fɛɛ be ni Yehowa aaatee hiɛnyiɛlɔi ashi ehã Israelbii lɛ, Yehowa yeɔ ebuaa hiɛnyiɛlɔi lɛ ni amɛhereɔ Israelbii lɛ yɛ amɛhenyɛlɔi lɛ adɛŋ gbii abɔ fɛɛ ni hiɛnyiɛlɔ lɛ yɔɔ lɛ; ejaakɛ ŋtsɔi ni Israelbii lɛ dɔmɔɔ yɛ mɛi ni waa amɛ yi kɛ mɛi ni haoɔ amɛ lɛ hewɔ lɛ dɔɔ Yehowa.

Kojolɔi 6:16

Yehowa kɛɛ lɛ akɛ, “Mibaye mabua bo, ni ooogbe Midianbii lɛ butuu tamɔ agbeɔ mɔ kome.”

1 Samuel 10:7

Kɛji okadii nɛɛ ba mli nakai hã bo lɛ, nɔ fɛɛ nɔ ni aaaje ogbɛfaŋ lɛ ofee ejaakɛ Nyɔŋmɔ ni baakpala bo.