Yoshua 1:16 - ŊMALƐ KRƆŊKRƆŊ LƐ

¹⁶ Maŋbii lɛ to he amɛhã Yoshua amɛkɛɛ akɛ, “Nɔ fɛɛ nɔ ni owo wɔ ehe kitã lɛ wɔɔfee, ni he fɛɛ he ni oootsu wɔ lɛ wɔɔtee.

Ṅmãle̱ Kroṅkroṅ Le̱

¹⁶ Ni ame̱to he ame̱hã Iošua ake̱: Nofẽno ní owoo̱wo̱ he kitã le̱, wo̱o̱fe, ni hefẽhe ní otšũo̱wo̱ le̱, wo̱o̱te.

Yoshua 1:16 ပူးပေါင်းရင်းမြစ်များ

Ezra 10:4

Kwɛmɔ ni ofee, ejaakɛ bo osane ni. Wɔfĩ osɛɛ; feemɔ ekãa ni otsu he nii.”

4 Mose 32:25

Gad hii lɛ kɛ Ruben hii lɛ here nɔ, ni amɛkɛɛ Mose akɛ, “Wɔnuŋtsɔ, bɔ ni okɛɛ lɛ wɔbaafee nakai.

4 Mose 32:31

Kɛkɛ ni Gad hii lɛ kɛ Ruben hii lɛ here Mose nɔ, ni amɛkɛɛ akɛ, “Bɔ ni Yehowa ekɛɛ lɛ nakai otsuji baafee.

5 Mose 34:9

Yoshua, Nun bi lɛ, eyi obɔ̃ kɛ nilee mumɔ, ejaakɛ Mose kɛ eniji eshwie enɔ ejɔɔ enɔ. No hewɔ lɛ, Israelbii lɛ bo Yoshua toi, ni amɛfee tamɔ bɔ ni Yehowa efã Mose lɛ.

5 Mose 5:27

No hewɔ lɛ, bo tsi obɛŋkɛ Yehowa koni obo nɔ fɛɛ nɔ ni wɔNyɔŋmɔ lɛ aaakɛɛ lɛ toi ni obakɛɛ wɔ nɔ fɛɛ nɔ ni Yehowa, wɔNyɔŋmɔ lɛ, kɛ bo aaawie. Wɔbaabo toi, ni wɔbaafee hu.’

Tito 3:1

Kaimɔ amɛ ni amɛba amɛhe shi amɛhã onukpai kɛ nɔyelɔi lɛ, amɛbo amɛ toi, amɛsaa amɛhe amɛhã nitsumɔ kpakpa fɛɛ nitsumɔ kpakpa.

Yoshua 1:15

kɛyashi beyinɔ ni Yehowa aaahã nyɛnyɛmimɛi lɛ hu ana he ko ni amɛjɔɔ amɛhe yɛ, tamɔ bɔ ni ehã nyɛjɔɔ nyɛhe lɛ, be mli ni amɛ hu shikpɔŋ ni Yehowa, nyɛNyɔŋmɔ lɛ, kɛhãa amɛ lɛ aaashɛ amɛdɛŋ lɛ. No sɛɛ dani nyɛku nyɛsɛɛ kɛba nyɛshikpɔŋ ni Yehowa tsulɔ Mose kɛhã nyɛ yɛ Yordan Faa nɛɛ sɛɛ yɛ bokãgbɛ lɛ nɔ, ni nyɛbahi nɔ.”

Yoshua 1:17

Bɔ ni wɔbo Mose toi lɛ, nakai nɔŋŋ wɔɔbo bo hu toi. Yehowa, oNyɔŋmɔ lɛ kɛkɛ, kɛ bo ahi shi tamɔ bɔ ni ekɛ Mose hi shi lɛ.