Yoshua 1:15 - ŊMALƐ KRƆŊKRƆŊ LƐ

¹⁵ kɛyashi beyinɔ ni Yehowa aaahã nyɛnyɛmimɛi lɛ hu ana he ko ni amɛjɔɔ amɛhe yɛ, tamɔ bɔ ni ehã nyɛjɔɔ nyɛhe lɛ, be mli ni amɛ hu shikpɔŋ ni Yehowa, nyɛNyɔŋmɔ lɛ, kɛhãa amɛ lɛ aaashɛ amɛdɛŋ lɛ. No sɛɛ dani nyɛku nyɛsɛɛ kɛba nyɛshikpɔŋ ni Yehowa tsulɔ Mose kɛhã nyɛ yɛ Yordan Faa nɛɛ sɛɛ yɛ bokãgbɛ lɛ nɔ, ni nyɛbahi nɔ.”

Ṅmãle̱ Kroṅkroṅ Le̱

¹⁵ ke̱-yaši beyino̱ ni Iehowa aahã nyenyemimei le̱ aadšō̱ ame̱he, tamo̱ bo̱ni ehã nyedšē̱ nyehe le̱, ni ame̱ hũ šikpoṅ ni Iehowa, nye-Nyoṅmo̱ le̱, ṅõ-hãame̱ le̱ aaše̱ ame̱deṅ, dãni nyekũ nyese̱ ke̱-ba nyešikpoṅ le̱ ní Iehowa tšũlo̱ Mose ṅõ-hãnye ye̱ Iordan se̱ ye̱ bokãgbè̱ le̱ no̱ ni nyebahĩ no̱.

Yoshua 1:15 ပူးပေါင်းရင်းမြစ်များ

1 Korintobii 12:26

Ni kɛji henɔ kome miina nɔ lɛ, henii lɛ fɛɛ kɛ lɛ naa nɔ, ni kɛji henɔ kome hiɛ ba nyam hu, henii lɛ fɛɛ kɛ lɛ naa miishɛɛ.

1 Korintobii 13:5

efeee nii ni esaaa; epeleee lɛ diɛŋtsɛ enɔ, emli wooo la; eniŋŋ efɔŋ he;

Galatabii 5:13

Ejaakɛ heyeli mli atsɛ nyɛ kɛba, anyɛmimɛi; shi nyɛheyeli lɛ kɛkɛ ni nyɛkahãa etsɔ̃a hegbɛ ehã heloo lɛ taomɔnii, shi moŋ nyɛtsɔa suɔmɔ nɔ nyɛsɔ̃mɔsɔ̃mɔa nyɛhe.

Galatabii 6:2

Nyɛjatsui lɛ nyɛkpeekpea nyɛhe kɛterea, ni nɛkɛ gbɛ nɔ nyɛaatsɔ nyɛye Kristo mla lɛ nɔ.

5 Mose 3:18

“Mikɛɛ nyɛ nakai be lɛ mli akɛ, ‘Yehowa, nyɛNyɔŋmɔ lɛ, kɛ nɛkɛ Yordan bokãgbɛ shikpɔŋ nɛɛ ehã nyɛ akɛ nyɛnɔ. Nyɛteŋ tabilɔi lɛ fɛɛ amia koni nyɛnyiɛ nyɛnyɛmimɛi Israelbii lɛ ahiɛ.

5 Mose 3:20

Nyɛ kɛ nyɛnyɛmimɛi lɛ baaya kɛyaashi beyinɔ ni Yehowa aaahã nyɛnyɛmimɛi lɛ aaajɔɔ amɛhe tamɔ nyɛ nɔŋŋ, ni amɛ hu amɛnine aaashɛ shikpɔŋ ni Yehowa, nyɛNyɔŋmɔ lɛ, kɛhãa amɛ yɛ Yordan Faa lɛ anaigbɛ lɛ nɔ. No sɛɛ dani nyɛteŋ mɔ fɛɛ mɔ baanyɛ eku esɛɛ kɛba egbɛfaŋnɔ ni mikɛhã lɛ lɛ nɔ.’

5 Mose 9:1

“Nyɛboa toi, Israelbii! Nyɛbaafo Yordan Faa lɛ ŋmɛnɛ gbi nɛɛ koni nyɛya nyɛyaŋɔ shikpɔji yɛ maji ni dara, ni asaŋ amɛhe wa hu fe nyɛ adɛŋ, shikpɔji kɛ amɛnɔ maji wuji kɛ amɛhe gbogboi ni atswa kɛtee ŋwɛi shɔŋŋ akɛwaje amɛ.

Filipibii 2:4

Nyɛteŋ mɔ fɛɛ mɔ akafo enɔ mli, shi moŋ efo enaanyo nɔ mli.

Yoshua 1:1

Yehowa tsulɔ Mose gbele sɛɛ lɛ, Yehowa kɛɛ Yoshua, Nun bi lɛ, ni lɛ ji Mose sɔ̃ɔlɔ lɛ akɛ,

Yoshua 1:14

Nyɛbaashi nyɛŋamɛi kɛ nyɛbifabii kɛ nyɛkooloi yɛ shikpɔŋ ni Mose kɛhã nyɛ yɛ Yordan Faa nɛɛ sɛɛ lɛ nɔ; shi nyɛteŋ hii fɛɛ ni eshɛ tayaa amia kɛnyiɛ nyɛnyɛmimɛi lɛ ahiɛ koni nyɛye nyɛbua amɛ,

Yoshua 1:16

Maŋbii lɛ to he amɛhã Yoshua amɛkɛɛ akɛ, “Nɔ fɛɛ nɔ ni owo wɔ ehe kitã lɛ wɔɔfee, ni he fɛɛ he ni oootsu wɔ lɛ wɔɔtee.

Yoshua 22:1

Agbɛnɛ Yoshua tsɛ Rubenbii lɛ kɛ Gadbii lɛ kɛ Manasebii lɛ akutso lɛ fã kome lɛ kɛbakpe,