Yoshua 1:1 - ŊMALƐ KRƆŊKRƆŊ LƐ

¹ Yehowa tsulɔ Mose gbele sɛɛ lɛ, Yehowa kɛɛ Yoshua, Nun bi lɛ, ni lɛ ji Mose sɔ̃ɔlɔ lɛ akɛ,

Ṅmãle̱ Kroṅkroṅ Le̱

¹ Ni eba mli ake̱ Iehowa tšũlo̱ Mose gbẽle se̱ le̱ Iehowa kē̱ Iošua, Nun hi ni dši Mose súolo̱ le̱, ake̱:

Yoshua 1:1 ပူးပေါင်းရင်းမြစ်များ

1 Maŋtsɛmɛi 19:16

No sɛɛ lɛ, ofɔ Nimshi bi Yehu hu mu okɛwo lɛ Israel maŋtsɛ, asaŋ ofɔ Shafat ni jɛ Abel-Mehola lɛ bi Elisha lɛ mu kɛwo lɛ gbalɔ, mɔ ni baaye onajiaŋ.

2 Maŋtsɛmɛi 3:11

Shi Yehoshafat bi akɛ, “Ani Yehowa gbalɔ ko bɛ biɛ nɛɛ ni wɔɔtee wɔyabi Yehowa nii yɛ eŋɔɔ?” Kɛkɛ ni Israel maŋtsɛ lɛ tsuji lɛ ateŋ mɔ kome here nɔ ni ekɛɛ akɛ, “Elisha, Shafat bi lɛ ni fɔse nu shwie Elia niji anɔ lɛ, yɛ biɛ.”

Nehemia 8:17

Mɛi abɔ fɛɛ ni ku amɛsɛɛ kɛjɛ nomŋɔɔ lɛ mli kɛba lɛ fee asesei, ni amɛhi mli. Israelbii lɛ efeko nakai nɔ ko dã kɛjɛ Yoshua, Nun bi lɛ, yinɔ aahu kɛbashi nakai gbi lɛ nɔ. Amɛmii shɛ amɛhe naakpa.

2 Mose 24:13

Kɛkɛ ni Mose kɛ etsulɔ Yoshua te shi, ni Mose kwɔ kɛtee Nyɔŋmɔ gɔŋ lɛ nɔ.

4 Mose 11:28

Enɛ hã Nun bi Yoshua ni ji Mose sɔ̃ɔlɔ kɛjɛ eblahiaŋ lɛ here nɔ ni ekɛɛ akɛ, “Minuŋtsɔ, tsii amɛ gbɛ!”

4 Mose 12:7

Shi mitsulɔ Mose nɔ bɛ nakai. Lɛ edɛŋ mitu mimaŋ Israel fɛɛ kuramɔ miwo.

4 Mose 13:16

Hii nɛɛ ji mɛi ni Mose tsu koni amɛyasara shikpɔŋ lɛ nigii lɛ. Kɛkɛ ni Mose tsake Nun bi Hoshea lɛ gbɛi, ni ewo lɛ Yoshua.

4 Mose 13:8

ni Efraim akutso lɛ mli mɔ lɛ ji Hoshea, Nun bi lɛ;

Luka 16:10

Mɔ ni yeɔ nɔ ko bibioo mli anɔkwa lɛ, eyeɔ babaoo hu mli anɔkwa; ni mɔ ni yeee nɔ ko bibioo mli anɔkwa lɛ, eyeee babaoo hu mli anɔkwa.

Bɔfoi 7:45

Buu nɛɛ, be ni wɔtsɛmɛi ni ba yɛ sɛɛ lɛ hu anine shɛ nɔ lɛ, amɛkɛ Yoshua hiɛ kɛba jeŋmaji ni Nyɔŋmɔ shwie amɛ yɛ wɔtsɛmɛi lɛ ahiɛ lɛ ashikpɔŋ lɛ nɔ. Ni ehi shi kɛbashi David yinɔ.

Romabii 1:1

Wolo nɛɛ jɛ mi Paulo, Yesu Kristo tsulɔ kɛ bɔfo ni atsɛ lɛ ni ajie lɛ ato ahã Nyɔŋmɔ Sanekpakpa lɛ, dɛŋ.

5 Mose 1:38

Yoshua, Nun bi lɛ, mɔ ni waa bo lɛ ji mɔ ni baaya ayashɛ jɛi. Wo lɛ hewalɛ ejaakɛ lɛ ji mɔ ni baanyiɛ Israelbii lɛ ahiɛ kɛyaŋɔ shikpɔŋ lɛ akɛ amɛnɔ.

5 Mose 31:23

Kɛkɛ ni Yehowa tu nitsumɔ lɛ ewo Yoshua, Nun binuu lɛ, dɛŋ, ni ekɛɛ lɛ akɛ, “Ohe awa, ni ofee ekãa, ejaakɛ bo ji mɔ ni okɛ Israelbii lɛ baaya shikpɔŋ lɛ ni miwo he shi akɛ mikɛbaahã amɛ lɛ nɔ; mikɛ bo baahi shi.”

5 Mose 31:3

Yehowa, nyɛNyɔŋmɔ lɛ, diɛŋtsɛ aaanyiɛ nyɛhiɛ kɛfo faa lɛ; ni lɛ nɔŋŋ ebaakpãtã majimaji lɛ ahiɛ yɛ nyɛhiɛ koni nyɛŋɔ. Yɛ Yehowa wiemɔ naa lɛ, Yoshua aaanyiɛ nyɛhiɛ kɛfo Yordan Faa lɛ.

5 Mose 33:1

Jɔɔmɔ ni Nyɔŋmɔ gbɔmɔ Mose kɛjɔɔ Israelbii lɛ dani egbo lɛ nɛ.

5 Mose 34:12

Gbalɔ ko hu bako ni eyɛ hewalɛ kpele, ni efee naakpɛɛnii kɛ gbeyeinii tamɔ Mose fee yɛ Israelbii ahiɛ lɛ.

5 Mose 34:5

Yehowa tsulɔ Mose gbo yɛ jɛi yɛ Moab shikpɔŋ lɛ nɔ yɛ Yehowa wiemɔ lɛ naa;

5 Mose 34:9

Yoshua, Nun bi lɛ, eyi obɔ̃ kɛ nilee mumɔ, ejaakɛ Mose kɛ eniji eshwie enɔ ejɔɔ enɔ. No hewɔ lɛ, Israelbii lɛ bo Yoshua toi, ni amɛfee tamɔ bɔ ni Yehowa efã Mose lɛ.

Tito 1:1

Paulo, ni ji Nyɔŋmɔ tsulɔ kɛ Yesu Kristo bɔfo lɛ, ŋma wolo nɛɛ. Nyɔŋmɔ hala mi ni etsu mi koni mayawo Nyɔŋmɔ halamɔbii lɛ ahemɔkɛyeli kɛ Nyɔŋmɔjamɔ anɔkwale lɛ he nilee lɛ mli hewalɛ,

Yakobo 1:1

Yakobo, ni ji Nyɔŋmɔ kɛ Nuŋtsɔ Yesu Kristo tsulɔ lɛ ŋma yahã akutsei nyɔŋma kɛ enyɔ ni egbɛ eshwã lɛ. Miiŋa nyɛ!

Yoshua 1:15

kɛyashi beyinɔ ni Yehowa aaahã nyɛnyɛmimɛi lɛ hu ana he ko ni amɛjɔɔ amɛhe yɛ, tamɔ bɔ ni ehã nyɛjɔɔ nyɛhe lɛ, be mli ni amɛ hu shikpɔŋ ni Yehowa, nyɛNyɔŋmɔ lɛ, kɛhãa amɛ lɛ aaashɛ amɛdɛŋ lɛ. No sɛɛ dani nyɛku nyɛsɛɛ kɛba nyɛshikpɔŋ ni Yehowa tsulɔ Mose kɛhã nyɛ yɛ Yordan Faa nɛɛ sɛɛ yɛ bokãgbɛ lɛ nɔ, ni nyɛbahi nɔ.”

Yoshua 1:2

“Mitsulɔ Mose egbo, no hewɔ lɛ, saamɔ ohe koni bo kɛ Israelbii lɛ fɛɛ afo Yordan Faa nɛɛ kɛya shikpɔŋ lɛ ni mikɛhãa amɛ lɛ nɔ.

Yoshua 12:6

Yehowa tsulɔ Mose kɛ Israelbii lɛ ye maŋtsɛmɛi enyɔ nɛɛ anɔ kunim, ni Mose kɛ maŋtsɛmɛi nɛɛ ashikpɔji lɛ hã Rubenbii lɛ kɛ Gadbii lɛ kɛ Manase akutso lɛ fã akɛ amɛnɔ.

Kpojiemɔ 1:18

kɛ hiɛkãalɔ lɛ. Migbo, ni naa, mihiɛ kã kɛmiiya naanɔi anaanɔ, ni mihiɛ gbele kɛ gbohiiaje naa samfei lɛ.