Yona 2:9 - ŊMALƐ KRƆŊKRƆŊ LƐ

⁹ Shi mi lɛ, mala makafo bo, ni mashã afɔle mahã bo; shi ni miwo lɛ, maye nɔ. Yiwalaheremɔ lɛ, Yehowa dɛŋ ejɛɔ.”

Ṅmãle̱ Kroṅkroṅ Le̱

⁹ Mei ni *nyieo̱ amale yakanii ase̱ le̱, ame̱kwa ame̱dromo̱ le̱. *Lal. 31,7.

Yona 2:9 ပူးပေါင်းရင်းမြစ်များ

1 Mose 35:3

Nyɛhãa wɔyaa Betel koni mayama afɔleshãa latɛ yɛ jɛi mahã Nyɔŋmɔ, mɔ ni bo misɔlemɔ toi yɛ mifimɔ gbi lɛ nɔ ni ewa mi yɛ gbɛ ni mifã lɛ fɛɛ mli lɛ.”

2 Samuel 15:7

Afii ejwɛ baho; kɛkɛ ni Absalom kɛɛ Maŋtsɛ David akɛ, “Ofainɛ ni oŋmɛ mi gbɛ koni maya Hebron mayaye shi ko ni miwo Yehowa lɛ nɔ maba.

Hiob 22:27

Sɔlemɔ okpa lɛ fai ni eeebo bo toi; ni oooye oshiwoi lɛ anɔ.

Lalai 107:22

Hã amɛshã shidaa afɔlei, ni amɛkɛ nyamɔ lalai agba enitsumɔi lɛ.

Lalai 27:1

Yehowa ji mila kɛ miyiwalaheremɔ, namɔ po gbeyei mashe? Yehowa ji miwala hewalɛ ni wa, namɔ hiɛ po mihe aaakpokpo yɛ?

Lalai 3:8

Kunimyeli lɛ Yehowa dɛŋ ejɛɔ, Yehowa, ojɔɔmɔ aba omaŋ lɛ nɔ. Sela

Lalai 50:14

Ŋɔɔ shidaa afɔle ohã Nyɔŋmɔ; koni oye oshi ni owo ŋwɛi flooflonyo lɛ nɔ;

Lalai 50:23

Mɔ ni shãa shidaa afɔle lɛ, eewo mihiɛ nyam. Mɔ ni baa ejeŋ jogbaŋŋ lɛ, mibahere eyiwala.

Lalai 68:20

WɔNyɔŋmɔ lɛ, Nyɔŋmɔ ni hereɔ mɔ yiwala ni. Lɛ ji Yehowa, wɔNuŋtsɔ, ni hereɔ wɔ kɛjɛɔ gbele mli lɛ.

Lalai 95:2

Nyɛhãa wɔbaa ehiɛ kɛ shidaa, wɔkɛ lala abɔa oshe kɛjiea eyi.

Yesaia 45:17

Shi Yehowa aaahere Israel yiwala kɛya naanɔ; nyɛhiɛ gboiŋ, ni asaŋ nyɛhiɛ eshwieŋ shi kɔkɔɔkɔ kɛyaashi naanɔ.’ ”

Yeremia 33:11

nyamɔ kɛ mliflimɔ kɛ ayɛmforowu kɛ ayɛmforo gbee ekoŋŋ yɛ jɛi. Abaanu mɛi ni kɛ amɛshidaa afɔlei baa Yehowa we lɛ he ni amɛmiila akɛ, ‘Nyɛdaa Yehowa, Taiatsɛ lɛ, shi ejaakɛ Yehowa hi, ni esuɔmɔ ni tsakeee lɛ hiɔ shi kɛyaa naanɔ!’ Ejaakɛ mibahã shikpɔŋ lɛ ashwere tamɔ bɔ ni eyɔɔ tsuutsu lɛ. Mi Yehowa mikɛɛ.”

Hosea 14:2

Nyɛkpalea kɛyaa Yehowa ŋɔɔ, nyɛyakpaa lɛ fai kɛ wiemɔi nɛɛ akɛ, “Kɛ efɔŋ ni wɔfee lɛ afa koni omɔ wɔfaikpamɔ nɛɛ mli, ni wɔɔkafo bo.

Yohane 4:22

Nyɛ lɛ, nyɛleee mɔ ni nyɛjaa; wɔ lɛ, wɔle mɔ ni wɔjaa, ejaakɛ walaheremɔ lɛ, Yudafoi lɛ aŋɔɔ ejɛ.

Bɔfoi 4:12

Ejaakɛ yiwalaheremɔ bɛ mɔ kroko mli; ni asaŋ gbɛi kroko hu bɛ ŋwɛi shishi ni akɛhã gbɔmɛi ni sa akɛ atsɔ̃ nɔ ahere wɔyiwala.”

Romabii 12:1

No hewɔ lɛ, anyɛmimɛi, mikɛ Nyɔŋmɔ mlitsɔlɛ miikpa nyɛ fai akɛ nyɛŋɔ nyɛgbɔmɔtsei lɛ nyɛdamɔ shi akɛ afɔle ni hiɛ kã ni he tse ni sa Nyɔŋmɔ hiɛ; enɛ ji jamɔ ni sa.

5 Mose 23:18

Nuu ni jio, yoo ni jio, mɔ ko mɔ ko kɛ ajwamãŋbɔɔ mli shika akabahã yɛ Yehowa, nyɛNyɔŋmɔ lɛ, we lɛ mli yɛ eshiwoo ko hewɔ, ejaakɛ Yehowa miihi jamɔhe lɛ mli ajwamãŋbɔɔ lɛ kɛ shika lɛ fɛɛ.

Hebribii 13:15

Belɛ nyɛhãa wɔtsɔ̃a enɔ ni wɔkɛ yijiemɔ afɔle abahãa Nyɔŋmɔ daa; no ji, naabui ni jajeɔ egbɛi lɛ yibii lɛ.

Kpojiemɔ 7:10

ni amɛbolɔ kɛ gbee ni wa amɛkɛɛ, “Yiwalaheremɔ lɛ ji wɔNyɔŋmɔ ni ta maŋtsɛ sɛ̃i lɛ nɔ lɛ, kɛ Toobi lɛ nɔ!”

1 Samuel 12:21

Nyɛkagbaa afã kɛyanyiɛ yaka nibii ni ahe bɛ sɛɛnamɔ ni asaŋ nyɛɛɛ mɔ yiwala ahere lɛ asɛɛ; ejaakɛ yaka nibii ni.