Yona 2:4 - ŊMALƐ KRƆŊKRƆŊ LƐ

⁴ Misusu akɛ ashwie mi kɛje ohiɛ, ni te mafee tɛŋŋ mana oSɔlemɔ we krɔŋkrɔŋ lɛ ekoŋŋ lɛ?

Ṅmãle̱ Kroṅkroṅ Le̱

⁴ Ši oše̱mi ofõ bu kwo̱ṅkwo̱ṅ mli ye̱ ṅšo̱ tšui mli, ni nu babaō ebo̱lemi ke̱kpe; *ošo̱kei ke̱ omlẽmlẽi le̱ fẽ kũmoo̱ ſieo̱ mino̱. *Lal. 42,8.

Yona 2:4 ပူးပေါင်းရင်းမြစ်များ

1 Maŋtsɛmɛi 8:42

ejaakɛ maŋsɛɛbii aaanu ogbɛi kpeteŋkple lɛ kɛ nii wuji ni ofee he, ni eeebashã afɔle yɛ nɛkɛ shĩa nɛɛŋ lɛ,

1 Maŋtsɛmɛi 8:48

Kɛji amɛshwa amɛhe anɔkwale mli yɛ nakai nomŋɔɔ shikpɔŋ lɛ nɔ, ni amɛsɔle be ni amɛmiikwɛ shikpɔŋ ni akɛhã amɛblematsɛmɛi lɛ kɛ maŋ nɛɛ ni bo diɛŋtsɛ ohala kɛ Sɔlemɔtsu nɛɛ ni mimã mihã bo nɛɛ lɛ,

1 Maŋtsɛmɛi 9:7

no lɛ makpãtã Israel hiɛ kɛje shikpɔŋ ni miŋɔ hã amɛ lɛ nɔ. Makwa nɛkɛ Sɔlemɔ we nɛɛ ni mifee lɛ krɔŋkrɔŋ mihã mihe akɛ jɛi aaaja mi yɛ lɛ. Mɛi aaaye Israel he fɛo, ni eeetsɔ̃ nyaŋemɔnɔ yɛ maji krokomɛi ateŋ.

2 Kronika 6:38

ni kɛji no hewɔ lɛ, amɛje amɛhe sɛɛ, ni amɛkpa bo fai anɔkwale mli kɛ amɛtsui fɛɛ kɛ amɛyitsoŋ fɛɛ, yɛ shikpɔŋ nɔ he ni aŋɔ amɛ nom kɛtee lɛ, be mli ni amɛtsɔ̃ amɛhiɛ amɛmiikwɛ shikpɔŋ nɛɛ nɔ gbɛ, ni ji shikpɔŋ ni okɛhã amɛtsɛmɛi lɛ, kɛ maŋ nɛɛ ni bo diɛŋtsɛ otse akɛ omaŋ lɛ kɛ agbɛnɛ Sɔlemɔtsu nɛɛ hu ni mima koni aja bo yɛ mli lɛ,

Lalai 31:22

Yɛ mitsuifãa mli lɛ, mikɛɛ akɛ, “Ashwie mi kɛje ohiɛ kɛtee sɛɛ shɔŋŋ.” Kɛ̃lɛ, be ni mibo mitsɛ bo lɛ, obo mifaikpamɔ toi.

Lalai 42:8

Shwane lɛ, Yehowa jieɔ esuɔmɔ ni tsakeee lɛ kpo etsɔ̃ɔ mi; ni nyɔɔŋ lɛ milaa Yehowa he lala; ni misɔleɔ mitsɛɔ miNyɔŋmɔ, mɔ dɛŋ ni miwala yɔɔ lɛ.

Lalai 5:7

Shi mi lɛ, yɛ osuɔmɔ ni tsakeee lɛ naa lɛ maba owe lɛ; mikɛ woo aaaja bo yɛ oSɔlemɔ we krɔŋkrɔŋ lɛŋ.

Lalai 88:6

Oshɛ mi ofɔ gbonyobu kwɔŋkwɔŋ lɛŋ, he ni mli kwɔ ni ewo duŋ kpii lɛ.

Lalai 88:7

Omlifu lɛ kã minɔ, ni ohã oshɔkei lɛ fɛɛ ekumɔ eshwie minɔ.

Yesaia 38:17

Naa, mijurɔyeli hewɔ jɛ ni mina hejaramɔ babaoo lɛ, Ojie miwala kɛje hiɛkpãtãmɔ mli, ejaakɛ osherɛ mihe eshai lɛ fɛɛ oshwie osɛɛ.

Yesaia 49:14

Shi Yerusalɛm kɛɛ akɛ, “Yehowa ekwa mi, miNuŋtsɔ lɛ hiɛ ekpa minɔ!”

Yeremia 15:1

Kɛkɛ ni Yehowa kɛɛ mi akɛ, “Kɛji Mose kɛ Samuel tete po damɔ mihiɛ lɛ, minaŋ nɛkɛ gbɔmɛi nɛɛ ahe tsui. Shwiemɔ amɛ kɛje mihiɛ ni amɛya!

Yeremia 7:15

Mibashwie nyɛ kɛje mihiɛ tamɔ bɔ ni mishwie nyɛnyɛmimɛi ni ji Efraim shwiei lɛ fɛɛ kɛje mihiɛ lɛ.”

Yāfó 3:54

Nu su miyi, ni mikɛɛ akɛ, ‘milaaje’.

Ezekiel 37:11

Kɛkɛ ni Yehowa Mumɔ lɛ kɛɛ mi akɛ, “Gbɔmɔ Adesa nɛkɛ wui nɛɛ Israel we muu lɛ fɛɛ ni. Naa, amɛwieɔ akɛ ‘wɔwui ahe ekwakwao, ni wɔhiɛnɔkãmɔ etã, ni abɛɛ wɔ kwraa ashwie.’

Daniel 6:10

Be ni Daniel na ele akɛ maŋtsɛ lɛ kɛ enine ewo akpɔ ni aŋmã lɛ shishi lɛ, eyiŋ etee ewe. Eŋwɛi pia lɛ he samfɛji lɛ kwɛɔ Yerusalɛm gbɛ kɛji agbele. Ekulaa shi esɔleɔ shii etɛ̃ daa gbi, ni edaa eNyɔŋmɔ lɛ shi. Gbi ko lɛ Daniel yasɔle nakai nɔŋŋ.

Yona 2:7

Be ni misusuma tɔ biti yɛ mimli lɛ, mikai Yehowa, ni misɔle, ni onu misɔlemɔ lɛ yɛ oSɔlemɔ we krɔŋkrɔŋ lɛ mli.