Yohane 9:7 - ŊMALƐ KRƆŊKRƆŊ LƐ

⁷ ni ekɛɛ lɛ akɛ, “Yaaju ohe yɛ Siloam (eshishi ji, Mɔ ni atsu lɛ) Kpaakpo lɛ mli.” Kɛkɛ ni etee eyaju ehe, ni eba ni eena nii.

Ṅmãle̱ Kroṅkroṅ Le̱

⁷ ni ekē̱le̱ ake̱: Yadšu ye̱ Siloam (ešiši dši: moni atšũle̱) kpākpo le̱ mli. Ke̱ke̱ ni ete eyadšu, ni eba ní ēna nii.

Yohane 9:7 ပူးပေါင်းရင်းမြစ်များ

Nehemia 3:15

Nubu Agbo lɛ Shallum, Kol-Hoze bi lɛ ni ji Mizpa mlijaa fã lumɔ lɛ, ji mɔ ni basaa. Lɛ ema, ni eha nɔ, ni etara enaa shinai lɛ kɛ amɛhe sai kɛ amɛsɛɛ adabaŋi lɛ. Lɛ nɔŋŋ etswa Shela Kpaakpo lɛ he gbogbo lɛ ni yɔɔ maŋtsɛ trom lɛ masɛi lɛ, aahu kɛyashi atrakpoi ni kpelekeɔ shi kɛjɛɔ David maŋ lɛ mli lɛ he.

Lalai 146:8

Yehowa gbeleɔ shwilafoi ahiŋmɛii; Yehowa holeɔ mɛi ni edɔrɔ kɔmɔɔ lɛ anɔ; Yehowa sumɔɔ jalɔi.

2 Mose 4:11

Yehowa bi lɛ akɛ, “Namɔ bɔ naabu hã gbɔmɔ? Namɔ bɔ mumui loo toimulɔ, loo mɔ ni naa nii, loo shwilafo? Ani jeee mi, Yehowa nɛɛ nɔŋŋ?

Yesaia 32:3

Amɛteŋ mɛi ni hiŋmɛi nɔ tse baana nɔ fɛɛ nɔ faŋŋ, ni mɛi hu ni toiiaŋ tse baabo nɔ fɛɛ nɔ toi jogbaŋŋ.

Yesaia 35:5

Kɛkɛ lɛ aaagbele shwilafoi ahiŋmɛii, ni aaagbele toimulɔi hu atoii;

Yesaia 42:7

koni ogbele shwilafoi ahiŋmɛii, ni ojie gboklɛfoi yɛ gboklɛfoi atsuŋ; koni ojie gboklɛfoi ni tara kpabuŋ duŋ mli lɛ.

Yesaia 43:8

Nyɔŋmɔ kɛɛ, “Tsɛ mimaŋbii lɛ kɛba kojomɔ. Amɛyɛ hiŋmɛii shi amɛnaaa nii; amɛyɛ toii, shi amɛnuuu nii.

Yesaia 8:6

“Maŋ nɛɛ kwa Shiloa Faa lɛ mli nu ni hoɔ blɛoo lɛ, ni amɛkpokpo yɛ Maŋtsɛ Rezin kɛ Maŋtsɛ Peka, Remalia bi lɛ, hiɛ.

Mateo 11:5

shwilafoi miina nii, ni obubuafoi miinyiɛ; kpitiyelɔi ahe miitse, ni toimulɔi miinu nii, gbohii miite shi, ni ohiafoi lɛ aajaje sane kpakpa lɛ aatsɔ̃ɔ amɛ.

Luka 13:4

Aloo nyɛsusuɔ akɛ, mɛi nyɔŋma kɛ kpaanyɔ lɛ ni Siloam mɔɔ lɛ ku shwie amɛnɔ ni egbe amɛ lɛ, amɛ amɛ ji nɔtɔ̃lɔi fe gbɔmɛi fɛɛ ni yɔɔ Yerusalɛm?

Luka 2:32

La ni aaahã jeŋmaji lɛ ahiɛ agbele, ni ewo omaŋ Israel hiɛ nyam lɛ.”

Yohane 10:36

nyɛmiikɛɛ mɔ ni Tsɛ lɛ efee lɛ krɔŋkrɔŋ ni etsu lɛ kɛba je lɛ mli lɛ akɛ, ‘Obɔ musu’, akɛni mikɛɛ akɛ, ‘Nyɔŋmɔ Bi ji mi’ lɛ?

Yohane 11:37

Shi amɛteŋ mɛi komɛi kɛɛ, “Ani nuu nɛɛ ni gbele shwilafo lɛ hiŋmɛii lɛ nyɛŋ efee ni kulɛ nuu nɛɛ akagbo?”

Yohane 9:11

Ehere nɔ ekɛɛ, “Nuu ko ni atsɛɔ lɛ Yesu lɛ kpɔtɔ su, ni ekɛkpa mihiŋmɛii lɛ anɔ, ni ekɛɛ mi akɛ, ‘Yaa Siloam Kpaakpo lɛ mli ni oyaju ohe.’ Ni be ni mitee miyaju mihe lɛ, mina nii.”

Yohane 9:39

Ni Yesu kɛɛ, “Kojomɔ hewɔ miba je nɛɛŋ, koni mɛi ni enaaa nii lɛ ana nii, ni mɛi ni naa nii lɛ atsɔ̃mɔ shwilafoi.”

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

Romabii 8:3

Ejaakɛ nɔ ni Mla lɛ nyɛɛɛ afee yɛ gbedemɔ ni heloo lɛ ehã egbede hewɔ lɛ, no Nyɔŋmɔ fee: etsu lɛ diɛŋtsɛ eBi lɛ yɛ su ni tamɔ esha heloo su mli, yɛ esha hewɔ; ni ebu esha lɛ fɔ yɛ heloo lɛ mli,

Galatabii 4:4

Shi be ni be lɛ shɛ lɛ, Nyɔŋmɔ tsu lɛ diɛŋtsɛ eBi lɛ kɛba, yoo fɔ lɛ, eba Mla shishi;