Yohane 9:39 - ŊMALƐ KRƆŊKRƆŊ LƐ

³⁹ Ni Yesu kɛɛ, “Kojomɔ hewɔ miba je nɛɛŋ, koni mɛi ni enaaa nii lɛ ana nii, ni mɛi ni naa nii lɛ atsɔ̃mɔ shwilafoi.”

Ṅmãle̱ Kroṅkroṅ Le̱

³⁹ Ni Iesu kē̱: Kodšomo̱ hewo̱ miba dše ne̱ṅ, koni mei ní enaa nii le̱ ána, ni mei ní naä le̱ atšṍmo ſilafoi. Mat 13,11-15.

Yohane 9:39 ပူးပေါင်းရင်းမြစ်များ

Yesaia 29:10

Ejaakɛ Yehowa ehã wɔ ni mli tsii mumɔ enyɔ nyɛnɔ. Nyɛ gbalɔi, Yehowa eŋamɔ nyɛhiŋmɛii; ni nyɛ ninalɔi, Yehowa kɛ nɔ̃ eha nyɛhiɛ.

Yesaia 44:18

Amɛleee nii, asaŋ amɛkɔɔɔ sane sɛɛ hu, ejaakɛ amɛhiŋmɛii eshwila ni amɛnaaa nii; ni amɛjwɛŋmɔi anaa eŋamɔ hu, ni amɛnuuu nii ashishi.

Yesaia 6:9

Ni Nuŋtsɔ lɛ kɛɛ mi akɛ, “Yaa koni oyakɛɛ maŋbii nɛɛ akɛ, ‘Nyɛkɛ nyɛtoi aaanu nɛ, shi nyɛnuŋ shishi, ni nyɛkɛ nyɛhiŋmɛii aaana nɛ, shi nyɛnaŋ shishi.’ ”

Ezekiel 12:2

“Gbɔmɔ Adesa, mɛi ni toi egbo ateŋ oyɔɔ lɛ; shi amɛyɛ hiŋmɛii, shi amɛnaaa nii; amɛyɛ toii hu shi amɛnuuu nii, ejaakɛ maŋ ni toi egbo ji amɛ.”

Mateo 11:5

shwilafoi miina nii, ni obubuafoi miinyiɛ; kpitiyelɔi ahe miitse, ni toimulɔi miinu nii, gbohii miite shi, ni ohiafoi lɛ aajaje sane kpakpa lɛ aatsɔ̃ɔ amɛ.

Mateo 15:14

Nyɛkadia amɛsɛɛ! Shwilafoi ni tsɔ̃ɔ shwilafoi agbɛ ji amɛ; ni kɛ shwilafo miitsɔ̃ɔ shwilafo gbɛ lɛ, amɛyi enyɔ lɛ fɛɛ amɛaagbee bu mli.”

Mateo 6:23

Shi kɛji ohiŋmɛi nɔ tseee lɛ, ogbɔmɔtso muu lɛ aaawo duŋ. No hewɔ lɛ, kɛji la ni yɔɔ omli lɛ ji duŋ lɛ, te no duŋ lɛ aaafa ahã tɛŋŋ!”

Luka 1:79

Koni ehã jeŋ atse ahã mɛi ni tara duŋ kɛ gbele hɔɔŋ mli lɛ, Ni akudɔ wɔnaji kɛya hejɔlɛ gbɛ lɛ nɔ.”

Luka 13:30

Ni naa, sɛɛkpeebii yɛ ni baatsɔ̃mɔ klɛŋklɛŋbii, ni klɛŋklɛŋbii hu yɛ ni baatsɔ̃mɔ sɛɛkpeebii.”

Luka 2:34

Ni Simeon jɔɔ amɛ, ni ekɛɛ gbekɛ lɛ nyɛ, Maria, akɛ, “Naa, akɛ mɔ nɛ edamɔ shi ehã mɛi pii ashigbeemɔ kɛ shitee yɛ Israel, kɛ okadi ni awieɔ ashiɔ;

Luka 4:18

“Nuŋtsɔ lɛ Mumɔ lɛ yɛ minɔ, ejaakɛ efɔ mi mu, koni mijaje Sanekpakpa lɛ mitsɔ̃ɔ ohiafoi.

Luka 7:21

Shi nakai ŋmɛlɛtswaa lɛ nɔ nɔŋŋ lɛ Yesu tsa mɛi pii ahelai kɛ amɛhejaramɔi kɛ mɛi ni mumɔi fɔ̃ji yɔɔ amɛmli, ni mɛi pii hu ni eshwila lɛ, ehã amɛna nii.

Yohane 12:31

Agbɛnɛ je nɛɛŋ kojomɔ lɛ eshɛ; agbɛnɛ abaafã je nɛɛŋ lumɔ lɛ ashɛ afɔ̃.

Yohane 12:46

Mi lɛ miba je lɛ mli akɛ la, koni mɔ fɛɛ mɔ ni heɔ minɔ eyeɔ lɛ akahi duŋ lɛ mli.

Yohane 3:17

Ejaakɛ Nyɔŋmɔ tsuuu eBi lɛ kɛbaaa je lɛ mli koni ebakojo je lɛ, shi moŋ koni atsɔ̃ enɔ ahere je lɛ yiwala.

Yohane 3:19

Shi kojomɔ lɛ nɛ, akɛ la lɛ eba je lɛ mli, ni gbɔmɛi sumɔɔ duŋ lɛ moŋ fe la lɛ, ejaakɛ amɛnitsumɔi lɛ efɔ̃ɔji ni;

Yohane 8:12

Kɛkɛ ni Yesu kɛ amɛ wie ekoŋŋ ekɛɛ, “Mi ji je lɛ mli la lɛ. Mɔ ni nyiɛɔ misɛɛ lɛ, enyiɛŋ duŋ mli gbi ko gbi ko, shi moŋ eeena wala la lɛ.”

Yohane 8:15

Nyɛ lɛ nyɛkojoɔ bɔ ni gbɔmɛi kojoɔ; mi lɛ mikojooo mɔ ko.

Yohane 9:25

Kɛkɛ ni ehere nɔ ekɛɛ, “Eshafeelɔ ji lɛ jiŋŋ, mileee; nɔ kome mile, akɛ kulɛ shwilafo ji mi, shi agbɛnɛ miina nii.”

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

2 Korintobii 2:16

mɛi ni laajeɔ lɛ, eji gbele ŋma ni kɛ mɔ yaa gbele mli hã amɛ; shi mɛi krokomɛi lɛ, eji wala ŋma ni kɛ mɔ yaa wala mli hã amɛ. Ni namɔ sa hã nɛkɛ nitsumɔ?

Efesobii 5:14

No hewɔ ni ekɛɛ, “Ohiɛ atsɛ̃, bo mɔ ni owɔɔ lɛ, ni ote shi kɛjɛ gbohii ateŋ ni Kristo aaatso ahã bo!”

2 Tesalonikabii 2:10

kɛ efɔŋ mli shishiumɔ fɛɛ ni akɛ shishiuɔ mɛi ni hiɛ baakpãtã ejaakɛ amɛmɔ̃ɔɔ anɔkwale suɔmɔ lɛ mli ni akɛhere amɛyiwala lɛ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

1 Yohane 2:11

Shi mɔ ni nyɛɔ enyɛmi lɛ, duŋ lɛ mli eyɔɔ, ni duŋ lɛ mli enyiɛɔ, ni eleee he ni eyaa, ejaakɛ duŋ lɛ eshwila ehiŋmɛii.