Yohane 9:24 - ŊMALƐ KRƆŊKRƆŊ LƐ

²⁴ Kɛkɛ ni amɛtsɛ nuu ni sa ni eji shwilafo lɛ nɔ ni ji shii enyɔ, ni amɛkɛɛ lɛ akɛ, “Ŋɔɔ anunyam ohã Nyɔŋmɔ; shi wɔ lɛ wɔle akɛ gbɔmɔ nɛɛ eshafeelɔ ji lɛ.”

Ṅmãle̱ Kroṅkroṅ Le̱

²⁴ Ke̱ke̱ ni ame̱tšé̱ nū ní sá ni edši ſilafo le̱, noni dši ši enyo̱, ni ame̱kē̱le̱ ake̱: Ṅõ anumnyam *ohã Nyoṅmo̱; ši wo̱ le̱ wo̱le ake̱ gbomo ne̱ ešafelo dšile̱. *Ios. 7,19.

Yohane 9:24 ပူးပေါင်းရင်းမြစ်များ

Ezra 10:11

No hewɔ lɛ, nyɛjajea nyɛtsɔ̃a Yehowa, nyɛtsɛmɛi aNyɔŋmɔ lɛ; nyɛfea esuɔmɔnaanii, ni nyɛtsea nyɛhe yɛ shikpɔŋ lɛ nɔ bii lɛ kɛ maŋsɛɛ yei lɛ ahe.”

Yesaia 66:5

Nyɛboa Yehowa wiemɔ lɛ toi, nyɛ mɛi ni nyɛhe kpokpoɔ yɛ ewiemɔ lɛ naa lɛ. “Nyɛnyɛmimɛi ni miihi nyɛ, ni amɛkwa nyɛ yɛ migbɛi lɛ hewɔ lɛ, yeɔ nyɛ he fɛo amɛkɛɔ akɛ, ‘Nyɛwoa Yehowa hiɛ nyam akɛ ehere nyɛ, koni wɔna nyamɔ ni nyɛaanya lɛ.’ Shi amɛ moŋ ji mɛi ni amɛhiɛ aaagboi.

Marko 15:27

Ni amɛsɛŋ ojotswalɔi enyɔ amɛfata ehe, mɔ kome ye eninejurɔ, ni mɔ kome ye ebɛku. [

Luka 15:2

Shi Farisifoi kɛ mlatsɔɔlɔi lɛ wie huhuuhu amɛkɛɛ, “Nuu nɛɛ hereɔ eshafeelɔi atuu ni ekɛ amɛ yeɔ nii.”

Luka 19:7

Ni be ni mɛi na lɛ, amɛ fɛɛ amɛwie huhuuhu amɛkɛɛ, “Eyato nuu eshafeelɔ ŋɔɔ.”

Luka 7:39

Shi be ni Farisifonyo ni kpee Yesu niyeli lɛ na lɛ, ekɛɛ yɛ emli akɛ, “Gbɔmɔ nɛɛ, gbalɔ ji lɛ jikulɛ, eeele nɔ gbɔmɔ kɛ nɔ yoo ni taa ehe nɛɛ akɛ eshafeelɔ ji lɛ.”

Yohane 14:30

Mikɛ nyɛ ewieŋ nibii pii dɔŋŋ, ejaakɛ je lɛ mli lumɔ lɛ miiba, ni ebɛ hewalɛ ko yɛ minɔ;

Yohane 16:2

Amɛaashwie nyɛ kɛaajɛ kpeehei lɛ. Ni be baaba tete, ni mɔ fɛɛ mɔ ni gbeɔ nyɛ lɛ aaasusu akɛ ekɛmiija Nyɔŋmɔ.

Yohane 18:30

Amɛhere nɔ akɛ, “Jeee efɔŋfeelɔ ji lɛ kulɛ, wɔkɛ lɛ ebahaŋ bo.”

Yohane 19:6

Be ni osɔfonukpai lɛ kɛ tsuji lɛ na lɛ lɛ, amɛbolɔ amɛkɛɛ, “Sɛŋmɔ lɛ, sɛŋmɔ lɛ!” Pilato kɛɛ amɛ akɛ, “Nyɛ diɛŋtsɛ nyɛŋɔa lɛ ni nyɛyasɛŋa lɛ mɔ, ejaakɛ mi lɛ minaaa fɔbuu sane ko yɛ ehe.”

Yohane 5:23

koni mɛi fɛɛ abu Bi lɛ, tamɔ bɔ ni amɛbuɔ Tsɛ lɛ. Mɔ ni ebuuu Bi lɛ, ebuuu Tsɛ lɛ ni tsu lɛ lɛ hu.

Yohane 8:46

Nyɛteŋ namɔ kãa mi yɛ esha ko he? Shi kɛji anɔkwale miwieɔ lɛ, mɛɛ hewɔ ni nyɛheee mi nyɛyeee lɛ?

Yohane 8:49

Yesu here nɔ akɛ, “Mumɔ fɔŋ bɛ mimli, shi miiwo miTsɛ, ni nyɛ lɛ nyɛmiishwie mihiɛ shi moŋ.

Yohane 9:16

No hewɔ lɛ, Farisifoi lɛ ateŋ mɛi komɛi kɛɛ, “Nuu nɛɛ jɛɛɛ Nyɔŋmɔ ŋɔɔ, ejaakɛ eyeee hejɔɔmɔ gbi lɛ mla lɛ nɔ.” Mɛi komɛi hu kɛɛ, “Te gbɔmɔ ko ni ji eshafeelɔ aaafee tɛŋŋ ni enyɛ efee naakpɛɛnii ni tamɔ enɛɛmɛi hu?” Ni mligbalamɔ ba amɛteŋ.

Yohane 9:25

Kɛkɛ ni ehere nɔ ekɛɛ, “Eshafeelɔ ji lɛ jiŋŋ, mileee; nɔ kome mile, akɛ kulɛ shwilafo ji mi, shi agbɛnɛ miina nii.”

Romabii 8:3

Ejaakɛ nɔ ni Mla lɛ nyɛɛɛ afee yɛ gbedemɔ ni heloo lɛ ehã egbede hewɔ lɛ, no Nyɔŋmɔ fee: etsu lɛ diɛŋtsɛ eBi lɛ yɛ su ni tamɔ esha heloo su mli, yɛ esha hewɔ; ni ebu esha lɛ fɔ yɛ heloo lɛ mli,

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Yoshua 7:19

Kɛkɛ ni Yoshua kɛɛ Akan akɛ, “Mibi, wo Yehowa, Israel Nyɔŋmɔ lɛ, hiɛ nyam, ni asaŋ jiemɔ eyi. Jajemɔ otsɔ̃ɔ mi nɔ ni ofee; kaashiu mi sane nɔ.”

Kpojiemɔ 11:13

Ni nakai ŋmɛlɛtswaa lɛ nɔ nɔŋŋ lɛ shikpɔŋ hoso waa, ni maŋ lɛ mlijai nyɔŋma mli ekome wule, ni shikpɔŋ hosomɔ lɛ mli lɛ agbe gbɔmɛi akpei kpawo, ni mɛi ni shwɛ lɛ she gbeyei, ni amɛkɛ anunyam hã ŋwɛi Nyɔŋmɔ lɛ.