Yohane 9:22 - ŊMALƐ KRƆŊKRƆŊ LƐ

²² Efɔlɔi lɛ kɛɛ enɛ, ejaakɛ amɛmiishe Yudafoi lɛ agbeyei; shi Yudafoi lɛ ekpãŋ eto akɛ, kɛji mɔ ko gba mli kpoo kɛɛ Yesu ji Kristo lɛ, abaashwie mɔ lɛ kɛjɛ kpeehe lɛ.

Ṅmãle̱ Kroṅkroṅ Le̱

²² Efo̱lo̱i le̱ kē̱ ene̱, edšake̱ *ame̱mīše Iudafoi le̱ agbeyei; ši Iudafoi le̱ ékpãṅ éto ake̱, ke̱dši moko gba mli kē̱ ake̱, le̱ dši Kristo le̱, †abaſiele̱ ke̱-dše̱ kpēhe le̱. *7,13. †12,42.

Yohane 9:22 ပူးပေါင်းရင်းမြစ်များ

Abe̱i 29:25

Gbɔmɔ gbeyeishemɔ lɛ, etsɔ̃ɔ tsɔne ehãa mɔ; shi mɔ ni kɛ ehiɛ fɔ̃ɔ Yehowa nɔ lɛ, eyɛ shweshweeshwe.

Yesaia 51:12

Yehowa miikɛɛ akɛ, “Mi mishɛjeɔ nyɛmii! Mɛɛba osheɔ adesa ni baagbo, adesa ni etamɔ jwɛi gbeyei,

Yesaia 51:7

“Nyɛ mɛi fɛɛ ni le nɔ ni ji jalɛ, nyɛboa toi, nyɛ maŋbii ni mimla lɛ yɔɔ nyɛtsuiiaŋ, nyɛkashea adesa dɛŋ ahorabɔɔ gbeyei! Asaŋ nyɛtsuii akafãa yɛ limɔ ni aaali nyɛ hewɔ.

Yesaia 57:11

“Namɔ gbeyei oshe, ni otsui fã, hewɔ ni omale, ni okaiii mi, ni oyasusuuu mihe lɛ? Aso diŋŋ ni mifee ni miŋamɔ mihiŋmɛii nɛɛ lɛ hewɔ ni osheee mi gbeyei lɛ?

Luka 6:22

“Ajɔɔ nyɛ, kɛji mɛi nyɛ nyɛ, ni amɛkɛ nyɛ tserɛ mli, ni amɛjɛ nyɛ ni amɛgbe nyɛgbɛi akɛ gbɛi fɔ̃ŋ yɛ Gbɔmɔ Bi lɛ hewɔ lɛ.

Yohane 1:19

Ni enɛ ji Yohane odase ni eye be ni Yudafoi lɛ tsu osɔfoi kɛ Levibii kɛjɛ Yerusalɛm ni amɛbabi lɛ akɛ, “Namɔ ji bo?” lɛ.

Yohane 16:2

Amɛaashwie nyɛ kɛaajɛ kpeehei lɛ. Ni be baaba tete, ni mɔ fɛɛ mɔ ni gbeɔ nyɛ lɛ aaasusu akɛ ekɛmiija Nyɔŋmɔ.

Yohane 19:38

Nii nɛɛ asɛɛ lɛ, Yosef ni jɛ Arimatia ni ji Yesu kaselɔ shi Yudafoi lɛ ashemɔ hewɔ lɛ ejieee ehe shi lɛ, yabi Pilato koni ehã eyajie Yesu gbonyo lɛ; ni Pilato ŋmɛ lɛ gbɛ. No hewɔ lɛ, etee ni eyajie Yesu gbonyo lɛ kɛtee.

Yohane 20:19

Kɛkɛ lɛ nakai gbi lɛ ni ji otsi lɛ klɛŋklɛŋ gbi lɛ nɔŋŋ gbɛkɛ, be ni Yudafoi lɛ ashemɔ hewɔ lɛ aŋamɔ shinai he ni kaselɔi lɛ ebua amɛhe naa yɛ lɛ Yesu ba ni ebadamɔ amɛteŋ ni ekɛɛ amɛ akɛ “Hejɔlɛ ahã nyɛ!”

Yohane 7:13

Tsɛbelɛ mɔ ko ejeee faŋŋ ewieee ehe yɛ Yudafoi lɛ ashemɔ hewɔ.

Yohane 9:18

Shi Yudafoi lɛ heee yeee akɛ shwilafo ji lɛ sa ni agbɛnɛ enaa nii nɛɛ, kɛyashi beyinɔ ni amɛyatsɛ efɔlɔi

Yohane 9:21

shi bɔ ni fee ni enaa nii agbɛnɛ nɛɛ, wɔleee, asaŋ mɔ ni gbele ehiŋmɛii lɛ hu wɔleee; eda, nyɛbia lɛ; lɛ diɛŋtsɛ ebaawie ehã ehe.”

Yohane 9:34

Amɛhere nɔ ni amɛkɛɛ lɛ akɛ, “Bo lɛ, esha mli kwraa afɔ bo yɛ, ni bo moŋ otsɔ̃ɔ wɔ nii nɛɛ?” Ni amɛshwie lɛ.

Yohane 9:35

Yesu nu akɛ amɛshwie lɛ; ni be ni ena lɛ lɛ, ebi lɛ akɛ, “Oohe Nyɔŋmɔ Bi lɛ nɔ ooye lo?”

Bɔfoi 4:18

Ni amɛtsɛ amɛ kɛba, ni amɛwo amɛ kitã akɛ amɛkatsi tã ni amɛkatsɔ̃ɔ nii yɛ Yesu gbɛi mli kwraa dɔŋŋ.

Bɔfoi 5:13

Shi mɛi ni eshwɛ lɛ ateŋ mɔ ko mɔ ko ekaaa akɛ ekɛ yiŋ flɛflɛ aaayakpɛtɛ amɛhe, shi maŋ lɛ buɔ amɛ naakpa.

Bɔfoi 5:40

Ni amɛbo lɛ toi, ni amɛtsɛ bɔfoi lɛ kɛba, ni amɛyi amɛ, ni amɛwo amɛ kitã akɛ amɛkawie yɛ Yesu gbɛi lɛ mli; ni amɛŋmɛɛ amɛhe.

Kpojiemɔ 21:8

Shi gbeyelɔi kɛ mɛi ni heee yeee kɛ mɛi ni feɔ nihiinii kɛ gbɔmɔgbelɔi kɛ ajwamãŋbɔlɔi kɛ sulɔi kɛ wɔŋjalɔi kɛ amalelɔi fɛɛ lɛ, amɛna amɛgbɛhe yɛ kpaakpo lɛ ni tsoɔ kɛ la kɛ swɔɔ lɛ mli. Enɛ ji gbele ni ji enyɔ lɛ.”