Yohane 8:9 - ŊMALƐ KRƆŊKRƆŊ LƐ

⁹ Be ni amɛnu nɔ ni ekɛɛ lɛ, amɛbɔ̃i kpojee ekomekome, kɛjɛ klɛŋklɛŋ mɔ nɔ kɛyashi sɛɛkpee mɔ nɔ, ni bashwɛ Yesu kome kɛkɛ kɛ yoo lɛ ni edãmɔ te lɛ mli.

Ṅmãle̱ Kroṅkroṅ Le̱

⁹ Ši ame̱ le̱, beni amenu ni *ame̱henilē kãame̱ le̱, ame̱bõi kpodšē ekomekome ke̱-dše̱ ame̱teṅ onukpa no̱ ke̱-yaši se̱kpēmo no̱, ni baſe̱ Iesu kome ke̱ yō le̱ ní edamo̱ te le̱ṅ. *Rom. 2,22.

Yohane 8:9 ပူးပေါင်းရင်းမြစ်များ

1 Maŋtsɛmɛi 17:18

Kɛkɛ ni yoo lɛ kɛɛ Elia akɛ, “Ao Nyɔŋmɔ gbɔmɔ, mɛni mifee bo! Obato mi koni akai efɔŋ ni mifee, koni agbe mibinuu lɛ lo?”

1 Maŋtsɛmɛi 2:44

Maŋtsɛ lɛ kɛɛ Shimei akɛ, ‘Ole efɔŋ fɛɛ ni ohiɛ kã he ni ofee mitsɛ David lɛ, no hewɔ lɛ, Yehowa ahã efɔŋ ni ofee lɛ aku sɛɛ abua bo diɛŋtsɛ oyiteŋ.

Hiob 20:27

Ŋwɛi aaajie enifɔɔji anii kpo etsɔ̃ɔ, ni je lɛ aaate shi awo lɛ.

Hiob 20:5

akɛ efɔŋfeelɔi anyamɔ sɛɛ etsɛɛɛ, ni mɛi ni sheee Nyɔŋmɔ gbeyei amiishɛɛ yeɔ hiŋmɛitswaa kɛkɛ!

Lalai 40:14

Mɛi ni taoɔ mihiɛ akpãtã lɛ, hã amɛhiɛ agboi; ni amɛhiɛ ashwie shi. Mɛi ni taoɔ mi awui aye lɛ, hã amɛku amɛsɛɛ ni amɛheguɔ agbo.

Lalai 50:21

Enɛɛmɛi ofee, shi akɛni mifee dioo hewɔ lɛ, osusuɔ akɛ mitamɔ bo nɔŋŋ. Shi agbɛnɛ lɛ, miikã ohiɛ, ni mikɛmiimamɔ ohiɛ faŋŋ.

Lalai 71:13

Hã mɛi ni foɔ sane fɔ̃ɔ minɔ lɛ ahiɛ agboi, ni amɛhiɛ akpãtã. Mɛi ni taoɔ mi efɔŋ lɛ, hã amɛhiɛ ashwie shi, ni amɛhe guɔ agbo;

Jajelɔ 7:22

ole yɛ bo diɛŋtsɛ oyitsoŋ akɛ bo hu olomɔ mɛi komɛi shii abɔ pɛŋ.

Luka 13:17

Ni be ni ewie nɛkɛ lɛ, ehenyɛlɔi lɛ fɛɛ ahiɛ gboi, ni asafo lɛ fɛɛ na miishɛɛ yɛ anunyam nibii ni efee lɛ fɛɛ hewɔ.

Yohane 8:10

Shi be ni Yesu wo ehe nɔ ni enaaa mɔ ko akɛ ja yoo lɛ kɛkɛ lɛ, ebi lɛ akɛ, “Awo, nɛgbɛ onaafolɔlɔi lɛ yɔɔ, Ani mɔ ko ebuko bo fɔ?”

Yohane 8:12

Kɛkɛ ni Yesu kɛ amɛ wie ekoŋŋ ekɛɛ, “Mi ji je lɛ mli la lɛ. Mɔ ni nyiɛɔ misɛɛ lɛ, enyiɛŋ duŋ mli gbi ko gbi ko, shi moŋ eeena wala la lɛ.”

Yohane 8:2

Ni leebi maaŋkpa lɛ eba Sɔlemɔ we lɛ ekoŋŋ, ni maŋ lɛ fɛɛ ba eŋɔɔ, ni eho eta shi etsɔ̃ɔ amɛ nii.

Yohane 8:3

Ni mlatsɔɔlɔi lɛ kɛ Farisifoi lɛ ŋɔ yoo ko ni amɔ lɛ yɛ gbãlãfitemɔ mli kɛba eŋɔɔ, ni amɛhã edamɔ teŋ,

Yohane 8:8

Ni esaa ekoto shi ekoŋŋ, ni eŋma nii yɛ shikpɔŋ.

Romabii 2:15

Amɛnifeemɔnii tsɔ̃ɔ akɛ aŋma Mla lɛ nitsumɔ lɛ yɛ amɛtsuii amli, ni amɛhenilee hu yeɔ odase, ni amɛjwɛŋmɔ folɔɔ amɛnaa kɛ amɛfee nɔ ni ehiii aloo ejieɔ amɛnaa kɛ amɛfee nɔ ni hi.

Romabii 2:22

okɛɔ akɛ akafite gbãlã, shi ofiteɔ gbãlã; ohiɔ amãgãi, shi ojuɔ Sɔlemɔ we lɛ nii.

1 Yohane 3:20

Kɛji wɔtsui buɔ wɔ fɔ lɛ, Nyɔŋmɔ da fe wɔtsui, ni ele nii fiaa.