Yohane 8:55 - ŊMALƐ KRƆŊKRƆŊ LƐ

⁵⁵ ni nyɛleko lɛ, shi mi lɛ mile lɛ; ni kɛji mikɛɛ akɛ mileee lɛ lɛ, matsɔ̃ amalelɔ tamɔ nyɛ; shi mile lɛ, ni miyeɔ ewiemɔ nɔ.

Ṅmãle̱ Kroṅkroṅ Le̱

⁵⁵ ni *nyeyokole̱, ši mi le̱ milele̱; ni ke̱dši mikē̱ ake̱ mileele̱ le̱, matšṍ amalelo̱ tamo̱nye; ši milele̱, ni miyeo̱ ewiemo̱ no̱. *7,28.

Yohane 8:55 ပူးပေါင်းရင်းမြစ်များ

Yeremia 4:22

Ejaakɛ kwashiai ji miwebii lɛ, amɛleee nii; bii kwashiai ji amɛ, amɛbɛ jwɛŋmɔ. Amɛhe esa kɛ efɔŋfeemɔ shi ekpakpafeemɔ ebɔ amɛ.

Yeremia 9:3

Amɛlilɛi edɔrɔ tamɔ gãitso; amale ehe shi waa yɛ shikpɔŋ lɛ nɔ fe anɔkwayeli moŋ. “Amɛjɛɔ nɔ fɔŋ kome he kɛyaa ekroko he, ni amɛleee mi po.” Yehowa kɛɛ.

Hosea 5:4

“Amɛnifeemɔnii hewɔ lɛ amɛnyɛɛɛ amɛsɛɛ amɛku kɛba amɛNyɔŋmɔ lɛ ŋɔɔ, ejaakɛ ajwamãŋbɔɔ mumɔ ebote amɛmli, ni no hewɔ lɛ, amɛleee mi, Yehowa dɔŋŋ.

Mateo 11:27

MiTsɛ etu nii fɛɛ ewo midɛŋ; ni mɔ ko mɔ ko leee Bi lɛ, akɛ ja Tsɛ lɛ kɛkɛ, asaŋ Tsɛ lɛ hu, mɔ ko mɔ ko leee lɛ, akɛ ja Bi lɛ, kɛ mɔ ni Bi lɛ sumɔɔ akɛ ejieɔ lɛ kpo etsɔ̃ɔ lɛ lɛ.”

Luka 10:22

“MiTsɛ etu nii fɛɛ ewo midɛŋ, ni mɔ ko leee mɔ ni ji Bi lɛ, ja Tsɛ lɛ, kɛ mɔ ni ji Tsɛ lɛ hu, ja Bi lɛ kɛ mɔ ni Bi lɛ sumɔɔ akɛ ejie lɛ kpo etsɔ̃ɔ lɛ.”

Yohane 1:18

Nyɔŋmɔ lɛ, mɔ ko enako lɛ pɛŋ; Bi koome ni yɔɔ Tsɛ lɛ mlishi lɛ, lɛ ebajie lɛ shi etsɔ̃ɔ faŋŋ.

Yohane 10:15

tamɔ bɔ ni Tsɛ lɛ le mi, ni mi hu mile Tsɛ lɛ. Ni mikɛ miwala ŋmɛɔ shi yɛ toi lɛ anajiaŋ.

Yohane 15:10

Kɛji nyɛye mikitãi lɛ anɔ lɛ, nyɛaahi misuɔmɔ lɛ mli, tamɔ bɔ ni miye miTsɛ kitãi lɛ anɔ ni mihiɔ esuɔmɔ lɛ mli lɛ.

Yohane 15:21

Shi amɛkɛ enɛɛmɛi fɛɛ aaafee nyɛ yɛ migbɛi lɛ hewɔ; ejaakɛ amɛleee mɔ ni tsu mi lɛ.

Yohane 16:3

Ni amɛaafee enɛɛmɛi, ejaakɛ amɛleee Tsɛ lɛ ni amɛleee mi hu.

Yohane 17:25

Ataa Jalɔ, je lɛ leee bo, shi mi lɛ mile bo, ni mɛnɛɛmɛi le akɛ bo otsu mi;

Yohane 6:46

Jeee akɛ mɔ ko ena Tsɛ lɛ pɛŋ, ja mɔ ni jɛ Nyɔŋmɔ ŋɔɔ lɛ; lɛ ena Tsɛ lɛ.

Yohane 8:19

Kɛkɛ ni amɛbi lɛ akɛ, “Nɛgbɛ oTsɛ lɛ yɔɔ?” Yesu here nɔ akɛ, “Nyɛleee mi ni nyɛsaa nyɛleee miTsɛ; nyɛle mi jikulɛ, nyɛaale miTsɛ hu.”

Yohane 8:29

Ni mɔ ni tsu mi lɛ kɛ mi yɛ; Tsɛ lɛ shiko mi kome, ejaakɛ mi lɛ nɔ ni sa ehiɛ mifeɔ daa.”

Yohane 8:44

Nyɛ lɛ nyɛtsɛ ni nyɛjɛ emli ji abonsam, ni nyɛtsɛ lɛ suɔmɔnaanii nyɛsumɔɔ akɛ nyɛfee. Lɛ lɛ gbɔmɔgbelɔ ji lɛ kɛjɛ teteete, ni ekɛ anɔkwale lɛ bɛ sane ko, ejaakɛ anɔkwale bɛ emli. Kɛ eemale lɛ, esu ni, ejaakɛ amalelɔ kɛ ablatsɛ ji lɛ.

Yohane 8:51

Anɔkwale mikɛɔ nyɛ akɛ, kɛji mɔ ko ye miwiemɔ lɛ nɔ lɛ, enaŋ gbele kɛaatee naanɔ.”

Yohane 8:52

Kɛkɛ ni Yudafoi lɛ kɛɛ lɛ akɛ, “Kpaako wɔna wɔle akɛ mumɔ fɔŋ yɛ omli. Abraham gbo, ni gbalɔi lɛ hu gboi, ni bo lɛ okɛɔ akɛ, ‘Kɛji mɔ ko ye miwiemɔ lɛ nɔ lɛ, esaŋ enaa gbele gbi ko gbi ko kɛaatee naanɔ.’

Bɔfoi 17:23

Ejaakɛ be ni mihoɔ ni mikwɛ nii ni nyɛjaa lɛ, mina afɔleshãa latɛ ko hu ni aŋma yɛ nɔ akɛ, ‘Nyɔŋmɔ ni aleee lɛ nɔŋ.’ No hewɔ lɛ, mɔ ni nyɛleee lɛ ni kɛ̃ lɛ nyɛjaa lɛ lɛ, lɛ nɔŋŋ ehe sane mijajeɔ mitsɔ̃ɔ nyɛ nɛɛ.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

1 Yohane 1:6

Kɛji wɔkɛɛ akɛ wɔkɛ lɛ miibɔ naanyo ni wɔnyiɛɔ duŋ lɛ mli lɛ, wɔmiimale ni wɔyeee anɔkwa.

1 Yohane 2:22

Namɔ ji amalelɔ, kɛjeee mɔ ni kɛɔ akɛ Yesu jeee Kristo lɛ? Mɔ ni kwaa Tsɛ lɛ kɛ Bi lɛ, lɛ ji Kristo henyɛlɔ lɛ,

1 Yohane 2:4

Mɔ ni kɛɔ akɛ, “Mile lɛ,” ni eyeee ekitãi lɛ anɔ lɛ, amalelɔ ji lɛ, ni anɔkwale lɛ bɛ emli.

1 Yohane 5:10

Mɔ ni heɔ Nyɔŋmɔ Bi lɛ eyeɔ lɛ, eyɛ odase yɛ lɛ diɛŋtsɛ emli, mɔ ni heee Nyɔŋmɔ eyeee lɛ, ehã Nyɔŋmɔ etsɔ̃ amalelɔ, ejaakɛ eheko odase ni Nyɔŋmɔ ye yɛ eBi lɛ he lɛ eyeko.

Kpojiemɔ 3:9

Naa, mikɛ mɛi ni jɛ Satan kpeehe lɛ ni kɛɔ akɛ Yudafoi ji amɛ shi ebɛ mli, shi malemɔ moŋ amɛmaleɔ lɛ aaaba ni amɛbakoto onaji anaa, ni amɛle akɛ mi lɛ miisumɔ bo.