Yohane 8:44 - ŊMALƐ KRƆŊKRƆŊ LƐ

⁴⁴ Nyɛ lɛ nyɛtsɛ ni nyɛjɛ emli ji abonsam, ni nyɛtsɛ lɛ suɔmɔnaanii nyɛsumɔɔ akɛ nyɛfee. Lɛ lɛ gbɔmɔgbelɔ ji lɛ kɛjɛ teteete, ni ekɛ anɔkwale lɛ bɛ sane ko, ejaakɛ anɔkwale bɛ emli. Kɛ eemale lɛ, esu ni, ejaakɛ amalelɔ kɛ ablatsɛ ji lɛ.

Ṅmãle̱ Kroṅkroṅ Le̱

⁴⁴ Nye le̱ *nyetše̱ ní nyedše̱ emli dši abonsam, ni nyetše̱ le̱ tšinebānii nyesumoo̱ ake̱ nyefe. Le̱ le̱ †gbomogbelo̱ dšile̱ ke̱-dše̱ tetēte, ni **edamo̱o̱ ano̱kwale le̱ mli, edšake̱ ano̱kwale be̱ emli. Ké̱ ēmale le̱, le̱dientše̱ enii ahe ewieo̱, edšake̱ amalelo̱ ke̱ malemo̱tše̱ dšile̱. *1 Ioh. 5,8-10. †1 Mose 3,4. **2 Pet. 2,4.

Yohane 8:44 ပူးပေါင်းရင်းမြစ်များ

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

1 Maŋtsɛmɛi 22:22

Ni Yehowa bi lɛ akɛ, “Yɛ mɛɛ gbɛ nɔ?” Mumɔ lɛ to he ekɛɛ, “Maya, ni mibatsɔ̃ amale mumɔ yɛ gbalɔi lɛ fɛɛ anaa.” Kɛkɛ ni Yehowa kɛɛ akɛ, “Yaa koni oyalaka lɛ; onine baashɛ enɔ.”

1 Kronika 21:1

Yɛ mli aahu lɛ, satan te shi ewo Israel, ni ewo David yiŋ akɛ ekane Israel yikulɛ.

Hiob 1:11

Shi agbɛnɛ bo lɛ kpã onine mli ofite enii ni eyɔɔ lɛ, koni okwɛ akɛ ekwaŋ bo yɛ ohiɛ lo.”

Mateo 12:34

Nyɛ shinɔi ashwiei! Te aaafee tɛŋŋ ni nyɛ mɛi ni nyɛ ji mɛi fɔ̃ji lɛ, ni nyɛaanyɛ ekpakpa nyɛwieŋ? Ejaakɛ nɔ ni eyi tsui obɔ kɛteke nɔ lɛ, no nɔŋŋ naabu wieɔ.

Mateo 13:15

Ejaakɛ nɛkɛ maŋ nɛɛ tsui ekpliŋ, ni amɛtoii ewa, ni amɛŋamɔ amɛhiŋmɛii; koni amɛkana kɛ amɛhiŋmɛii, ni amɛkanu kɛ amɛtoii, ni amɛtsui hu akana shishi, ni amɛkpale ni mitsa amɛ.’

Mateo 13:38

ŋmɔ lɛ ji je lɛ; wui kpakpai lɛ ji maŋtsɛyeli lɛ mli bii lɛ; jwɛi lɛ ji mɔ fɔŋ lɛ bii lɛ;

Yohane 6:70

Yesu here amɛ nɔ akɛ, “Ani jeee nyɛyi nyɔŋma kɛ enyɔ mihala? Shi nyɛteŋ mɔ kome lɛ abonsam ni!”

Yohane 7:17

Kɛji mɔ ko miisumɔ akɛ efee esuɔmɔnaanii lɛ, ebaayoo yɛ tsɔ̃ɔmɔ lɛ he akɛ Nyɔŋmɔ dɛŋ jɛ aloo mi diɛŋtsɛ miyiŋ mitoɔ miwieɔ.

Yohane 8:38

Mi lɛ, nɔ ni mina yɛ miTsɛ he lɛ, no miwieɔ; ni nyɛ hu, nɔ ni nyɛnu yɛ nyɛtsɛ naa lɛ, no nyɛfeɔ.”

Yohane 8:41

Nyɛ lɛ, nyɛtsɛ nitsumɔi nyɛtsuɔ lɛ.” Kɛkɛ lɛ amɛkɛɛ lɛ akɛ, “Wɔ lɛ afɔɔɔ wɔ yɛ ajwamãŋbɔɔ mli; Tsɛ kome wɔyɔɔ, lɛ ji Nyɔŋmɔ.”

Yohane 8:55

ni nyɛleko lɛ, shi mi lɛ mile lɛ; ni kɛji mikɛɛ akɛ mileee lɛ lɛ, matsɔ̃ amalelɔ tamɔ nyɛ; shi mile lɛ, ni miyeɔ ewiemɔ nɔ.

Bɔfoi 13:10

ni ekɛɛ, “Ao, bo abonsam bi ni shishiumɔ kɛ kutumpɔo fɛɛ eyi bo obɔ̃, bo jalɛ fɛɛ henyɛlɔ, aso ofɔŋ Nuŋtsɔ lɛ gbɛi trɔmɔi lɛ akɔdɔmɔ̃?

Bɔfoi 24:9

Ni Yudafoi lɛ hu ká mli wao ni amɛkɛɛ akɛ saji nɛɛ yɛ mli nakai.

Bɔfoi 5:3

Shi Petro kɛɛ, “Anania, mɛɛba Satan yi otsuiŋ obɔ̃, ni omale otsɔ̃ɔ Mumɔ Krɔŋkrɔŋ lɛ, ni okɛ shikpɔŋ lɛ yinii lɛ eko to sɛɛ?

2 Korintobii 11:3

Shi miishe gbeyei akɛ aleenɔ, tamɔ bɔ ni onufu lɛ kɛ ekutumpɔo lɛ laka Hawa lɛ, nakai nɔŋŋ aaafite nyɛ hu nyɛjwɛŋmɔ ni nyɛŋmɛɛ suɔmɔ krɔŋŋ ni nyɛkɛsumɔɔ Kristo lɛ he.

1 Petro 5:8

Nyɛhiɛ akãa shi, nyɛsaraa ejaakɛ nyɛhenyɛlɔ, abonsam lɛ, nyiɛ tamɔ jata ni huɔ eetao mɔ ko emi.

2 Petro 2:4

Ejaakɛ kɛji Nyɔŋmɔ kɛ bɔfoi ni fee esha lɛ ahe ekeee amɛ, shi moŋ etsi amɛ ewo gbohiiaje bu kɛ emli duŋ lɛ mli, ni eŋɔ amɛ ehã akɛ akɛ amɛ ato ahã kojomɔ,

1 Yohane 1:8

Kɛji wɔkɛɛ akɛ esha ko bɛ wɔhe lɛ, wɔ diɛŋtsɛ wɔhe wɔshishiuɔ, ni anɔkwale lɛ bɛ wɔmli.

1 Yohane 2:21

Jeee akɛ nyɛleee anɔkwale lɛ hewɔ miŋma nyɛ nɛɛ, shi moŋ akɛ nyɛle, ni nyɛle akɛ amale komeflo jɛɛɛ anɔkwale lɛ mli.

1 Yohane 2:4

Mɔ ni kɛɔ akɛ, “Mile lɛ,” ni eyeee ekitãi lɛ anɔ lɛ, amalelɔ ji lɛ, ni anɔkwale lɛ bɛ emli.

1 Yohane 3:12

Jeee tamɔ Kain ni jɛ mɔ fɔŋ lɛ mli ni egbe enyɛmi lɛ. Ni mɛɛ hewɔ egbe lɛ? Ejaakɛ enitsumɔi lɛ efɔ̃ɔji ni, shi enyɛmi lɛ nɔ lɛ ja.

1 Yohane 3:15

Mɔ fɛɛ mɔ ni nyɛɔ enyɛmi lɛ, gbɔmɔgbelɔ ji lɛ; ni nyɛle akɛ gbɔmɔgbelɔ ko gbɔmɔgbelɔ ko bɛ naanɔ wala yɛ emli.

Yuda 1:6

Ni ŋwɛi bɔfoi hu ni ehiɛɛɛ amɛnukpayeli lɛ mli, shi moŋ amɛshi amɛ diɛŋtsɛ amɛshihilɛhe lɛ, ekɛ naanɔ kpãi efimɔ amɛ eto duŋ kpii mli ehã Gbi Wulu lɛ nɔ kojomɔ lɛ.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 13:14

Ni ekɛ okadii ni ahã lɛ hegbɛ akɛ efee yɛ kooloo lɛ hiɛ lɛ shishiuɔ mɛi ni yɔɔ shikpɔŋ lɛ nɔ lɛ, ni ekɛɔ mɛi ni yɔɔ shikpɔŋ lɛ nɔ lɛ akɛ amɛfee amãgã amɛhã kooloo lɛ ni klante naa pilamɔ yɔɔ ehe ni ehiɛ kã lɛ.

Kpojiemɔ 2:10

Kaashe amanehulu ni obaana lɛ ekoeko gbeyei. Naa, abonsam baaŋɔ nyɛteŋ mɛi komɛi awo tsuŋ, koni akɛka nyɛ, ni nyɛaana amanehulu gbii nyɔŋma. Feemɔ anɔkwafo kɛyashi gbele mli, ni mahã bo wala akekre lɛ.

Kpojiemɔ 21:8

Shi gbeyelɔi kɛ mɛi ni heee yeee kɛ mɛi ni feɔ nihiinii kɛ gbɔmɔgbelɔi kɛ ajwamãŋbɔlɔi kɛ sulɔi kɛ wɔŋjalɔi kɛ amalelɔi fɛɛ lɛ, amɛna amɛgbɛhe yɛ kpaakpo lɛ ni tsoɔ kɛ la kɛ swɔɔ lɛ mli. Enɛ ji gbele ni ji enyɔ lɛ.”

Kpojiemɔ 22:15

Shi maŋ lɛ sɛɛ lɛ gbei lɛ kɛ sulɔi lɛ kɛ ajwamãŋbɔlɔi lɛ kɛ gbɔmɔgbelɔi lɛ kɛ amãgãjalɔi lɛ kɛ mɔ fɛɛ mɔ ni sumɔɔ amale ni emaleɔ yɔɔ jɛi.

Kpojiemɔ 9:11

Ni amɛnɔ maŋtsɛ ji bu kwɔŋkwɔŋ lɛ bɔfo lɛ, ni atsɛɔ egbɛi yɛ Hebri wiemɔ lɛ mli akɛ Abadon, ni Hela wiemɔ lɛ mli lɛ atsɛɔ egbɛi akɛ Apolion.