Yohane 8:42 - ŊMALƐ KRƆŊKRƆŊ LƐ

⁴² Kɛkɛ lɛ Yesu kɛɛ amɛ akɛ, “Nyɔŋmɔ ji nyɛTsɛ kulɛ, nyɛaasumɔ mi; ejaakɛ mi lɛ Nyɔŋmɔ ŋɔɔ mijɛ miba; ni asaŋ mitooo mi diɛŋtsɛ miyiŋ mibaaa, shi moŋ lɛ etsu mi.

Ṅmãle̱ Kroṅkroṅ Le̱

⁴² Ke̱ke̱ le̱ Iesu kē̱ame̱ ake̱: Nyoṅmo̱ dši nyetše̱ kũle̱, nyeasumo̱mi; edšake̱ mi le̱ Nyoṅmo̱ ṅõ midše̱ miba; ni asaṅ mitoo midientše̱ miyi mibaa, ši moṅ le̱ etšũmi.

Yohane 8:42 ပူးပေါင်းရင်းမြစ်များ

Maleaki 1:6

Yehowa, Taiatsɛ, miikɛɛ osɔfoi lɛ akɛ, “Bi woɔ etsɛ, ni tsulɔ woɔ enuŋtsɔ. Kolɛ, kɛji tsɛ ji mi lɛ, nɛgbɛ miwoo lɛ yɔɔ? Ni kɛji nuŋtsɔ hu ji mi lɛ, nɛgbɛ gbeyei ni nyɛsheɔ mi yɔɔ? Nyɛgbeɔ migbɛi lɛ he guɔ; shi nyɛkɛɔ akɛ, ‘Mɛni wɔfeɔ kɛgbeɔ ogbɛi lɛ he guɔ lɛ?’

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Yohane 12:49

Ejaakɛ mi lɛ mitooo mi diɛŋtsɛ miyiŋ miwieee; shi Tsɛ ni tsu mi lɛ, lɛ moŋ ewo mi kitã, nɔ ni mikɛɛ kɛ nɔ ni miwie.

Yohane 13:3

akɛni Yesu le akɛ Tsɛ lɛ etu nii fɛɛ ewo edɛŋ, ni Nyɔŋmɔ ŋɔɔ ejɛ, ni esaa eeya Nyɔŋmɔ ŋɔɔ lɛ,

Yohane 14:10

Ani oheee oyeee akɛ miyɛ Tsɛ lɛ mli ni Tsɛ lɛ hu yɛ mimli? Wiemɔi ni mikɛ nyɛ wieɔ lɛ, jeee mi diɛŋtsɛ miyiŋ mitoɔ miwieɔ; shi Tsɛ lɛ ni hiɔ mimli lɛ, lɛ etsuɔ enitsumɔi lɛ.

Yohane 16:30

Agbɛnɛ wɔna akɛ ole nii fɛɛ ni ehiaaa bo akɛ mɔ ko biɔ bo sane ko; enɛ wɔkɛheɔ wɔyeɔ akɛ Nyɔŋmɔ ŋɔɔ ojɛ.”

Yohane 17:25

Ataa Jalɔ, je lɛ leee bo, shi mi lɛ mile bo, ni mɛnɛɛmɛi le akɛ bo otsu mi;

Yohane 17:8

ejaakɛ wiemɔi lɛ ni okɛhã mi lɛ, mikɛhã amɛ; ni amɛmɔ mli, ni amɛna amɛle anɔkwale mli akɛ oŋɔɔ mijɛ, ni amɛhe amɛye akɛ bo otsu mi.

Yohane 3:17

Ejaakɛ Nyɔŋmɔ tsuuu eBi lɛ kɛbaaa je lɛ mli koni ebakojo je lɛ, shi moŋ koni atsɔ̃ enɔ ahere je lɛ yiwala.

Yohane 5:23

koni mɛi fɛɛ abu Bi lɛ, tamɔ bɔ ni amɛbuɔ Tsɛ lɛ. Mɔ ni ebuuu Bi lɛ, ebuuu Tsɛ lɛ ni tsu lɛ lɛ hu.

Yohane 5:43

Mi lɛ miba yɛ miTsɛ gbɛi mli, ni nyɛhereee mi; kɛji mɔ kroko ba yɛ lɛ diɛŋtsɛ egbɛi mli lɛ, lɛ lɛ nyɛaahere lɛ.

Yohane 8:14

Yesu here nɔ ekɛɛ, “Kɛ miiye mi diɛŋtsɛ mihe odase hu jiŋŋ, midase lɛ anɔkwale ni, ejaakɛ mile he ni mijɛ kɛ he ni miyaa, shi nyɛ lɛ, nyɛleee he ni mijɛ aloo he ni miyaa.

1 Korintobii 16:22

Kɛ mɔ ko sumɔɔɔ Nuŋtsɔ Yesu Kristo sane lɛ, mɔ lɛ atsɔ̃ musumɔ! Maran-ata: Nuŋtsɔ, ba.

Galatabii 4:4

Shi be ni be lɛ shɛ lɛ, Nyɔŋmɔ tsu lɛ diɛŋtsɛ eBi lɛ kɛba, yoo fɔ lɛ, eba Mla shishi;

1 Yohane 4:14

Ni wɔ lɛ wɔna ni wɔmiiye odase akɛ Tsɛ lɛ etsu eBi lɛ akɛ je lɛ yiwalaherelɔ.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.

Kpojiemɔ 22:1

Ni etsɔ̃ɔ mi walanu faa ni hiɛ kpɛlɛɔ tamɔ kristalo ni jɛ Nyɔŋmɔ kɛ Toobi lɛ maŋtsɛ sɛ̃i lɛ mli.