Yohane 8:32 - ŊMALƐ KRƆŊKRƆŊ LƐ

³² ni nyɛaale anɔkwale lɛ, ni anɔkwale lɛ aaahã nyɛye nyɛhe.”

Ṅmãle̱ Kroṅkroṅ Le̱

³² ni nyeale ano̱kwale le̱, ni ano̱kwale le̱ aahã nyeye nyehe.

Yohane 8:32 ပူးပေါင်းရင်းမြစ်များ

Lalai 119:45

ni maye mihe kɛnyiɛ, ejaakɛ otsɔ̃ɔmɔi lɛ asɛɛgbɛ mitao.

Lalai 25:5

Kplamɔ mi kɛnyiɛ onɔkwale lɛ mli, ni otsɔ̃ɔ mi nii; ejaakɛ bo ji miyiwalaheremɔ Nyɔŋmɔ lɛ. Bo onɔ mihiɛ kã daa nɛɛ.

Abe̱i 1:23

Kɛji mikã nyɛ lɛ, nyɛboa toi. Naa, mafɔse mimumɔ mawo nyɛmli, ni mahã nyɛyoo minilee wiemɔi lɛ hu.

Abe̱i 1:29

Akɛni amɛsumɔɔ nilee, ni amɛsheee Yehowa gbeyei;

Abe̱i 4:18

Shi jalɔi agbɛ lɛ etamɔ leebi la ni kpɛɔ, ni eyaa nɔ ekpɛɔ aahu kɛyashiɔ shwane.

Yesaia 2:3

Ni mɛi babaoo baakɛɛkɛɛ amɛhe akɛ, “Nyɛbaa, nyɛhãa wɔyaa Yehowa gɔŋ lɛ nɔ, ni wɔyaa Yakob Nyɔŋmɔ lɛ We lɛ, koni etsɔ̃ɔ wɔ bɔ ni etaoɔ akɛ wɔhi shi wɔhã, koni wɔba wɔjeŋ nakai, Ejaakɛ mla lɛ, Zion ebaajɛ, ni Yehowa wiemɔ lɛ, Yerusalɛm ebaajɛ.”

Yesaia 30:21

Ni ninejurɔgbɛ esa akɛ nyɛtsɔ jio, abɛkugbɛ esa akɛ nyɛtsɔ jio, nyɛtoii aaanu wiemɔ ko yɛ nyɛsɛɛgbɛ akɛ, “Gbɛ lɛ nɛ, nyɛyia nɔ!”

Yesaia 35:8

Gbɛjegbɛ aaakã jɛi, ni aaatsɛ gbɛ lɛ, “Gbɛ Krɔŋkrɔŋ.” Mɔ ko ni he tseee enyiɛŋ nɔ, ni kwashiai tete eduŋ gbɛ yɛ nɔ.

Yesaia 54:13

Yehowa diɛŋtsɛ ni baatsɔ̃ɔ omli bii lɛ nii, ni amɛbaashwere jogbaŋŋ.

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Yeremia 6:16

Kɛkɛ ni Yehowa kɛɛ akɛ, “Nyɛyadamɔa gbɛjegbɛi lɛ ahe, ni nyɛkwɛ. Nyɛbia he ni blema gbɛi ni ja lɛ ateŋ nɔ ni ji gbɛ kpakpa lɛ yɔɔ koni nyɛnyiɛ no nɔ, ni nyɛsusumai atsuii aaanyɔ amɛmli.” Shi hetoo ni amɛhã ji, “Wɔnyiɛŋ nɔ!”

Hosea 6:3

Nyɛhãa wɔbɔa mɔdɛŋ wɔlea Yehowa. Bɔ ni ŋwanejee ko bɛ he akɛ daa gbi lɛ je tsɛreɔ lɛ, nakai nɔŋŋ ŋwanejee ko bɛ he akɛ Yehowa baajie ehe kpo etsɔ̃ɔ wɔ. Ebaaba wɔŋɔɔ tamɔ Agbiɛnaa nunɛmɔ tueɔ shwieɔ shikpɔŋ lɛ nɔ lɛ.”

3 Mose 25:41

Kɛji eshɛ nakai afi lɛ nɔ lɛ, lɛ kɛ ebii kɛ hɔi fɛɛ ashi oŋɔɔ, ni amɛku amɛsɛɛ kɛya amɛwekumɛi ateŋ kɛ eseshibii anɔ mli ekoŋŋ.

Maleaki 4:2

Shi nyɛ mɛi fɛɛ ni sheɔ mi gbeyei lɛ, mihewalɛ lɛ baate shi tamɔ jalɛ hulu ahã nyɛ, ni eeetsa nyɛ. Nyɛaaje kpo kɛ nyamɔ kɛ tuumɔ tamɔ tsinabii ni agbele amɛ.

Mateo 11:29

Nyɛwoa mipã lɛ nyɛfɔ̃a nyɛnɔ, ni nyɛkasea mi; shi mihe jɔ, ni mibaa mihe shi kɛjɛ mitsui mli; ni nyɛaana hejɔɔmɔ nyɛhã nyɛsusumai lɛ.

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Yohane 1:17

Ejaakɛ Mla lɛ, Mose nɔ atsɔ̃ akɛhã; shi dromɔ kɛ anɔkwale lɛ, Yesu Kristo nɔ etsɔ̃ kɛba.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 16:13

Shi kɛji lɛ, anɔkwale Mumɔ lɛ, ena eba lɛ, eeetsɔ̃ɔ nyɛ anɔkwale lɛ fɛɛ mli gbɛ; ejaakɛ etoŋ lɛ diɛŋtsɛ eyiŋ ewieŋ; shi moŋ nɔ fɛɛ nɔ ni eeenu lɛ, no eeewie, ni nii ni baa lɛ, eeetsi tã etsɔ̃ɔ nyɛ.

Yohane 17:17

Feemɔ amɛ krɔŋkrɔŋ yɛ anɔkwale lɛ mli; owiemɔ lɛ anɔkwaleŋ.

Yohane 6:45

Aŋma yɛ gbalɔi lɛ amli akɛ, ‘Amɛ fɛɛ amɛaafee mɛi ni Nyɔŋmɔ etsɔ̃ɔ amɛ nii.’ Mɔ fɛɛ mɔ ni enu enɛ yɛ Tsɛ lɛ naa ni ekase hu lɛ, ebaa miŋɔɔ.

Yohane 7:17

Kɛji mɔ ko miisumɔ akɛ efee esuɔmɔnaanii lɛ, ebaayoo yɛ tsɔ̃ɔmɔ lɛ he akɛ Nyɔŋmɔ dɛŋ jɛ aloo mi diɛŋtsɛ miyiŋ mitoɔ miwieɔ.

Yohane 8:36

No hewɔ lɛ, kɛji Bi lɛ hã nyɛye nyɛhe lɛ, no nyɛaaye nyɛhe lɛɛlɛŋ.

Romabii 6:22

Shi agbɛnɛ lɛ, ni akpɔ̃ nyɛ yɛ esha dɛŋ ni nyɛtsɔ̃mɔ Nyɔŋmɔ tsuji nɛɛ, nɔ ni nyɛnaa kɛjɛɔ mli ji krɔŋkrɔŋfeemɔ, ni enaagbee ji naanɔ wala.

Romabii 8:15

Ejaakɛ jeee nyɔŋ mumɔ nyɛna ni aaahã nyɛshe gbeyei ekoŋŋ, shi moŋ Mumɔ ni hãa mɛi tsɔ̃mɔɔ bii ni hãa wɔboɔ wɔtsɛɔ Nyɔŋmɔ akɛ, “Aba! Ataa!” lɛ.

Romabii 8:2

Ejaakɛ mumɔ mla ni hãa wala yɛ Kristo Yesu mli lɛ ekpɔ̃ mi yɛ esha kɛ gbele mla lɛ dɛŋ.

1 Korintobii 7:22

Shi mɔ ni atsɛ lɛ yɛ Nuŋtsɔ lɛ mli ni eji nyɔŋ lɛ, Nuŋtsɔ lɛ odehe ni; nakai nɔŋŋ kɛ mɔ ni atsɛ lɛ ni eji odehe lɛ, Kristo nyɔŋ ni.

Galatabii 5:1

Kristo ehã wɔye wɔhe, no hewɔ lɛ, nyɛdamɔa shi shiŋŋ, ni nyɛkahãa abɔa nyɛ nyɔŋyeli apã lɛ dɔŋŋ.

Galatabii 5:13

Ejaakɛ heyeli mli atsɛ nyɛ kɛba, anyɛmimɛi; shi nyɛheyeli lɛ kɛkɛ ni nyɛkahãa etsɔ̃a hegbɛ ehã heloo lɛ taomɔnii, shi moŋ nyɛtsɔa suɔmɔ nɔ nyɛsɔ̃mɔsɔ̃mɔa nyɛhe.

2 Timoteo 3:7

Yei ni kaseɔ nii daa, shi kɛ̃lɛ amɛnyɛɛɛ amɛshɛ anɔkwale lɛ he lɛ.

Yakobo 1:25

Shi mɔ ni kwɛɔ heyeli mla ni hi kɛwula shi lɛ fitsofitso ni ekãa he efeɔ ni ejeee mɔ ni nuɔ ni ehiɛ kpaa nɔ, shi moŋ etsuɔ he nii lɛ, nakai mɔ lɛ aaajɔɔ lɛ yɛ efeemɔ lɛ mli.

Yakobo 2:12

Nyɛwiea ni nyɛfea nyɛnii akɛ mɛi ni heyeli mla akɛbaakojo amɛ.

1 Petro 2:16

akɛ mɛi ni eye amɛhe, shi jeee mɛi ni nyɛkɛ nyɛheyeli lɛ aaafee efɔŋ nɔhaanɔ, shi moŋ akɛ Nyɔŋmɔ tsuji.

2 Yohane 1:1

Onukpa lɛ ŋma yahã Awula ni ahala lɛ kɛ ebii lɛ, mɛi ni misumɔɔ yɛ anɔkwale mli lɛ, ni jeee mi kome kɛkɛ, shi mɛi fɛɛ hu ni le anɔkwale lɛ