Yohane 8:29 - ŊMALƐ KRƆŊKRƆŊ LƐ

²⁹ Ni mɔ ni tsu mi lɛ kɛ mi yɛ; Tsɛ lɛ shiko mi kome, ejaakɛ mi lɛ nɔ ni sa ehiɛ mifeɔ daa.”

Ṅmãle̱ Kroṅkroṅ Le̱

²⁹ Ni moni tšũmi le̱ ke̱mi ye̱, tše̱ le̱ *šĩko mikome, edšake̱ mi le̱, noni sa ehīe mifeo dã. *K. 16.

Yohane 8:29 ပူးပေါင်းရင်းမြစ်များ

Yesaia 42:1

Yehowa kɛɛ akɛ, “Naa mitsulɔ, mɔ ni mihiɛ emli, mɔ ni miŋɔ lɛ, ni minaa ehe tsuijurɔ lɛ. Mihã eyi obɔ̃ kɛ mimumɔ lɛ, Ebaahã majimaji lɛ ale nɔ ni ji jalɛ saneyeli.

Yesaia 42:21

Esa Yehowa hiɛ, yɛ ejalɛ lɛ hewɔ akɛ egbala mla lɛ mli koni ehã mla lɛ hiɛ aba nyam.

Yesaia 42:6

“Mi ji Yehowa; mi mitsɛ bo yɛ jalɛ naa. Mimɔ onine mli, ni mibaa oyi; miŋɔ bo mifee kpãŋmɔ mihã maŋ lɛ kɛ la hã majimaji lɛ,

Mateo 17:5

Be ni ewieɔ lolo lɛ, naa, atatu halaŋŋ ko bakete amɛnɔ, ni gbee ko jɛ atatu lɛ mli kɛɛ, “Mɔ nɛ ji misuɔmɔ Bi ni minaa ehe tsui lɛ; nyɛboa lɛ toi!”

Mateo 3:15

Shi Yesu here nɔ ekɛɛ lɛ akɛ, “Kpɛlɛ̃mɔ kɛkɛ, ejaakɛ nɛkɛ sa akɛ wɔgbeɔ jalɛ fɛɛ naa.” Kɛkɛ ni ekpɛlɛ̃.

Mateo 3:17

Ni naa, gbee ko jɛ ŋwɛi kɛɛ, “Mɔ nɛ ji misuɔmɔ Bi ni mina ehe tsui lɛ.”

Yohane 14:31

shi bɔ ni afee ni je lɛ ana ale akɛ miisumɔ Tsɛ lɛ, ni bɔ ni Tsɛ lɛ wo mi kitã lɛ nakai mifeɔ lɛ. Nyɛtea shi, nyɛhãa wɔjea biɛ wɔyaa.”

Yohane 15:10

Kɛji nyɛye mikitãi lɛ anɔ lɛ, nyɛaahi misuɔmɔ lɛ mli, tamɔ bɔ ni miye miTsɛ kitãi lɛ anɔ ni mihiɔ esuɔmɔ lɛ mli lɛ.

Yohane 16:32

Naa; ŋmɛlɛtswaa lɛ miiba ni eshɛ po, ni nyɛbaagbɛ nyɛshwã ni mɔ fɛɛ mɔ aaaya emaŋ, ni nyɛaashi mi kome; shi kɛ̃lɛ jeee mi kome ni, ejaakɛ Tsɛ lɛ kɛ mi yɛ.

Yohane 17:4

Miwo ohiɛ nyam yɛ shikpɔŋ lɛ nɔ, akɛni nitsumɔ lɛ ni okɛhã mi tsumɔ lɛ, migbe naa lɛ.

Yohane 4:34

Yesu kɛɛ amɛ akɛ, “Miŋmaa ji akɛ mafee mɔ ni tsu mi lɛ suɔmɔnaanii, ni magbe enitsumɔ lɛ naa.

Yohane 5:30

“Mi diɛŋtsɛ minyɛŋ miyiŋ mato mafee nɔ ko; bɔ ni minuɔ lɛ nakai mikojoɔ, ni mikojomɔ lɛ jalɛ kojomɔ ni, ejaakɛ mitaooo nɔ ni mi diɛŋtsɛ misumɔɔ, shi moŋ nɔ ni mɔ ni tsu mi lɛ sumɔɔ.

Yohane 6:38

Ejaakɛ jeee mi diɛŋtsɛ misuɔmɔnaa nifeemɔ hewɔ mijɛ ŋwɛi miba, shi moŋ mɔ ni tsu mi lɛ suɔmɔnaa nifeemɔ hewɔŋ.

Yohane 8:16

Ni kɛ mikojoɔ tete po, mikojomɔ lɛ anɔkwale ni; ejaakɛ jeee mi kome ni, shi moŋ mi kɛ Tsɛ ni tsu mi lɛ ni.

2 Timoteo 4:17

Shi Nuŋtsɔ lɛ fi misɛɛ ni ewo mi hewalɛ, koni atsɔ̃ minɔ ashiɛ shiɛmɔ muu lɛ fɛɛ, ni jeŋmaji lɛ fɛɛ anu; ni ajie mi yɛ jata lɛ daaŋ.

2 Timoteo 4:22

Nuŋtsɔ Yesu Kristo kɛ omumɔ lɛ ahi shi! Dromɔ kɛ nyɛ ahi shi! Amen.

Hebribii 4:15

Ejaakɛ wɔsɔfonukpa ni wɔyɔɔ lɛ ejeee mɔ ni nyɛ̃ɛɛ anu wɔgbedemɔi lɛ ahe ahã wɔ, shi eji mɔ ko ni aka lɛ yɛ nibii fɛɛ agbɛfaŋ tamɔ wɔ, ni kɛ̃lɛ esha ko esha ko bɛ ehe.

Hebribii 7:26

Ejaakɛ Yesu lɛ Osɔfonukpa ni sa wɔ pɛ nɛ. Mɔ ni he tse, ni efɔŋ ko bɛ ehe, ni ehe bɛ kpa ko, ni etse ehe kɛjɛ esha he, ni awo enɔ ahã ekwɔ fe ŋwɛii.

1 Yohane 2:1

Mibii bibii, miiŋma nyɛ nii nɛɛ koni nyɛkafee esha. Ni kɛ mɔ ko fee esha jiŋŋ, wɔyɛ mlidaamɔlɔ yɛ Tsɛ lɛ ŋɔɔ, Yesu Kristo jalɔ lɛ.

1 Yohane 3:22

Ni nɔ fɛɛ nɔ ni wɔbaa lɛ lɛ, wɔnaa yɛ edɛŋ, ejaakɛ wɔyeɔ ekitãi lɛ anɔ, ni wɔfeɔ nii ni sa ehiɛ.