Yohane 8:2 - ŊMALƐ KRƆŊKRƆŊ LƐ

² Ni leebi maaŋkpa lɛ eba Sɔlemɔ we lɛ ekoŋŋ, ni maŋ lɛ fɛɛ ba eŋɔɔ, ni eho eta shi etsɔ̃ɔ amɛ nii.

Ṅmãle̱ Kroṅkroṅ Le̱

² Ni lebi mā̃ṅkpa le̱ eba so̱lemo̱we le̱ ekoṅ, ni maṅ le̱ fẽ ba eṅõ, ni eho etá ši etšõame̱ nii.

Yohane 8:2 ပူးပေါင်းရင်းမြစ်များ

Jajelɔ 9:10

Nɔ fɛɛ nɔ tsumɔ ni ooomɔ mli lɛ, tsu kɛ onyɛmɔ fɛɛ, ejaakɛ gbohiiaje he ni oyaa lɛ, nɔ ni atsɛɔ lɛ nitsumɔ loo yiŋshwiemɔ loo nilee loo jwɛŋmɔ lɛ eko bɛ jɛi.

Yeremia 25:3

“Afii nyɔŋmai enyɔ kɛ etɛ̃ nɛ, kɛjɛ Amon bi Yuda Maŋtsɛ Yosia yinɔ afi ni ji nyɔŋma kɛ etɛ̃ lɛ nɔ kɛbashi ŋmɛnɛ gbi nɛɛ nɔ lɛ, Yehowa kɛ mi wieɔ, ni mi hu mikɛɔ nyɛ be fɛɛ be nɔ ni ekɛɛ lɛ, shi nyɛbooo toi.

Yeremia 32:33

Amɛtsɔ̃ amɛsɛɛ amɛhã mi, ni amɛkwɛɛɛ mihiɛ tete; tsɛbelɛ mi diɛŋtsɛ mikã he mitsɔ̃ɔ amɛ nii aahu, shi amɛbooo toi ni amɛaakpɛlɛ̃ tsɔsemɔ.

Yeremia 44:4

Kɛ̃lɛ mitee nɔ mitsu mitsuji ni ji gbalɔi lɛ fɛɛ kɛba nyɛŋɔɔ kɛ wiemɔ akɛ, ‘Ao, nyɛkafea nɛkɛ musubɔɔnii nɛɛ ni mihiɔ lɛ.

Mateo 26:55

No ŋmɛlɛtswaa lɛ nɔ nɔŋŋ lɛ Yesu kɛɛ asafoi lɛ akɛ, “Mimɔmɔ nyɛba kɛ klante kɛ kpotii, tamɔ amɔɔ ojotswalɔ ko nɛɛ? Mitaa Sɔlemɔ we lɛ daa mitsɔ̃ɔ nii, ni nyɛmɔɔɔ mi.

Luka 21:37

Shi kɛ je tsɛre lɛ Yesu tsɔ̃ɔ nii yɛ Sɔlemɔ we lɛ, ni kɛ je na lɛ, eyaa gɔŋ ni atsɛɔ lɛ Mugɔŋ lɛ nɔ eyawɔɔ.

Luka 21:38

Ni maŋ muu lɛ fɛɛ teɔ shi leebi maaŋkpa kɛbaa eŋɔɔ amɛbaboɔ lɛ toi yɛ Sɔlemɔ we lɛ.

Luka 4:20

Ni ekota wolo lɛ ekɛhã sɔ̃ɔlɔ lɛ, ni eho eta shi, ni mɛi fɛɛ ni yɔɔ kpeehe lɛ tsu amɛhiŋmɛii amɛshwie enɔ.

Luka 5:3

Ni Yesu yabote lɛlɛ lɛ ekome ni ji Simon nɔ lɛ mli, ni ekpa lɛ fai akɛ etsi kɛya nu lɛ hiɛ fioo; ni Yesu ho eta shi, ni etsɔ̃ɔ mɛi lɛ anii kɛjɛ lɛlɛ lɛ mli.

Yohane 4:34

Yesu kɛɛ amɛ akɛ, “Miŋmaa ji akɛ mafee mɔ ni tsu mi lɛ suɔmɔnaanii, ni magbe enitsumɔ lɛ naa.

Yohane 8:20

Yesu wie wiemɔi nɛɛ yɛ nitoohe lɛ, be ni etsɔ̃ɔ nii yɛ Sɔlemɔ we lɛ; ni mɔ ko mɔɔɔ lɛ, ejaakɛ eŋmɛlɛtswaa lɛ shɛko.

Yohane 8:3

Ni mlatsɔɔlɔi lɛ kɛ Farisifoi lɛ ŋɔ yoo ko ni amɔ lɛ yɛ gbãlãfitemɔ mli kɛba eŋɔɔ, ni amɛhã edamɔ teŋ,

Bɔfoi 5:21

Ni be ni amɛnu lɛ, amɛyiŋ leebi maŋkpa amɛtee Sɔlemɔ we lɛ amɛyatsɔ̃ɔ nii. Agbɛnɛ osɔfonukpa lɛ kɛ mɛi ni kɛ lɛ yɔɔ lɛ ba ni amɛbatsɛ akwaashɔŋ lɛ kɛ Israelbii lɛ anukpai lɛ fɛɛ kɛkpe, ni amɛtsu kɛtee tsu lɛ mli koni ayajie bɔfoi lɛ kɛba.