Yohane 8:17 - ŊMALƐ KRƆŊKRƆŊ LƐ

¹⁷ Ni asaŋ nyɛmla lɛ mli hu aŋma akɛ, ‘Mɛi enyɔ odase lɛ anɔkwaleŋ.’

Ṅmãle̱ Kroṅkroṅ Le̱

¹⁷ Ni asaṅ nyemla le̱ mli hũ aṅmā ake̱: Mei enyo̱ odase le̱ ano̱kwaṅ. 1 Mose 19,15.

Yohane 8:17 ပူးပေါင်းရင်းမြစ်များ

1 Maŋtsɛmɛi 21:10

ni nyɛhãa hii yakagbɔmɛi enyɔ ataraa shi ni amɛmiikwɛ Nabot hiɛ, koni amɛye odase amɛshi lɛ akɛ, ‘Olomɔ Nyɔŋmɔ kɛ maŋtsɛ lɛ.’ Enɛ sɛɛ lɛ akpala lɛ kɛje kpo koni ayatswia lɛ tɛ ni egbo.”

4 Mose 35:30

“Mɔ fɛɛ mɔ ni akɛ sane eshi lɛ akɛ egbe gbɔmɔ lɛ, adamɔ odasefoi kɛjɛ mɛi enyɔ loo nɔ nɔ kɛyaa anaa wiemɔ nɔ akɛbu lɛ gbele fɔ. Akadamɔ odasefonyo kome too naa wiemɔ nɔ akɛbu mɔ ko gbele fɔ.

Mateo 18:16

Shi kɛji ebooo bo toi lɛ, kɛ mɔ kome loo mɛi enyɔ afata ohe, koni odasefoi enyɔ loo etɛ̃ daaŋ wiemɔ naa lɛ sane fɛɛ sane ama shi.

Yohane 10:34

Yesu here amɛ nɔ akɛ, “Ani aŋmako yɛ nyɛMla lɛ mli akɛ, ‘Mikɛɛ, nyɔŋmɔi ji nyɛ?’

Yohane 15:25

Shi afee enɛ bɔ ni afee ni wiemɔ ni aŋma yɛ amɛMla lɛ mli akɛ, ‘Amɛnyɛ mi yakatswaa’ lɛ ana aba mli.

2 Korintobii 13:1

Nyɛŋɔɔ ni mibaa nɛɛ ji nɔ ni ji shii etɛ̃. Odasefoi enyɔ loo etɛ̃ adaaŋ wiemɔ naa lɛ sane fɛɛ sane ama shi.

Galatabii 3:24

No hewɔ lɛ, Mla lɛ etsɔ̃ wɔtsɔselɔ kɛmiiya Kristo ŋɔɔ koni atsɔ̃ hemɔkɛyeli nɔ abu wɔ bem.

Galatabii 4:21

Nyɛ mɛi ni nyɛtaoɔ akɛ nyɛhi Mla shishi lɛ, nyɛkɛa mi, ani nyɛnuuu Mla lɛ lo?

5 Mose 17:6

Shi moŋ odasefoi enyɔ loo etɛ̃ odaseyeli nɔ adamɔ agbe lɛ; akadamɔ odasefonyo kome wiemɔ nɔ agbe lɛ.

5 Mose 19:15

“Akadamɔ odasefonyo kome naa wiemɔ nɔ abu mɔ ko fɔ. Esa akɛ ana odasefoi enyɔ loo etɛ̃ anaa wiemɔ dani adamɔ no nɔ kɛbu fɔ yɛ sane fɛɛ sane mli.

Hebribii 10:28

Kɛji mɔ ko kwa Mose Mla lɛ, anaaa lɛ mɔbɔ, shi mɛi enyɔ loo etɛ̃ odaseyeli naa lɛ agbeɔ lɛ.

1 Yohane 5:9

Kɛji wɔhe gbɔmɛi odase lɛ wɔye lɛ, Nyɔŋmɔ odase lɛ da fe no; ni Nyɔŋmɔ odase lɛ ji akɛ eye odase yɛ eBi lɛ he.

Kpojiemɔ 11:3

Ni mahã midasefoi enyɔ lɛ hegbɛ ni amɛgba gbii akpe kɛ ohai enyɔ kɛ nyɔŋmai ekpaa ni amɛwo kpekpe.”