Yohane 8:16 - ŊMALƐ KRƆŊKRƆŊ LƐ

¹⁶ Ni kɛ mikojoɔ tete po, mikojomɔ lɛ anɔkwale ni; ejaakɛ jeee mi kome ni, shi moŋ mi kɛ Tsɛ ni tsu mi lɛ ni.

Ṅmãle̱ Kroṅkroṅ Le̱

¹⁶ Ni ké̱ mikodšoo̱ tete dšĩṅ, mikodšomo̱ le̱ ano̱kwale ni; edšake̱ *dšee mikome ni, ši moṅ mike̱ tše̱ ni tšũmi le̱ ni. *K. 29.

Yohane 8:16 ပူးပေါင်းရင်းမြစ်များ

Lalai 98:9

ejaakɛ eeba ebaye je lɛ nɔ maŋtsɛ. Ebaakojo je lɛ yɛ jalɛ naa, ni ebaakojo gbɔmɛi bɔ ni sa pɛ.

Lalai 99:4

Maŋtsɛ Ofe ni sumɔɔ jalɛ saneyeli, ohã jalɛ saneyeli ema shi; ni aafee nɔ ni ja yɛ Israel.

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

Yohane 16:32

Naa; ŋmɛlɛtswaa lɛ miiba ni eshɛ po, ni nyɛbaagbɛ nyɛshwã ni mɔ fɛɛ mɔ aaaya emaŋ, ni nyɛaashi mi kome; shi kɛ̃lɛ jeee mi kome ni, ejaakɛ Tsɛ lɛ kɛ mi yɛ.

Yohane 8:29

Ni mɔ ni tsu mi lɛ kɛ mi yɛ; Tsɛ lɛ shiko mi kome, ejaakɛ mi lɛ nɔ ni sa ehiɛ mifeɔ daa.”

Bɔfoi 17:31

ejaakɛ eto gbi ko, no nɔ ni ebaatsɔ̃ nuu ni eto lɛ nɔ ekojo jeŋ muu lɛ fɛɛ yɛ jalɛ naa; ni ekɛ shi ni etee lɛ kɛjɛ gbohii ateŋ lɛ maa enɛ nɔ mi ehãa mɔ fɛɛ mɔ.”

Kpojiemɔ 19:11

Ni mina ni agbele ŋwɛi naa, ni mina okpɔŋɔ yɛŋ, ni mɔ ni ta nɔ lɛ atsɛɔ lɛ akɛ Anɔkwafo kɛ Anɔkwayelɔ; ni jalɛ naa ekojoɔ ni ewuɔ ta yɛ.

1 Samuel 16:7

Shi Yehowa kɛɛ Samuel akɛ, “Kaahã ehiɛŋtso loo ekwɔlɛ nyɛnyereŋŋ lɛ miilaka bo. Jeee bɔ ni gbɔmɔ adesa kwɛɔ nii Yehowa kwɛɔ nii. Gbɔmɔ adesa kwɛɔ kpo nɔ gbɛ nii ekɛyeɔ sane, shi Yehowa lɛ kwɛɔ tsuiŋ.”