Yohane 8:15 - ŊMALƐ KRƆŊKRƆŊ LƐ

¹⁵ Nyɛ lɛ nyɛkojoɔ bɔ ni gbɔmɛi kojoɔ; mi lɛ mikojooo mɔ ko.

Ṅmãle̱ Kroṅkroṅ Le̱

¹⁵ Nye le̱ nyekodšoo̱ helo nā; mi le̱ mikodšoo moko.

Yohane 8:15 ပူးပေါင်းရင်းမြစ်များ

Amos 5:7

Kpoo hã nyɛ, nyɛ mɛi ni jalɛ saneyeli joɔ hãa nyɛ tamɔ taatso, nyɛ mɛi ni nyɛkɛ jalɛ saneyeli shwishwia shikpɔŋ!

Amos 6:12

Ani okpɔŋɔ joɔ foi yɛ tɛsaa nɔ, aloo akɛ tsinahii huɔ yɛ ŋshɔ mli? Shi nyɛhã jalɛ etsɔ̃ ebɔɔ, ni jalɛ yibii etsɔ̃ taatso.

Habakuk 1:4

Ejaakɛ mla lɛ hewalɛ egbo, ni no hewɔ lɛ, ayeee jalɛ sane. Mɛi fɔ̃ji ebɔle jalɔ lɛ kɛkpe, ni no hewɔ lɛ, atsɔ̃ jalɛ sane hiɛ abu shi.”

Luka 12:14

Shi ekɛɛ lɛ akɛ, “Naanyo, namɔ womi kojolɔ loo nijalɔ yɛ nyɛnɔ?”

Yohane 12:47

Ni kɛji mɔ ko nu miwiemɔi lɛ ni eyeee nɔ lɛ, mikojooo lɛ; ejaakɛ mibaaa koni mibakojo je lɛ, shi moŋ miba koni mibahere je lɛ yiwala.

Yohane 18:36

Yesu here nɔ akɛ, “Mimaŋtsɛyeli lɛ jɛɛɛ je nɛɛŋ; mimaŋtsɛyeli lɛ jɛ je nɛɛ mli kulɛ misɔ̃ɔlɔi lɛ aaapele he, koni akaŋɔ mi ahã Yudafoi lɛ; shi enɛ lɛ, mimaŋtsɛyeli lɛ jɛɛɛ biɛ.”

Yohane 3:17

Ejaakɛ Nyɔŋmɔ tsuuu eBi lɛ kɛbaaa je lɛ mli koni ebakojo je lɛ, shi moŋ koni atsɔ̃ enɔ ahere je lɛ yiwala.

Yohane 7:24

Nyɛkakwɛa hiɛiaŋ nyɛkojoa, shi moŋ nyɛkojoa jalɛ kojomɔ.”

Yohane 8:11

Ni ekɛɛ, “Mɔ ko ebuko mi fɔ, Nuŋtsɔ.” Ni Yesu kɛɛ lɛ akɛ, “Mi hu mibuuu bo fɔ; yaa, shi kaafee esha dɔŋŋ.”]

Romabii 2:1

No hewɔ lɛ, bo, mɔ fɛɛ mɔ ni kojoɔ lɛ, obɛ naajiemɔ ko; ejaakɛ be mli ni okojoɔ mɔ kroko lɛ, oobu bo diɛŋtsɛ ohe fɔ; ejaakɛ bo ni okojoɔ lɛ otsuɔ nakai nii lɛ nɔŋŋ.

1 Korintobii 2:15

Shi mumɔŋ gbɔmɔ lɛ kojoɔ nii fiaa, shi lɛ lɛ, mɔ ko mɔ ko ekojooo lɛ.

2 Korintobii 5:16

Belɛ, kɛjɛ ŋmɛnɛ nɔ kɛyaa nɛɛ, wɔleee mɔ ko mɔ ko dɔŋŋ yɛ gbɔmɛi asusumɔ naa; ni kɛ gbɔmɛi asusumɔ naa wɔle Kristo yɛ tete lɛ, agbɛnɛ lɛ wɔleee lɛ nakai dɔŋŋ.

Yakobo 2:4

ani jeee niiaŋ nyɛjieɔ yɛ nyɛteŋ ni kojolɔi ni hiɛ jwɛŋmɔi fɔ̃ji nyɛtsɔ̃mɔ lɛ?

1 Samuel 16:7

Shi Yehowa kɛɛ Samuel akɛ, “Kaahã ehiɛŋtso loo ekwɔlɛ nyɛnyereŋŋ lɛ miilaka bo. Jeee bɔ ni gbɔmɔ adesa kwɛɔ nii Yehowa kwɛɔ nii. Gbɔmɔ adesa kwɛɔ kpo nɔ gbɛ nii ekɛyeɔ sane, shi Yehowa lɛ kwɛɔ tsuiŋ.”