Yohane 8:14 - ŊMALƐ KRƆŊKRƆŊ LƐ

¹⁴ Yesu here nɔ ekɛɛ, “Kɛ miiye mi diɛŋtsɛ mihe odase hu jiŋŋ, midase lɛ anɔkwale ni, ejaakɛ mile he ni mijɛ kɛ he ni miyaa, shi nyɛ lɛ, nyɛleee he ni mijɛ aloo he ni miyaa.

Ṅmãle̱ Kroṅkroṅ Le̱

¹⁴ Iesu here no̱ ekē̱ame̱ ake̱: *Ké̱ mīye midientše̱ mihe odase hũ dšĩṅ, midase le̱ ye̱ mli, edšake̱ mile heni midše̱ ke̱ heni miyaä, ši nye le̱, nyelee heni midše̱ lo heni miyaä. *5,31.

Yohane 8:14 ပူးပေါင်းရင်းမြစ်များ

Abe̱i 8:7

Ejaakɛ anɔkwale wiemɔ aaajɛ midaaŋ; minaabu miihi nɔ fɔŋ.

4 Mose 12:3

Nɛkɛ nuu Mose nɛɛ lɛ, anɔkwa, eji ehe humi fe shikpɔŋ lɛ nɔ gbɔmɛi fɛɛ.

Yohane 10:15

tamɔ bɔ ni Tsɛ lɛ le mi, ni mi hu mile Tsɛ lɛ. Ni mikɛ miwala ŋmɛɔ shi yɛ toi lɛ anajiaŋ.

Yohane 10:36

nyɛmiikɛɛ mɔ ni Tsɛ lɛ efee lɛ krɔŋkrɔŋ ni etsu lɛ kɛba je lɛ mli lɛ akɛ, ‘Obɔ musu’, akɛni mikɛɛ akɛ, ‘Nyɔŋmɔ Bi ji mi’ lɛ?

Yohane 13:3

akɛni Yesu le akɛ Tsɛ lɛ etu nii fɛɛ ewo edɛŋ, ni Nyɔŋmɔ ŋɔɔ ejɛ, ni esaa eeya Nyɔŋmɔ ŋɔɔ lɛ,

Yohane 14:10

Ani oheee oyeee akɛ miyɛ Tsɛ lɛ mli ni Tsɛ lɛ hu yɛ mimli? Wiemɔi ni mikɛ nyɛ wieɔ lɛ, jeee mi diɛŋtsɛ miyiŋ mitoɔ miwieɔ; shi Tsɛ lɛ ni hiɔ mimli lɛ, lɛ etsuɔ enitsumɔi lɛ.

Yohane 16:28

Tsɛ lɛ ŋɔɔ mijɛ miba je lɛ mli, ni miije je lɛ mli maya Tsɛ lɛ ŋɔɔ ekoŋŋ.”

Yohane 17:8

ejaakɛ wiemɔi lɛ ni okɛhã mi lɛ, mikɛhã amɛ; ni amɛmɔ mli, ni amɛna amɛle anɔkwale mli akɛ oŋɔɔ mijɛ, ni amɛhe amɛye akɛ bo otsu mi.

Yohane 18:37

No hewɔ lɛ, Pilato bi lɛ akɛ, “Belɛ maŋtsɛ ji bo kɛ̃?” Yesu here nɔ akɛ, “Okɛɛ; ejaakɛ maŋtsɛ ji mi. Mi lɛ, enɛ hewɔ afɔ mi, ni enɛ hewɔ nɔŋŋ miba je lɛ mli, koni mibaye anɔkwale lɛ he odase. Mɔ fɛɛ mɔ ni jɛ anɔkwale lɛ mli lɛ nuɔ migbee.”

Yohane 5:31

Kɛji mi diɛŋtsɛ mihe odase miyeɔ lɛ, midase lɛ jeee anɔkwale.

Yohane 8:42

Kɛkɛ lɛ Yesu kɛɛ amɛ akɛ, “Nyɔŋmɔ ji nyɛTsɛ kulɛ, nyɛaasumɔ mi; ejaakɛ mi lɛ Nyɔŋmɔ ŋɔɔ mijɛ miba; ni asaŋ mitooo mi diɛŋtsɛ miyiŋ mibaaa, shi moŋ lɛ etsu mi.

2 Korintobii 11:31

Nyɔŋmɔ ni ji wɔNuŋtsɔ Yesu Kristo Tsɛ, mɔ ni ajɔɔ lɛ kɛyashiɔ naanɔ lɛ, le akɛ mimaleee.

2 Korintobii 12:11

Mifee kwashia; nyɛ nyɛnyɛ minɔ ni mifee nakai. Ejaakɛ kulɛ esa akɛ nyɛ moŋ nyɛjieɔ miyi; ejaakɛ kɛji mijeee nɔ ko tete po, eshwɛɛɛ mi nɔ ko ni mikɛ bɔfoi agboi lɛ aye hegbɔ.

2 Korintobii 12:19

Asaŋ nyɛsusuɔ akɛ wɔnaa sɔŋŋ wɔjieɔ wɔtsɔ̃ɔ nyɛ nɛɛ lo? Nyɔŋmɔ hiɛ wɔwieɔ yɛ, yɛ Kristo mli; shi, suɔmɔmɛi, nii nɛɛ fɛɛ lɛ, nyɛnaneshimɔmɔ hewɔ wɔwieɔ.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 3:14

“Ni Laodikea asafo lɛ bɔfo lɛ; ŋmaa oyahã lɛ akɛ, “Nii ni Amen lɛ ni ji odasefonyo anɔkwafo lɛ kɛ anɔkwayelɔ lɛ kɛ Nyɔŋmɔ nibɔɔ lɛ shishijee lɛ kɛɛ nɛ,