Yohane 7:7 - ŊMALƐ KRƆŊKRƆŊ LƐ

⁷ Je lɛ nyɛɛɛ nyɛ anyɛ; shi mi lɛ enyɛɔ mi, ejaakɛ miyeɔ ehe odase akɛ enitsumɔi lɛ nitsumɔi fɔ̃ji ni.

Ṅmãle̱ Kroṅkroṅ Le̱

⁷ Dše le̱ nyẽẽ anye̱nye; ši mi le̱ *enye̱o̱mi, edšake̱ miyeo̱ ehe odase ake̱ enitšumo̱i le̱ nitšumo̱i fõdši ni. *15,18.

Yohane 7:7 ပူးပေါင်းရင်းမြစ်များ

1 Maŋtsɛmɛi 21:20

Be ni Ahab na Elia lɛ, ekɛɛ, “Ei mihenyɛlɔ, bo onine egbe mi nɛɛ.” Elia here lɛ nɔ ekɛɛ, “Minine egbe bo lɛɛlɛŋ, ejaakɛ ohã efɔŋfeemɔ eŋɔ bo nom yɛ Yehowa hiɛ.

1 Maŋtsɛmɛi 22:8

Israel Maŋtsɛ Ahab kɛɛ Yehoshafat akɛ, “Mɔ kome ko yɛ, ni kulɛ wɔɔnyɛ wɔyabi Yehowa daaŋ gbee yɛ eŋɔɔ. Lɛ ji Imla bi Mikaia lɛ; shi moŋ misumɔɔɔ esane, ejaakɛ egbako gbalɛ kpakpa ko yɛ mihe dã, fe akɛ be fɛɛ be lɛ gbalɛ gbonyo.” Shi Yehoshafat kɛɛ akɛ, “Nii akakɛɛ nakai!”

Lalai 109:5

Amɛkɛ efɔŋ toɔ mi ekpakpa najiaŋ, ni amɛkɛ nyɛɛ toɔ misuɔmɔ lɛ najiaŋ.

Abe̱i 15:12

Hefɛoyelɔ yɔɔ nɛɛ, esumɔɔɔ akɛ akãa lɛ; ni ebɛŋkɛɛɛ nilelɔi hu.

Abe̱i 8:36

Shi mɔ ni nine shɛɛɛ minɔ lɛ, eeye lɛ diɛŋtsɛ esusuma awui. Mɛi fɛɛ ni nyɛɔ mi lɛ, amɛmiisumɔ gbele.”

Yesaia 29:21

mɛi ni hãa mɔ yeɔ fɔ yɛ saneyeli mli, kɛ mɛi ni tsɔ̃ɔ kojolɔ tsɔne yɛ koishi, kɛ mɛi ni wieɔ nɔ ni bɛ mli ni no hãa atsɔ̃ɔ mɔ ni sane ja sane hiɛ abuɔ shi lɛ.

Yesaia 49:7

Bɔ ni Yehowa, Israel Kpɔ̃lɔ, kɛ eMɔ Krɔŋkrɔŋ lɛ, kɛɔ mɔ ni agbe ehe guɔ, ni jeŋ majimaji lɛ hi ehiɛ, nɔyelɔi anyɔŋ lɛ, kɛɔ nɛ, “Maŋtsɛmɛi aaana lɛ ni amɛaate shi amɛhã lɛ; ni lumɛi hu aaana lɛ ni amɛaakamɔ shi yɛ ehiɛ ejaakɛ Yehowa ehala lɛ, Israel Mɔ Krɔŋkrɔŋ lɛ, eji anɔkwafo.”

Yeremia 20:8

Be fɛɛ be ni miwieɔ lɛ, ja mibolɔ; mibolɔɔ akɛ, “Yiwalɛ sɔŋŋ!” Kɛ “niiahiɛkpãtãmɔ.” Ejaakɛ Yehowa wiemɔ lɛ hewɔ lɛ abɔɔ mi ahora, ni ayeɔ mihe fɛo daa jenamɔ.

3 Mose 13:10

Osɔfo lɛ akwɛ lɛ. Kɛ nɔ ko yɛŋ ewo yɛ hewolo lɛ nɔ, ni ehã jɛi tsɔi lɛ etsɔ̃ eyɛŋ, ni loo ŋmɔŋ tɔ̃ɔ yɛ nɔ ni efuu lɛ mli lɛ,

Zakaria 11:8

Mikpãtã tookwɛlɔi etɛ̃ ahiɛ yɛ nyɔŋ kome mli, ejaakɛ minaaa amɛhe tsui, ni amɛ hu amɛnyaŋe mi.

Maleaki 3:5

Yehowa, Taiatsɛ lɛ, kɛɛ akɛ, “Mibatsi mabɛŋkɛ nyɛ koni makojo gbɔmɛi abii; mikɛ sane baashi mɛi ni sheee mi gbeyei lɛ oya nɔŋŋ, ŋkunyaayelɔi kɛ gbãlãfitelɔi kɛ mɛi ni kãmɔɔ amale kitã lɛ. Nakai nɔŋŋ maye odase mashi mɛi ni shishiuɔ apaafoi yɛ nyɔmɔwoo mli kɛ mɛi ni tsɔ̃ɔ yoo okulafo kɛ awusa kɛ gbɔ sane hiɛ buɔ shi lɛ.”

Luka 6:26

“Kpoo hã nyɛ, kɛji mɛi fɛɛ aaawie nyɛhe ekpakpa lɛ! Ejaakɛ nakai nɔŋŋ amɛtsɛmɛi lɛ fee amale gbalɔi lɛ.

Yohane 17:14

Mikɛ owiemɔ lɛ ehã amɛ, ni je lɛ miinyɛ amɛ, ejaakɛ amɛjɛɛɛ je lɛ mli, tamɔ bɔ ni mi hu mijɛɛɛ je lɛ mli lɛ.

Yohane 3:19

Shi kojomɔ lɛ nɛ, akɛ la lɛ eba je lɛ mli, ni gbɔmɛi sumɔɔ duŋ lɛ moŋ fe la lɛ, ejaakɛ amɛnitsumɔi lɛ efɔ̃ɔji ni;

Romabii 8:7

Heloo jwɛŋmɔ lɛ, Nyɔŋmɔ nyɛɛ ni, akɛni ebaaa ehe shi ehãaa Nyɔŋmɔ Mla lɛ, ni esaa enyɛŋ tete lɛ;

Galatabii 4:16

Ani mitsɔ̃ nyɛhenyɛlɔ akɛ mikɛɔ nyɛ nɔ ni ji anɔkwale lɛ?

Yakobo 4:4

Gbãlãfitelɔi! Nyɛleee akɛ naanyo ni akɛ je lɛ bɔɔ lɛ Nyɔŋmɔ nyɛɛ ni lo? No hewɔ lɛ, mɔ fɛɛ mɔ ni sumɔɔ akɛ ekɛ je lɛ abɔ naanyo lɛ etsɔ̃ Nyɔŋmɔ henyɛlɔ.

1 Yohane 4:5

Amɛ lɛ, je lɛ mli amɛjɛ, no hewɔ lɛ, amɛwieɔ akɛ mɛi ni jɛ je lɛ mli, ni je lɛ boɔ amɛ toi.