Yohane 7:4 - ŊMALƐ KRƆŊKRƆŊ LƐ

⁴ Ejaakɛ mɔ ko ni etao akɛ ale lɛ jogbaŋŋ lɛ efeee nɔ ko yɛ teemɔ mli. Akɛni oofee nibii nɛɛ lɛ, jiemɔ ohe shi otsɔ̃ɔ je lɛ.”

Ṅmãle̱ Kroṅkroṅ Le̱

⁴ Edšake̱ moni taoo̱ ní alele̱ le̱, efee noko ye̱ fifiaṅ. Ke̱dši nibii ne̱ ofeo̱ le̱, dšiemo̱ ohe ši otšõ dše le̱.

Yohane 7:4 ပူးပေါင်းရင်းမြစ်များ

1 Maŋtsɛmɛi 22:13

Bɔfo ni tee Mikaia tsɛmɔ lɛ kɛɛ lɛ akɛ, “Naa, gbalɔi lɛ fɛɛ kɛ naabu kome egba gbalɛ kpakpa ehã maŋtsɛ lɛ. No hewɔ lɛ, hã ogbalɛ lɛ kɛ amɛteŋ mɔ kome pɛ nɔ afee pɛ.”

Mateo 23:5

Shi amɛnii fɛɛ lɛ amɛfeɔ koni mɛi ana. Ejaakɛ amɛhãa amɛsɔlemɔkaimɔ kotokui kɛ amɛtadei anaamui lɛ lɛɔ.

Mateo 4:6

ni abonsam kɛɛ lɛ akɛ, “Kɛji Nyɔŋmɔ Bi ji bo lɛ, kɛ ohe atswa shi; ejaakɛ aŋma akɛ, ‘Ohewɔ lɛ eeefã ebɔfoi lɛ ni amɛaahiɛ bo yɛ amɛdɛŋ, koni okɛ onane akashi tɛ ko.’ ”

Mateo 6:16

“Shi kɛji nyɛmiihi ŋmaa lɛ nyɛkafea nyɛhiɛ mɔbɔmɔbɔ tamɔ osatofoi lɛ; shi amɛfeɔ amɛhiɛ nyanyaanya, koni mɛi ana akɛ amɛmiihi ŋmaa. Miikɛɛ nyɛ anɔkwale mli akɛ amɛnine eshɛ amɛnyɔmɔwoo nɔ momo.

Mateo 6:5

“Ni kɛ nyɛmiisɔle lɛ, nyɛkafea nyɛnii tamɔ osatofoi lɛ; shi amɛsumɔɔ akɛ amɛdamɔ kpeehei lɛ kɛ gbɛjegbɛi lɛ atoi amɛsɔle, koni mɛi ana amɛ. Miikɛɛ nyɛ anɔkwale mli akɛ amɛnine eshɛ amɛnyɔmɔwoo nɔ momo.

Luka 6:45

Gbɔmɔ kpakpa jieɔ nɔ kpakpa kɛjɛɔ etsui mli jwetri kpakpa lɛ mli, ni gbɔmɔ fɔ̃ŋ jieɔ nɔ fɔ̃ŋ kɛjɛɔ etsui mli jwetri fɔ̃ŋ lɛ mli, ejaakɛ nɔ ni eyi tsui obɔ̃ lɛ, no naabu wieɔ.”

Yohane 18:20

Yesu here lɛ nɔ akɛ, “Faŋŋ miwie mitsɔ̃ɔ je lɛ. Daa nɛɛ mitsɔ̃ɔ nii yɛ kpeehei lɛ kɛ Sɔlemɔ we lɛ, he ni Yudafoi lɛ fɛɛ kpeɔ yɛ lɛ, ni miwieee nɔ ko nɔ ko yɛ dujiaŋ.

Yohane 7:3

No hewɔ lɛ, enyɛmimɛi lɛ kɛɛ lɛ akɛ, “Jee biɛ ni oya Yudea, koni okaselɔi lɛ hu ana onitsumɔi ni otsuɔ lɛ.

Yohane 7:5

Shi enyɛmimɛi lɛ tete po heee enɔ yeee.