Yohane 7:39 - ŊMALƐ KRƆŊKRƆŊ LƐ

³⁹ Shi Mumɔ lɛ ni mɛi ni heɔ enɔ yeɔ lɛ baana lɛ he ewie nɛɛ; shi Mumɔ Krɔŋkrɔŋ lɛ nako aba, ejaakɛ anako awo Yesu hiɛ nyam.

Ṅmãle̱ Kroṅkroṅ Le̱

³⁹ Ši Mumo̱ le̱ ní mei ní heo̱ eno̱ yeo̱ le̱ baná le̱ hewo̱ ewie ne̱; ši Mumo̱ kroṅkroṅ le̱ náko aba, edšake̱ anáko awo Iesu hĩe nyam. 16,7.

Yohane 7:39 ပူးပေါင်းရင်းမြစ်များ

Lalai 68:18

Okwɔ kɛtee gɔŋ grɔŋŋ lɛ nɔ, kɛ nomii ni nyiɛ osɛɛ, ohe nikee kɛjɛ mɛi, mɛi tete ni te shi wo bo lɛ adɛŋ, Yehowa, Nyɔŋmɔ lɛ, baahi jɛi.

Abe̱i 1:23

Kɛji mikã nyɛ lɛ, nyɛboa toi. Naa, mafɔse mimumɔ mawo nyɛmli, ni mahã nyɛyoo minilee wiemɔi lɛ hu.

Yesaia 12:3

Nyɛkɛ nyamɔ aaayɛ nu yɛ yiwalaheremɔ bui lɛ amli.’

Yesaia 32:15

Be miiba ni Nyɔŋmɔ aaafɔse Mumɔ lɛ kɛaajɛ ŋwɛi eshwie wɔnɔ, ni shiaŋa lɛ aaatsɔ̃ shikpɔŋ ni baa nii, ni shikpɔŋ ni baa nii aaatsɔ̃ koo.

Yesaia 44:3

Ejaakɛ mibanɛ nu mashwie shikpɔŋ ni yeɔ nu kumai nɔ, ni mahã fai atue yɛ shikpɔŋ gbiŋ lɛ nɔ. Mahã oshwiei ayimɔ obɔ̃bɔ̃ kɛ mimumɔ lɛ, ni mijɔɔmɔ aaahi oshwiei anɔ.

Yoel 2:28

“Enɛɛmɛi asɛɛ lɛ mafɔse mimumɔ lɛ mashwie gbɔmɛi fɛɛ anɔ; nyɛbihii kɛ nyɛbiyei lɛ aaagba, nyɛhiimeji lɛ aaala lamɔi, ni nyɛblahii lɛ aaana ninai.

Mateo 16:14

Amɛkɛɛ akɛ, “Mɛi komɛi kɛɔ akɛ Yohane Baptisilɔ lɛ ni; ni mɛi komɛi kɛɔ akɛ Elia ni; ni mɛi krokomɛi hu kɛɔ akɛ Yeremia loo gbalɔi lɛ ateŋ mɔ kome ni.”

Mateo 21:11

Shi asafoi lɛ kɛɛ, “Mɔ nɛ ji Yesu, gbalɔ lɛ ni jɛ Nazaret yɛ Galilea lɛ.”

Luka 24:49

Ni naa, miiha miTsɛ shiwoo lɛ aba nyɛnɔ; shi nyɛ lɛ nyɛhia shi yɛ Yerusalɛm maŋ lɛŋ kɛyashi beyinɔ ni aaajɛ ŋwɛi awo nyɛ hewalɛ.”

Luka 3:16

Yohane here nɔ ni ekɛɛ amɛ fɛɛ akɛ, “Mi lɛ nu mikɛbaptisiɔ nyɛ; shi mɔ ko ni he wa fe mi miiba, ni misaaa mɔ ni fɛneɔ etokotai anaa kpãa; lɛ ekɛ Mumɔ Krɔŋkrɔŋ kɛ la aaabaptisi nyɛ.

Luka 7:16

Ni gbeyei mɔmɔ amɛ fɛɛ, ni amɛwo Nyɔŋmɔ hiɛ nyam amɛkɛɛ, “Gbalɔ kpeteŋkple ete shi yɛ wɔteŋ, ni Nyɔŋmɔ ebasara emaŋ lɛ.”

Yohane 1:21

Ni amɛbi lɛ akɛ, “Namɔ ji bo mɔ? Elia ji bo?” Ni ekɛɛ, “Jeee lɛ ji mi.” Gbalɔ lɛ ji bo? Ni ehere nɔ ekɛɛ, “Dabi.”

Yohane 1:25

ni amɛbi lɛ akɛ, “Kɛjeee Kristo lɛ loo Elia loo gbalɔ lɛ ji bo lɛ, mɛɛ hewɔ obaptisiɔ mɔ?”

Yohane 1:33

Ni mi lɛ mileee lɛ, shi mɔ ni tsu mi akɛ mibaptisi yɛ nu mli lɛ, lɛ nɔŋŋ ekɛɛ mi akɛ, ‘Mɔ nɔ ni ooona akɛ Mumɔ lɛ yiɔ ni ehiɔ enɔ lɛ, lɛ ji mɔ ni baptisiɔ yɛ Mumɔ Krɔŋkrɔŋ mli lɛ.’

Yohane 12:16

Shi ekaselɔi lɛ enaaa nii nɛɛ ashishi mra mli, shi be ni awo Yesu hiɛ nyam lɛ, no dani amɛkai akɛ aŋma nii nɛɛ yɛ ehe, ni no afee ahã lɛ lɛ.

Yohane 12:23

Ni Yesu here amɛ nɔ ekɛɛ, “Ŋmɛlɛtswaa ni akɛbaawo Gbɔmɔ Bi lɛ hiɛ nyam lɛ eshɛ.

Yohane 14:13

Ni nɔ fɛɛ nɔ ni nyɛɛakpa he fai yɛ migbɛi mli lɛ, mafee, koni Tsɛ lɛ hiɛ aba nyam kɛtsɔ̃ Bi lɛ nɔ.

Yohane 14:26

Shi Hefatalɔ lɛ ni ji Mumɔ Krɔŋkrɔŋ lɛ, mɔ ni Tsɛ lɛ baatsu yɛ migbɛi mli lɛ, lɛ eeetsɔ̃ɔ nyɛ nii fɛɛ, ni eeekai nyɛ nii fɛɛ ni mikɛɛ nyɛ lɛ.

Yohane 16:14

Lɛ ebaawo mihiɛ nyam, ejaakɛ eeeŋɔ minɔ lɛ eko ni eeetsi tã etsɔ̃ɔ nyɛ.

Yohane 16:7

Kɛ̃lɛ miikɛɛ nyɛ anɔkwale, ehi hã nyɛ akɛ matee; ejaakɛ kɛji miyaaa lɛ, Hefatalɔ lɛ baŋ nyɛŋɔɔ; shi kɛji mitee lɛ, matsu lɛ kɛba nyɛŋɔɔ.

Yohane 17:1

Be ni Yesu wie nii nɛɛ lɛ, ewo ehiɛ nɔ kɛtee ŋwɛi, ni ekɛɛ, “Ataa, ŋmɛlɛtswaa lɛ eshɛ; wo oBi lɛ hiɛ nyam, koni oBi lɛ hu awo ohiɛ nyam;

Yohane 17:5

Ni agbɛnɛ, Ataa, kɛ anunyam ni miyɔɔ yɛ oŋɔɔ dani abɔ je lɛ awo mihiɛ nyam yɛ omasɛi.”

Yohane 20:22

Ni be ni ekɛɛ nakai lɛ, emu eshwie amɛnɔ, ni ekɛɛ amɛ akɛ, “Nyɛhea Mumɔ Krɔŋkrɔŋ lɛ!

Yohane 6:14

No hewɔ lɛ, be ni gbɔmɛi lɛ na naakpɛɛnii ni Yesu fee lɛ amɛkɛɛ, “Anɔkwa, mɔ nɛ ji gbalɔ ni baa je lɛ mli lɛ!”

Yohane 7:12

Ni huhuhuhu wiemɔi pii ete shi yɛ mɛi lɛ ateŋ yɛ ehe. Mɛi komɛi kɛɛ akɛ, “Gbɔmɔ kpakpa ji lɛ;” ni mɛi komɛi hu kɛɛ akɛ, “Dabi, hã moŋ ehãa asafo lɛ duduɔ.”

Yohane 8:54

Yesu here nɔ akɛ, “Kɛji miwo mi diɛŋtsɛ mihiɛ nyam lɛ, minunyam lɛ jeee nɔ ko; miTsɛ ji mɔ ni woɔ mihiɛ nyam, mɔ ni nyɛkɛɔ akɛ nyɛNyɔŋmɔ ji lɛ lɛ,

Bɔfoi 19:2

ni ebi amɛ akɛ, “Ani be ni nyɛhe nyɛye lɛ nyɛna Mumɔ Krɔŋkrɔŋ lo?” Ni amɛkɛɛ lɛ akɛ, “Mumɔ Krɔŋkrɔŋ ko yɛ he ko jiŋŋ, wɔnuko tete.”

Bɔfoi 2:17

“Nyɔŋmɔ kɛɛ, ‘Ni aaaba mli yɛ naagbee gbii lɛ anɔ akɛ, mafɔse miMumɔ lɛ eko mashwie gbɔmɛi fɛɛ anɔ, ni nyɛbihii kɛ nyɛbiyei lɛ aaagba, ni nyɛblahii lɛ aaana ninai, ni nyɛnukpai lɛ aaala lamɔi.

Bɔfoi 2:33

Agbɛnɛ akɛni awo enɔ kɛtee Nyɔŋmɔ ninejurɔ nɔ ni ena Mumɔ Krɔŋkrɔŋ lɛ he shiwoo lɛ kɛjɛ Tsɛ lɛ dɛ̃ŋ hewɔ lɛ, efɔse nɔ ni nyɛnaa ni nyɛnuɔ nɛɛ eshwie shi.

Bɔfoi 2:38

Ni Petro kɛɛ amɛ akɛ, “Nyɛtsakea nyɛtsui ni nyɛteŋ mɔ fɛɛ mɔ ahã abaptisi lɛ awo Yesu Kristo gbɛi mli, koni akɛ nyɛhe eshai lɛ afa nyɛ, ni nyɛaana Mumɔ Krɔŋkrɔŋ nɔkeenɔ lɛ.

Bɔfoi 2:4

ni Mumɔ Krɔŋkrɔŋ bayimɔ amɛ fɛɛ obɔ̃bɔ̃, ni amɛbɔ̃i wiemɔi krokomɛi awiemɔ tamɔ bɔ ni Mumɔ lɛ kɛwo amɛnaa lɛ.

Bɔfoi 3:13

Abraham kɛ Isak kɛ Yakob Nyɔŋmɔ lɛ ni ji wɔtsɛmɛi aNyɔŋmɔ lɛ ewo etsulɔ Yesu hiɛ nyam, Yesu mɔ ni nyɛjie lɛ nyɛhã ni nyɛkwa lɛ yɛ Pontio Pilato hiɛ, be ni lɛ lɛ ekpɛ mli akɛ eeeŋmɛɛ ehe lɛ.

Bɔfoi 4:31

Ni be ni amɛsɔle nɛkɛ lɛ, he ni amɛnaa ebakpe shi yɛ lɛ hoso, ni Mumɔ Krɔŋkrɔŋ yimɔ amɛ fɛɛ obɔ̃bɔ̃; ni amɛkɛ ekãa jaje Nyɔŋmɔ wiemɔ lɛ.

Romabii 8:9

Nyɛhiii shi yɛ heloo naa, shi moŋ mumɔ naa nyɛhiɔ shi yɛ, kɛji Nyɔŋmɔ Mumɔ lɛ hiɔ nyɛmli lɛ. Shi kɛ mɔ ko bɛ Kristo Mumɔ lɛ, belɛ jeee Kristo nɔ ji lɛ.

2 Korintobii 3:8

ani Mumɔ sɔ̃ɔmɔ lɛ efeŋ nyam fe no?

Efesobii 4:30

Ni nyɛkafea Nyɔŋmɔ Mumɔ Krɔŋkrɔŋ lɛ nidɔɔnii; lɛ emli asɔo nyɛnaa yɛ ato kpɔ̃mɔ gbi lɛ.