Yohane 7:37 - ŊMALƐ KRƆŊKRƆŊ LƐ

³⁷ Shi naagbee gbi ni ji gbii juji lɛ ateŋ gbi wulu lɛ nɔ lɛ, Yesu yadamɔ shi ni ebo ekɛɛ, “Kɛji kumai miiye mɔ ko lɛ, eba miŋɔɔ ni ebanu nu.

Ṅmãle̱ Kroṅkroṅ Le̱

³⁷ Ši *nāgbēgbĩ ní dši gbĩĩ dšudši le̱ ateṅ gbĩ wulu le̱ no̱ le̱, Iesu yadamo̱ ši ni ebo ekē̱: Ke̱dši †kũmai miye moko le̱, hã mo le̱ aba miṅõ ni ebanu, *3 Mose 23,36. †Ioh. 4,10.

Yohane 7:37 ပူးပေါင်းရင်းမြစ်များ

Nehemia 8:18

Gbi fɛɛ gbi, kɛjɛ klɛŋklɛŋ gbi lɛ nɔ kɛyashi naagbee gbi lɛ nɔ lɛ, akaneɔ Nyɔŋmɔ Mla Wolo lɛ. Amɛye gbijurɔ lɛ gbii kpawo, ni gbi ni ji kpaanyɔ lɛ nɔ lɛ amɛkpe naagbee kpee, tamɔ bɔ ni ato lɛ.

Lalai 143:6

Miholeɔ miniji anɔ mihãa bo yɛ sɔlemɔ mli; ohe kumai yeɔ misusuma tamɔ shikpɔŋ gbiŋ.

Lalai 42:2

Misusuma miiye bo Nyɔŋmɔ ni ji Nyɔŋmɔ hiɛkãalɔ lɛ he kumai. Te be po ni maba, ni mabana Nyɔŋmɔ hiɛ hu?

Lalai 63:1

Oo Naa Nyɔŋmɔ, bo ji miNyɔŋmɔ, miitao bo! Misusuma miiye ohe kumai, migbɔmɔtso miishwe bo, tamɔ shikpɔŋ ni egbi keketee shweɔ nu.

Abe̱i 1:20

Bo toi! Nilee miibolɔ waa yɛ blohuiaŋ, ni eewo egbee yɛ jaji anɔ.

Abe̱i 8:1

Ani jeee blɔmɔ nilee bolɔɔ kɛtsɛɔ lɛ; ni jeee niiashishinumɔ hu woɔ egbee lɛ?

Abe̱i 8:17

Misumɔɔ mɛi ni sumɔɔ mi; ni mɛi ni bɔɔ mɔdɛŋ taoɔ mi lɛ, naa mi.

Abe̱i 8:3

Ebolɔɔ gegeege yɛ maŋ lɛ agboi lɛ anaa yɛ maŋ lɛ klotia yɛ shinaa lɛ shi akɛ,

Abe̱i 9:3

Etsu etsuji yei lɛ kɛtee maŋ lɛ mli hei grɔŋŋi fe fɛɛ lɛ, ni amɛyatsɛ mɛi akɛ,

Salomo Lalai 5:1

Minyɛmi yoo, miyɛmfro, miba mitrom lɛ mli, miibua mimire kɛ tsofaikɛŋmai anaa. Miiye miwo agbaku kɛ emli wo lɛ. Miinu miwain kɛ mifufɔ lɛ. Minanemɛi, nyɛyea ni nyɛnua, ni nyɛ, suɔlɔi, nyɛnua ni nyɛtɔrɔa!

Yesaia 12:3

Nyɛkɛ nyamɔ aaayɛ nu yɛ yiwalaheremɔ bui lɛ amli.’

Yesaia 40:2

“Nyɛkɛ Yerusalɛmbii awiea tsuijurɔ naa; ni nyɛkɛa Yerusalɛmbii akɛ amɛtawuu be lɛ sɛɛ efo, ni akɛ amɛnishaianii lɛ efa. Eshai ni amɛfee lɛ amɛna he nyɔmɔwoo toi enyɔ kɛjɛ Yehowa dɛŋ.”

Yesaia 40:6

Gbee ko miibo akɛ, “bolɔmɔ!” Ni mikɛɛ, “Te mibolɔ mikɛɛ tɛŋŋ?” “Bolɔmɔ akɛ heloo fɛɛ heloo lɛ jwɛi ni; ni ehoɔ eyaa tamɔ ŋa nɔ fɔfɔi.

Yesaia 44:3

Ejaakɛ mibanɛ nu mashwie shikpɔŋ ni yeɔ nu kumai nɔ, ni mahã fai atue yɛ shikpɔŋ gbiŋ lɛ nɔ. Mahã oshwiei ayimɔ obɔ̃bɔ̃ kɛ mimumɔ lɛ, ni mijɔɔmɔ aaahi oshwiei anɔ.

Yesaia 55:1

Yehowa kɛɛ, “Huui! Nyɛ mɛi fɛɛ ni kumai yeɔ nyɛ, nyɛbaa nu he! Nyɛ mɛi hu ni bɛ shika, nyɛbaa nyɛbahea ŋmãa nyɛyea! Nyɛbaa! Nyɛbahea wain kɛ fufɔ, jeee kɛ shika shi moŋ kɛ nyɛdɛ folo.

Yesaia 55:3

“Nyɛfea toi, ni nyɛbaa miŋɔɔ! Nyɛboa mi toi, ni nyɛyi aaana wala. Mi kɛ nyɛ baakpãŋ naanɔ kpãŋmɔ, ni ji mimɔbɔnalɛ ni sɛɛ efooo ni mikɛwo David shi lɛ.

Yesaia 58:1

Yehowa kɛɛ akɛ, “Bolɔmɔ waa! Kaaha onaa miiba shi. Wo ogbee nɔ tamɔ tɛtɛrɛmantɛrɛ. Jajemɔ mimaŋbii lɛ ahe eshai lɛ otsɔɔ amɛ; tsɔɔmɔ Israel we lɛ amɛhe eshai lɛ.

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Yeremia 2:2

“Yaa, koni oyashiɛ owo Yerusalɛmbii atoiiaŋ, ni okɛɛ amɛ akɛ, nɔ ni Yehowa kɛɛ nɛ, ‘Mikaiɔ oblayeiaŋ anɔkwa ni oye mi lɛ, kɛ osuɔmɔ tamɔ ayɛmforo suɔmɔ lɛ. Mikaiɔ bɔ ni onyiɛ misɛɛ yɛ shiaŋa lɛ nɔ, ni ji shikpɔŋ ni aduko nii yɛ nɔ lɛ nɔ lɛ.

Ezekiel 47:9

“He fɛɛ he ni nujɔɔ nɛɛ hoɔ kɛyaa lɛ, jɛi kooloo fɛɛ kooloo ni hiɛ kã lɛ yi baana wala, ni emli loi baafa babaoo diɛŋtsɛ. Ejaakɛ nujɔɔ nɛɛ hoɔ ewoɔ Ŋoo Ŋshɔ lɛ mli, ni ehãa Ŋoo Ŋshɔ lɛ mli nu lɛ tsɔ̃ɔ nuŋma, ni nɔ fɛɛ nɔ ni yɔɔ mli lɛ enaa wala.

3 Mose 23:36

Gbii kpawo lɛ mli gbi fɛɛ gbi lɛ, nyɛhiɛa nyɛdɛŋ niyenii afɔle ni ashãa nyɛkɛbahãa Yehowa. Gbi ni ji kpaanyɔ lɛ nɔ lɛ, nyɛkpea kpee krɔŋkrɔŋ kɛjaa ekoŋŋ, ni nyɛkɛ niyenii afɔle ni ashãa abaa abahãa Yehowa. Kpee wulu diɛŋtsɛ gbi ni. Akatsu nitsumɔ ko nitsumɔ ko ni wa yɛ nɔ.

3 Mose 23:39

“Nyɔɔŋ ni ji kpawo lɛ nɔ gbi ni ji nyɔŋma kɛ enumɔ lɛ, be ni nyɛkpa ŋmɔshinii nyɛgbe naa lɛ, nyɛjea shishi nyɛyea Yehowa gbijurɔ lɛ kɛyashia gbii kpawo. Gbi ni ji klɛŋklɛŋ lɛ hejɔɔmɔ gbi krɛdɛɛ ni.

Mika 6:9

Ehi akɛ ashe Yehowa gbeyei. Eeetsɛ maŋ lɛ ekɛɛ, “Nyɛboa toi, nyɛ mɛi ni nyɛbuaa nyɛhe naa kɛkpeɔ yɛ maŋ lɛ mli!

Zakaria 9:15

Yehowa, Taiatsɛ lɛ, aaabu emɛi ahe; Amɛaatserɛ amɛhenyɛlɔi amli, ni amɛaanaanaa amɛ nɔ. Amɛaashwie amɛhenyɛlɔi alá shi ni lá lɛ aaaho tamɔ afɔleshãa kooloo lá ni afɔse kɛmiijɛ okpolu mli aashwie afɔleshãa latɛ nɔ.

4 Mose 29:35

“Gbi ni ji kpaanyɔ lɛ nɔ lɛ, nyɛkpea kpee krɔŋkrɔŋ nyɛjaa; nyɛkatsua nitsumɔ ko nitsumɔ ko ni wa yɛ nɔ;

Mateo 11:28

“Nyɛbaa miŋɔɔ, nyɛ mɛi fɛɛ ni etɔ nyɛ ni nyɛjatsui fe nyɛ lɛ, ni mahã nyɛ hejɔɔmɔ.

Mateo 3:3

Shi mɔ nɛ ji mɔ he ni gbalɔ Yesaia wie akɛ, “Mɔ ko gbee miibo yɛ ŋa lɛ nɔ akɛ, ‘Nyɛsaa Nuŋtsɔ lɛ gbɛ lɛ! Ni nyɛfea etɛmpɔŋi lɛ trɔmɔɔ!’ ”

Mateo 5:6

“Ajɔɔ mɛi ni jalɛ he hɔ̃mɔ kɛ kumai yeɔ amɛ lɛ; shi amɛaatɔrɔ.”

Yohane 1:23

Ekɛɛ, “Mi ji mɔ gbee ni boɔ yɛ ŋa lɛ nɔ akɛ, ‘Nyɛjajea Nuŋtsɔ lɛ gbɛ lɛ,’ ” tamɔ bɔ ni gbalɔ Yesaia kɛɛ lɛ.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 4:10

Yesu here nɔ ni ekɛɛ lɛ akɛ, “Eji ole Nyɔŋmɔ nɔkeenɔ lɛ kɛ mɔ ni kɛɔ bo akɛ, ‘Hã mi eko manu lɛ’ kulɛ, bo moŋ oooba lɛ ni eeehã bo wala nu.”

Yohane 4:11

Yoo lɛ kɛɛ lɛ akɛ, “Nuŋtsɔ, obɛ nɔ ni okɛaayɛ, ni bu lɛ mli kwɔ hu; nɛgbɛ ona wala nu lɛ yɛ mɔ?

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Yohane 5:40

Kɛ̃lɛ nyɛsumɔɔɔ akɛ nyɛbaa miŋɔɔ ni nyɛna wala.

Yohane 6:35

Ni Yesu kɛɛ amɛ akɛ, “Mi ji wala aboloo lɛ; mɔ ni baa miŋɔɔ lɛ, hɔmɔ yeŋ lɛ gbi ko gbi ko, ni mɔ ni heɔ minɔ yeɔ lɛ, kumai hu yeŋ lɛ gbi ko gbi ko.

Yohane 6:37

Mɛi fɛɛ ni Tsɛ lɛ kɛhãa mi lɛ aaaba miŋɔɔ, ni mɔ ni baa miŋɔɔ lɛ, mishwieŋ lɛ kɔkɔɔkɔ.

Yohane 6:55

Ejaakɛ miheloo lɛ anɔkwa ŋmaa ni, ni milá lɛ anɔkwa numɔnɔ ni.

Yohane 7:28

No hewɔ lɛ, be ni Yesu tsɔ̃ɔ nii yɛ Sɔlemɔ we lɛ, ebo ekɛɛ, “Nyɛle mi, ni asaŋ nyɛle he ni mijɛ; ni mitooo mi diɛŋtsɛ miyiŋ mibaaa, shi moŋ anɔkwafo ji mɔ ni tsu mi lɛ, ni nyɛleee lɛ.

1 Korintobii 10:21

Nyɛnyɛŋ Nuŋtsɔ lɛ kpulu lɛ kɛ mumɔi fɔ̃ji akpulu fɛɛ nyɛnu shi kome; nyɛnyɛŋ Nuŋtsɔ lɛ okplɔ̃ lɛ nɔ nii kɛ mumɔi fɔ̃ji anɔ lɛ nɔ nii fɛɛ nyɛye shi kome.

1 Korintobii 10:4

ni amɛ fɛɛ amɛnu mumɔŋ nu kome lɛ nɔŋŋ; ejaakɛ amɛnu mumɔŋ tɛsaa ni kɛ amɛ nyiɛ lɛ mli nu, ni tɛsaa lɛ ji Kristo.

1 Korintobii 11:25

Nakai nɔŋŋ ewo kpulu lɛ hu yɛ niyenii lɛ asɛɛ, ni ekɛɛ, “Nɛkɛ kpulu nɛɛ ji kpãŋmɔ hee lɛ yɛ milá lɛ mli; nyɛfea enɛ, shii abɔ ni nyɛaanu lɛ ni nyɛkɛkaia mi.”

1 Korintobii 12:13

Ejaakɛ Yudafoi ji wɔ jio, Helabii ji wɔ jio, nyɔji ji wɔ jio, wɔhiɛ wɔhe jio, wɔ fɛɛ lɛ Mumɔ kome nɔ atsɔ abaptisi wɔ awo gbɔmɔtso kome mli; ni wɔ fɛɛ lɛ, Mumɔ kome akɛhã wɔ ni wɔnu.

Efesobii 5:18

Ni nyɛkatɔrɔa dãa, nɔ mli ni yakayaka jeŋba yɔɔ lɛ, shi moŋ nyɛyimɔa obɔ̃ kɛ Mumɔ lɛ,

Kpojiemɔ 21:6

Ni ekɛɛ mi akɛ, “Agbe naa. Mi ji Alfa lɛ kɛ Omega lɛ, shishijee lɛ kɛ naagbee lɛ. Mɔ ni kumai yeɔ lɛ lɛ, mahã lɛ wala nubu lɛ mli nu lɛ eko yaka.

Kpojiemɔ 22:1

Ni etsɔ̃ɔ mi walanu faa ni hiɛ kpɛlɛɔ tamɔ kristalo ni jɛ Nyɔŋmɔ kɛ Toobi lɛ maŋtsɛ sɛ̃i lɛ mli.

Kpojiemɔ 22:17

Ni Mumɔ lɛ kɛ Ayɛmforo lɛ kɛɔ akɛ, “Ba!” Ni mɔ ni nuɔ lɛ, ekɛɛ akɛ, “Ba!” Ni mɔ ni kumai yeɔ lɛ lɛ, eba, ni mɔ ni sumɔɔ lɛ, ebahe wala nu lɛ yaka.