Yohane 7:28 - ŊMALƐ KRƆŊKRƆŊ LƐ

²⁸ No hewɔ lɛ, be ni Yesu tsɔ̃ɔ nii yɛ Sɔlemɔ we lɛ, ebo ekɛɛ, “Nyɛle mi, ni asaŋ nyɛle he ni mijɛ; ni mitooo mi diɛŋtsɛ miyiŋ mibaaa, shi moŋ anɔkwafo ji mɔ ni tsu mi lɛ, ni nyɛleee lɛ.

Ṅmãle̱ Kroṅkroṅ Le̱

²⁸ Agbe̱ne̱, beni Iesu tšõo̱ nii ye̱ so̱lemo̱we le̱, ebo ekē̱: Nyelemi, ni asaṅ nyele heni midše̱; ni mitoo midientše̱ miyi mibaa, ši moṅ ano̱kwafo dši moni tšũmi, ni nyeleele̱ le̱.

Yohane 7:28 ပူးပေါင်းရင်းမြစ်များ

Lalai 9:10

Ni mɛi ni le ogbɛi lɛ ŋɔɔ amɛhiɛ amɛfɔ̃ɔ onɔ; ejaakɛ bo Yehowa, okwaaa mɛi ni taoɔ osɛɛgbɛ lɛ.

Yeremia 31:34

Ni mɔ ko etsɔŋ enaanyo, ni mɔ ko hu etsɔŋ enyɛmi dɔŋŋ akɛ, ‘Le Yehowa’, ejaakɛ amɛ fɛɛ kwa amɛaale mi, kɛjɛ amɛteŋ mɔ bibioo nɔ kɛyashi mɔ wulu nɔ, ejaakɛ mikɛ amɛnishaianii lɛ baafa amɛ, ni mikaiŋ eshai ni amɛfee lɛ dɔŋŋ. Mi Yehowa, mikɛɛ.”

Yeremia 9:6

Yiwalɛ kɛ shishiumɔnii ni amɛfeɔ nɔtoonɔtoo hewɔ lɛ, amɛkpɛlɛ̃ɛɛ akɛ amɛaale mi. Yehowa kɛɛ.

Hosea 4:1

Nyɛ Israelbii, nyɛboa nɔ ni Yehowa kɛɔ toi, ejaakɛ Yehowa kɛ shikpɔŋ lɛ nɔ bii lɛ ena. “Anɔkwayeli kɛ mɔbɔnalɛ etã yɛ shikpɔŋ lɛ nɔ; ni aleee Nyɔŋmɔ hu yɛ shikpɔŋ lɛ nɔ.

Hosea 5:4

“Amɛnifeemɔnii hewɔ lɛ amɛnyɛɛɛ amɛsɛɛ amɛku kɛba amɛNyɔŋmɔ lɛ ŋɔɔ, ejaakɛ ajwamãŋbɔɔ mumɔ ebote amɛmli, ni no hewɔ lɛ, amɛleee mi, Yehowa dɔŋŋ.

Mateo 11:27

MiTsɛ etu nii fɛɛ ewo midɛŋ; ni mɔ ko mɔ ko leee Bi lɛ, akɛ ja Tsɛ lɛ kɛkɛ, asaŋ Tsɛ lɛ hu, mɔ ko mɔ ko leee lɛ, akɛ ja Bi lɛ, kɛ mɔ ni Bi lɛ sumɔɔ akɛ ejieɔ lɛ kpo etsɔ̃ɔ lɛ lɛ.”

Mateo 2:23

Ni eba ebahi maŋ ko ni atsɛɔ lɛ Nazaret lɛ mli, koni nɔ ni gbalɔi lɛ wie lɛ aba mli akɛ, “Aaatsɛ lɛ Nazarenyo.”

Mateo 26:55

No ŋmɛlɛtswaa lɛ nɔ nɔŋŋ lɛ Yesu kɛɛ asafoi lɛ akɛ, “Mimɔmɔ nyɛba kɛ klante kɛ kpotii, tamɔ amɔɔ ojotswalɔ ko nɛɛ? Mitaa Sɔlemɔ we lɛ daa mitsɔ̃ɔ nii, ni nyɛmɔɔɔ mi.

Luka 10:22

“MiTsɛ etu nii fɛɛ ewo midɛŋ, ni mɔ ko leee mɔ ni ji Bi lɛ, ja Tsɛ lɛ, kɛ mɔ ni ji Tsɛ lɛ hu, ja Bi lɛ kɛ mɔ ni Bi lɛ sumɔɔ akɛ ejie lɛ kpo etsɔ̃ɔ lɛ.”

Luka 2:11

akɛ ŋmɛnɛ afɔ walaherelɔ ni ji Kristo, Nuŋtsɔ lɛ, ahã nyɛ, yɛ David maŋ lɛ mli.

Luka 2:39

Be ni amɛgbe nibii fɛɛ naa yɛ Nuŋtsɔ lɛ Mla lɛ naa lɛ, amɛku amɛsɛɛ kɛtee Nazaret, amɛ diɛŋtsɛ amɛmaŋ lɛ mli yɛ Galilea.

Luka 2:4

Ni Yosef hu jɛ Nazaret maŋ lɛ mli yɛ Galilea, ni etee David maŋ ni atsɛɔ lɛ Betlehem yɛ Yudea lɛ mli; ejaakɛ ejɛ David we kɛ eweku lɛ mli.

Luka 2:51

Ni ekɛ amɛ yiŋ kɛtee Nazaret, ni eba ehe shi ehã amɛ. Enyɛ kɛ nɛkɛ wiemɔi nɛɛ fɛɛ to etsui mli.

Yohane 1:46

Ni Natanael kɛɛ lɛ akɛ, “Ani nɔ ko kpakpa ko aaanyɛ ajɛ Nazaret?” Filipo kɛɛ lɛ akɛ, “Ba ni obakwɛ.”

Yohane 10:36

nyɛmiikɛɛ mɔ ni Tsɛ lɛ efee lɛ krɔŋkrɔŋ ni etsu lɛ kɛba je lɛ mli lɛ akɛ, ‘Obɔ musu’, akɛni mikɛɛ akɛ, ‘Nyɔŋmɔ Bi ji mi’ lɛ?

Yohane 12:49

Ejaakɛ mi lɛ mitooo mi diɛŋtsɛ miyiŋ miwieee; shi Tsɛ ni tsu mi lɛ, lɛ moŋ ewo mi kitã, nɔ ni mikɛɛ kɛ nɔ ni miwie.

Yohane 14:10

Ani oheee oyeee akɛ miyɛ Tsɛ lɛ mli ni Tsɛ lɛ hu yɛ mimli? Wiemɔi ni mikɛ nyɛ wieɔ lɛ, jeee mi diɛŋtsɛ miyiŋ mitoɔ miwieɔ; shi Tsɛ lɛ ni hiɔ mimli lɛ, lɛ etsuɔ enitsumɔi lɛ.

Yohane 14:31

shi bɔ ni afee ni je lɛ ana ale akɛ miisumɔ Tsɛ lɛ, ni bɔ ni Tsɛ lɛ wo mi kitã lɛ nakai mifeɔ lɛ. Nyɛtea shi, nyɛhãa wɔjea biɛ wɔyaa.”

Yohane 16:3

Ni amɛaafee enɛɛmɛi, ejaakɛ amɛleee Tsɛ lɛ ni amɛleee mi hu.

Yohane 17:25

Ataa Jalɔ, je lɛ leee bo, shi mi lɛ mile bo, ni mɛnɛɛmɛi le akɛ bo otsu mi;

Yohane 17:3

Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

Yohane 3:2

lɛ eba Yesu ŋɔɔ nyɔɔŋ, ni ebakɛɛ lɛ akɛ, “Rabi, wɔle akɛ tsɔɔlɔ ni jɛ Nyɔŋmɔ ŋɔɔ ba ji bo; ejaakɛ mɔ ko nyɛŋ afee okadii ni ofeɔ nɛɛ, akɛ ja Nyɔŋmɔ kɛ mɔ lɛ yɛ.”

Yohane 3:33

Mɔ ni ŋɔɔ edase lɛ, esɔo naa akɛ anɔkwafo ji Nyɔŋmɔ.

Yohane 5:32

Mɔ kroko yɛ ni yeɔ mihe odase, ni mile akɛ odase ni eyeɔ yɛ mihe lɛ anɔkwaleŋ.

Yohane 5:43

Mi lɛ miba yɛ miTsɛ gbɛi mli, ni nyɛhereee mi; kɛji mɔ kroko ba yɛ lɛ diɛŋtsɛ egbɛi mli lɛ, lɛ lɛ nyɛaahere lɛ.

Yohane 6:42

ni amɛkɛɛ, “Ani jeee Yosef bi Yesu lɛ ni wɔle etsɛ kɛ enyɛ lɛ nɛ? Mɛɛba mɔ ekɛɔ akɛ, ‘Mijɛ ŋwɛi’ lɛ?”

Yohane 7:14

Shi be ni shɛ gbijurɔ lɛ teŋ lɛ, Yesu tee Sɔlemɔ we lɛ ni eyatsɔ̃ɔ nii.

Yohane 8:14

Yesu here nɔ ekɛɛ, “Kɛ miiye mi diɛŋtsɛ mihe odase hu jiŋŋ, midase lɛ anɔkwale ni, ejaakɛ mile he ni mijɛ kɛ he ni miyaa, shi nyɛ lɛ, nyɛleee he ni mijɛ aloo he ni miyaa.

Yohane 8:16

Ni kɛ mikojoɔ tete po, mikojomɔ lɛ anɔkwale ni; ejaakɛ jeee mi kome ni, shi moŋ mi kɛ Tsɛ ni tsu mi lɛ ni.

Yohane 8:19

Kɛkɛ ni amɛbi lɛ akɛ, “Nɛgbɛ oTsɛ lɛ yɔɔ?” Yesu here nɔ akɛ, “Nyɛleee mi ni nyɛsaa nyɛleee miTsɛ; nyɛle mi jikulɛ, nyɛaale miTsɛ hu.”

Yohane 8:26

Miyɛ nyɛhe saji pii ni mawie ni mikɛaakojo nyɛ; shi kɛ̃lɛ mɔ ni tsu mi lɛ anɔkwafoŋ, ni mi lɛ, nii ni minu yɛ enaa lɛ, nomɛi nɔŋŋ miwieɔ mitsɔ̃ɔ je lɛ.”

Yohane 8:42

Kɛkɛ lɛ Yesu kɛɛ amɛ akɛ, “Nyɔŋmɔ ji nyɛTsɛ kulɛ, nyɛaasumɔ mi; ejaakɛ mi lɛ Nyɔŋmɔ ŋɔɔ mijɛ miba; ni asaŋ mitooo mi diɛŋtsɛ miyiŋ mibaaa, shi moŋ lɛ etsu mi.

Yohane 9:29

Wɔle akɛ Nyɔŋmɔ kɛ Mose wie; shi mɔ nɛ lɛ, wɔleee he ni ejɛ.”

Bɔfoi 17:23

Ejaakɛ be ni mihoɔ ni mikwɛ nii ni nyɛjaa lɛ, mina afɔleshãa latɛ ko hu ni aŋma yɛ nɔ akɛ, ‘Nyɔŋmɔ ni aleee lɛ nɔŋ.’ No hewɔ lɛ, mɔ ni nyɛleee lɛ ni kɛ̃ lɛ nyɛjaa lɛ lɛ, lɛ nɔŋŋ ehe sane mijajeɔ mitsɔ̃ɔ nyɛ nɛɛ.

Romabii 1:28

Ni akɛni amɛbuuu akɛ esa akɛ amɛleɔ Nyɔŋmɔ lɛ, Nyɔŋmɔ hu ŋmɛɛ amɛhe ehã jwɛŋmɔ ni esaaa koni amɛfee nibii ni esaaa;

Romabii 3:4

Dabida! Nyɔŋmɔ lɛ, kɛ gbɔmɔ fɛɛ gbɔmɔ fee amalelɔ po, lɛ lɛ ja efee anɔkwafo tamɔ bɔ ni aŋma lɛ akɛ, “Bɔ ni afee ni ana akɛ osane ja yɛ owiemɔi lɛ amli, ni oye kunim yɛ okojomɔ lɛ mli.”

2 Korintobii 1:18

Shi anɔkwafo ji Nyɔŋmɔ akɛ wɔwiemɔ ni wɔkɛ nyɛ wie lɛ ejeee nɔ ni kɛɔ “hɛɛ” kɛ “dabi” fɛɛ shi kome.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

Tito 1:2

ni amɛna naanɔ wala lɛ hiɛnɔkãmɔ. Naanɔ wala nɛɛ Nyɔŋmɔ wo he shi dani abɔ je lɛ.

Hebribii 6:18

koni wɔtsɔ̃ saji enyɔ ni tsakeee ni Nyɔŋmɔ nyɛŋ emale yɛ mli lɛ anɔ wɔna miishɛjemɔ ni wa, ni wɔ mɛi ni wɔyaba abo lɛ wɔkɛmɔ hiɛnɔkãmɔ ni kã wɔhiɛ lɛ mli;

1 Yohane 5:10

Mɔ ni heɔ Nyɔŋmɔ Bi lɛ eyeɔ lɛ, eyɛ odase yɛ lɛ diɛŋtsɛ emli, mɔ ni heee Nyɔŋmɔ eyeee lɛ, ehã Nyɔŋmɔ etsɔ̃ amalelɔ, ejaakɛ eheko odase ni Nyɔŋmɔ ye yɛ eBi lɛ he lɛ eyeko.

1 Samuel 2:12

Osɔfo Eli bihii lɛ yafee amɛhe yakagbɔmɛi, ni amɛbuu Yehowa,