Yohane 7:27 - ŊMALƐ KRƆŊKRƆŊ LƐ

²⁷ Shi mɔ nɛ lɛ, wɔle he ni ejɛ; shi Kristo lɛ, be ni eeeba lɛ, mɔ ko leŋ he ni ejɛ.”

Ṅmãle̱ Kroṅkroṅ Le̱

²⁷ Ši mone̱ le̱, wo̱le heni edše̱; ši Kristo le̱, beni eeba le̱, moko leṅ heni edše̱. K. 41.

Yohane 7:27 ပူးပေါင်းရင်းမြစ်များ

Yesaia 11:1

Tso fɔ aaakwɛ̃ kɛaajɛ Ishai tso kuku lɛ mli, ni tso nine ko aaahere kɛaajɛ eshishi fã lɛ mli awo yibii.

Yesaia 53:8

Aye lɛ toikɔdɔmɔ sane, ni aŋɔ lɛ kɛtee. Namɔ aaanyɛ asusu nɔ ni aaaba enɔ? Ejaakɛ asha lɛ kɛje hiɛkãalɔi ashikpɔŋ lɛ nɔ kɛtee. Mimaŋbii lɛ atɔ̃mɔi ahewɔ apiŋ lɛ lɛ!

Yeremia 23:5

“Mi, Yehowa, miikɛɛ akɛ, naa be ko miiba ni matee maŋtsɛ jalɛ saneyelɔ ko shi ni jɛ David mli. Ebaaye maŋtsɛ yɛ nilee naa, ni ebaakojo jalɛ naa ni ebaaye jalɛ sane yɛ shikpɔŋ lɛ fɛɛ nɔ.

Yeremia 30:21

Amɛteŋ mɔ ko nɔŋŋ baatsɔ̃ amɛlumɔ; amɛnɔyelɔ lɛ baajɛ amɛ nɔŋŋ amɛteŋ. Mahã etsi ebɛŋkɛ mi, ni ebaaba mimasɛi, ejaakɛ namɔ aaanyɛ ashi etsitsi, ni eba mi, mimasɛi? Mi, Yehowa, mikɛɛ.

Mika 5:2

Yehowa kɛɛ, “Betlehem Efrata, maji bibii fe fɛɛ ni yɔɔ Yuda shikpɔŋ lɛ nɔ lɛ ateŋ ekome ji bo, shi omli majie Israel nɔyelɔ kɛaajɛ. Nɔyelɔ nɛɛ weku kpãa aaajɛ blema beebe.”

Marko 6:3

Ani jeee ŋaalɔ lɛ nɛ, Maria bi lɛ, kɛ Yakobo kɛ Yose kɛ Yuda kɛ Simon nyɛmi nuu lɛ, ni jeee enyɛmimɛi yei hu kɛ wɔ yɔɔ biɛ lɛ?” Ni ehe sane lɛ hã amɛnane tɔ̃tɔ̃.

Luka 4:22

Ni mɛi fɛɛ ye ehe odase, ni amɛnaa kpɛ amɛhe yɛ dromɔ wiemɔi ni jɛ enaa lɛ hewɔ, ni amɛkɛɛ, “Ani jeee Yosef bi lɛ nɛ?”

Yohane 6:42

ni amɛkɛɛ, “Ani jeee Yosef bi Yesu lɛ ni wɔle etsɛ kɛ enyɛ lɛ nɛ? Mɛɛba mɔ ekɛɔ akɛ, ‘Mijɛ ŋwɛi’ lɛ?”

Yohane 7:15

Ni Yudafoi lɛ anaa kpɛ amɛhe ni amɛkɛɛ, “Te mɔ nɛ ni ekaseko nii lɛ fee tɛŋŋ ni ele woji amli nii nɛkɛ?”

Yohane 9:29

Wɔle akɛ Nyɔŋmɔ kɛ Mose wie; shi mɔ nɛ lɛ, wɔleee he ni ejɛ.”

Bɔfoi 8:33

Be ni aba lɛ shi lɛ akojooo lɛ jalɛ naa; shi eshwiei lɛ, namɔ aaagba amɛhe sane? Ejaakɛ afo ewala sɛɛ kɛjɛ shikpɔŋ lɛ nɔ.”