Yohane 7:17 - ŊMALƐ KRƆŊKRƆŊ LƐ

¹⁷ Kɛji mɔ ko miisumɔ akɛ efee esuɔmɔnaanii lɛ, ebaayoo yɛ tsɔ̃ɔmɔ lɛ he akɛ Nyɔŋmɔ dɛŋ jɛ aloo mi diɛŋtsɛ miyiŋ mitoɔ miwieɔ.

Ṅmãle̱ Kroṅkroṅ Le̱

¹⁷ Ke̱dši moko mīsumo̱ ake̱ efe esuomo̱nānii le̱, le̱ ebayo ye̱ tšõmo̱ le̱ he ake̱ Nyoṅmo̱ deṅ dše̱ alo midientše̱ miyi mitoo̱ miwieo̱.

Yohane 7:17 ပူးပေါင်းရင်းမြစ်များ

Lalai 119:10

Mitaoɔ osɛɛgbɛ kɛ mitsui muu lɛ fɛɛ; kaahã migba afã kɛje okitãi lɛ ahe.

Lalai 25:12

Mɔ fɛɛ mɔ ni sheɔ Yehowa gbeyei lɛ, lɛ Yehowa aaatsɔ̃ɔ lɛ gbɛ ni enyiɛ nɔ.

Lalai 25:14

Mɛi ni sheɔ Yehowa gbeyei lɛ, amɛ ekɛbɔɔ naanyo, ni ehãa amɛleɔ ekpãŋmɔ lɛ.

Abe̱i 28:5

Mɛi fɔ̃ji nuuu jalɛ shishi; shi mɛi ni jaa Yehowa lɛ, amɛnuɔ shishi jogbaŋŋ.

Abe̱i 3:32

ejaakɛ Yehowa miihi nɔfɔŋfeelɔ, shi jalɔi lɛ eheɔ amɛ eyeɔ.

Yesaia 35:8

Gbɛjegbɛ aaakã jɛi, ni aaatsɛ gbɛ lɛ, “Gbɛ Krɔŋkrɔŋ.” Mɔ ko ni he tseee enyiɛŋ nɔ, ni kwashiai tete eduŋ gbɛ yɛ nɔ.

Daniel 12:10

Mɛi pii baatsuu amɛhe koni amɛyɛ futafuta ni amɛhe atse. Shi yitsoŋwalɔi lɛ ateŋ mɔ ko mɔ ko nuŋ shishi, ni amɛaaya nɔ amɛye yitsoŋwalɛ sane; shi nilelɔi lɛ, amɛ lɛ, amɛbaanu nɔ ni yaa nɔ lɛ shishi.

Hosea 6:3

Nyɛhãa wɔbɔa mɔdɛŋ wɔlea Yehowa. Bɔ ni ŋwanejee ko bɛ he akɛ daa gbi lɛ je tsɛreɔ lɛ, nakai nɔŋŋ ŋwanejee ko bɛ he akɛ Yehowa baajie ehe kpo etsɔ̃ɔ wɔ. Ebaaba wɔŋɔɔ tamɔ Agbiɛnaa nunɛmɔ tueɔ shwieɔ shikpɔŋ lɛ nɔ lɛ.”

Mika 4:2

Ni maji amli bii pii aaaba abakɛɛ akɛ, “Nyɛbaa ni nyɛhãa wɔyakwɔa Yehowa gɔŋ lɛ, kɛya Israel Nyɔŋmɔ lɛ Sɔlemɔ we lɛ; ejaakɛ eeetsɔ̃ɔ wɔ nɔ ni etaoɔ ni wɔfee; koni wɔnyiɛ egbɛi lɛ anɔ. Ejaakɛ Yehowa Mla lɛ, Yerusalɛm ebaajɛ; ekɛ emaŋ lɛ wieɔ kɛjɛɔ Zion.”

Maleaki 4:2

Shi nyɛ mɛi fɛɛ ni sheɔ mi gbeyei lɛ, mihewalɛ lɛ baate shi tamɔ jalɛ hulu ahã nyɛ, ni eeetsa nyɛ. Nyɛaaje kpo kɛ nyamɔ kɛ tuumɔ tamɔ tsinabii ni agbele amɛ.

Mateo 6:22

“Gbɔmɔtso lɛ kane ji hiŋmɛi. No hewɔ lɛ, kɛji ohiŋmɛi nɔ tse lɛ ogbɔmɔtso muu lɛ aaayi kɛ la.

Luka 8:15

Shi shikpɔŋ kpakpa nɔ bii lɛ ji mɛi ni kɛji amɛnu wiemɔ lɛ amɛkɛtoɔ tsui ni hi ni yɔɔ krɔŋŋ mli, ni amɛkɛ tsuishiŋmɛɛ woɔ yibii.”

Yohane 3:21

Shi mɔ ni feɔ anɔkwalenii lɛ baa la lɛ he, koni enitsumɔi lɛ aje kpo, ejaakɛ Nyɔŋmɔ mli atsu yɛ.”

Yohane 8:43

Shi mɛɛ hewɔ nyɛnaaa miwiemɔ naa lɛ? Ejɛ miwiemɔ toi ni nyɛbooo lɛ.

Yohane 8:44

Nyɛ lɛ nyɛtsɛ ni nyɛjɛ emli ji abonsam, ni nyɛtsɛ lɛ suɔmɔnaanii nyɛsumɔɔ akɛ nyɛfee. Lɛ lɛ gbɔmɔgbelɔ ji lɛ kɛjɛ teteete, ni ekɛ anɔkwale lɛ bɛ sane ko, ejaakɛ anɔkwale bɛ emli. Kɛ eemale lɛ, esu ni, ejaakɛ amalelɔ kɛ ablatsɛ ji lɛ.

Yohane 8:47

Mɔ ni jɛ Nyɔŋmɔ mli lɛ, enuɔ Nyɔŋmɔ wiemɔi; no hewɔ ni nyɛ lɛ nyɛnuuu lɛ, ejaakɛ nyɛjɛɛɛ Nyɔŋmɔ mli.”

Bɔfoi 17:11

Shi mɛnɛɛmɛi asu hi fe mɛi ni yɔɔ Tesalonika lɛ, ni amɛ lɛ amɛhere wiemɔ lɛ kɛ amɛtsui fɛɛ, ni daa gbi lɛ amɛkpaa ŋmalɛi lɛ amli amɛkwɛɔ akɛ nibii nɛɛ yɛ mli nakai lo.