Yohane 6:57 - ŊMALƐ KRƆŊKRƆŊ LƐ

⁵⁷ Bɔ ni Tsɛ, hiɛkãalɔ lɛ, tsu mi, ni Tsɛ lɛ hewɔ mihiɛ kã lɛ, nakai nɔŋŋ mɔ ni yeɔ mi lɛ hu hiɛ aaakã yɛ mihewɔ.

Ṅmãle̱ Kroṅkroṅ Le̱

⁵⁷ Bo̱ni tše̱, hĩekālo̱ le̱, tšũmi, ni tše̱ le̱ hewo̱ mihĩe kā le̱, nakai noṅṅ moni yeo̱mi le̱ hũ hĩe aakã ye̱ mihewo̱.

Yohane 6:57 ပူးပေါင်းရင်းမြစ်များ

Lalai 18:46

Yehowa hiɛ kã; ajie mitɛsaa lɛ yi; ni awo miyiwalaheremɔ Nyɔŋmɔ lɛ hiɛ nyam.

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.

Mateo 16:16

Simon Petro here nɔ ekɛɛ, “Bo ji Kristo lɛ, Nyɔŋmɔ hiɛkãalɔ lɛ Bi lɛ!”

Yohane 14:19

Eshwɛ fioo kɛkɛ ni je lɛ enaŋ mi dɔŋŋ; shi nyɛ lɛ nyɛaana mi; ejaakɛ mihiɛ kã, ni nyɛ hu nyɛhiɛ aaakã.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 17:21

bɔ ni afee ni amɛ fɛɛ amɛfee ekome, tamɔ bɔ ni bo, Ataa, oyɔɔ mimli ni mi hu miyɔɔ omli lɛ, koni amɛ hu amɛfee ekome yɛ wɔmli, ni je lɛ ahe aye akɛ bo otsu mi.

Yohane 3:17

Ejaakɛ Nyɔŋmɔ tsuuu eBi lɛ kɛbaaa je lɛ mli koni ebakojo je lɛ, shi moŋ koni atsɔ̃ enɔ ahere je lɛ yiwala.

Yohane 5:26

Ejaakɛ bɔ ni Tsɛ lɛ yɔɔ wala yɛ lɛ diɛŋtsɛ emli lɛ, nakai nɔŋŋ ehã Bi lɛ wala yɛ lɛ diɛŋtsɛ emli.

Yohane 6:29

Yesu here nɔ ekɛɛ amɛ akɛ, “Nyɔŋmɔ nitsumɔ lɛ nɛ, akɛ nyɛhe mɔ ni etsu lɛ nɔ nyɛye.”

Yohane 6:38

Ejaakɛ jeee mi diɛŋtsɛ misuɔmɔnaa nifeemɔ hewɔ mijɛ ŋwɛi miba, shi moŋ mɔ ni tsu mi lɛ suɔmɔnaa nifeemɔ hewɔŋ.

1 Korintobii 15:22

Ejaakɛ tamɔ bɔ ni Adam mli ni mɛi fɛɛ gboiɔ yɛ lɛ, nakai nɔŋŋ kɛ̃ Kristo mli lɛ aaahã mɛi fɛɛ yi ana wala yɛ.

1 Korintobii 15:45

Nakai aŋma hu akɛ, “Adam ni ji klɛŋklɛŋ gbɔmɔ lɛ tsɔ̃ susuma ni hiɛ kã;” naagbee Adam lɛ tsɔ̃ mumɔ ni hãa mɔ yi naa wala.

2 Korintobii 13:4

Ejaakɛ asɛŋ lɛ yɛ gbedemɔ mli, shi Nyɔŋmɔ hewalɛ naa lɛ, ehiɛ kã; ni wɔ hu wɔgbedeɔ yɛ emli; shi Nyɔŋmɔ hewalɛ lɛ naa lɛ, wɔ kɛ lɛ hiɛ aaakãmɔ ahã nyɛ.

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

1 Tesalonikabii 1:9

Ejaakɛ amɛ diɛŋtsɛ amɛgbaa wɔhe sane bɔ ni wɔba nyɛŋɔɔ kɛ bɔ ni nyɛkpale kɛjɛ amãgãi ahe kɛba Nyɔŋmɔ ŋɔɔ ni nyɛbasɔ̃mɔ anɔkwa Nyɔŋmɔ hiɛkãalɔ lɛ

Hebribii 9:14

enyiɛ nɔŋŋ ni Kristo ni tsɔ̃ naanɔ Mumɔ lɛ nɔ eŋɔ ehe ni kpa ko bɛ he lɛ ehã Nyɔŋmɔ akɛ afɔle lɛ lá lɛ tsumɔŋ wɔhenilee lɛ he kɛjɛŋ nitsumɔi gbohii amli, koni wɔsɔ̃mɔ Nyɔŋmɔ hiɛkãalɔ lɛ?

1 Yohane 4:9

Enɛ mli Nyɔŋmɔ suɔmɔ ni ekɛsumɔɔ wɔ lɛ jeɔ kpo yɛ, Nyɔŋmɔ tsu lɛ diɛŋtsɛ eBi koome lɛ kɛba je lɛ mli, koni wɔtsɔ̃ enɔ wɔna wala.