Yohane 6:32 - ŊMALƐ KRƆŊKRƆŊ LƐ

³² Kɛkɛ lɛ Yesu kɛɛ amɛ akɛ, “Anɔkwale mikɛɔ nyɛ akɛ, jeee Mose ji mɔ ni hã nyɛ aboloo lɛ kɛjɛ ŋwɛi lɛ, shi miTsɛ moŋ hãa nyɛ anɔkwa aboloo ni jɛɔ ŋwɛi lɛ.

Ṅmãle̱ Kroṅkroṅ Le̱

³² Ke̱ke̱ le̱ Iesu kē̱ame̱ ake̱: Le̱le̱ṅ, le̱le̱ṅ, mīkē̱nye ake̱: Dšee *Mose dši moni hãnye abolo le̱ ke̱-dše̱ ṅwei le̱, ši mitše̱ moṅ hãanye ano̱kwa abolo ní dše̱o̱ ṅwei le̱. *K. 49.

Yohane 6:32 ပူးပေါင်းရင်းမြစ်များ

Lalai 78:23

Kɛ̃lɛ efã ŋwɛi, ni egbele ŋwɛi agboi lɛ anaa,

2 Mose 16:4

Ni Yehowa kɛɛ Mose akɛ, “Naa, mibahã aboloo ajɛ ŋwɛi anɛ ashwie shi ahã nyɛ. Daa gbi lɛ maŋbii lɛ aje kpo ayabua naa bɔ pɛ ni aaashɛ amɛyeli gbi kome. Mikɛ enɛ baaka amɛ makwɛ akɛ amɛaaye mimla lɛ nɔ aloo amɛyeŋ nɔ.

2 Mose 16:8

Mose tee nɔ ekɛɛ amɛ akɛ, “Kɛji gbɛkɛ lɛ Yehowa hã nyɛ loo nyɛye, ni leebi lɛ ehã nyɛ aboloo nyɛye nyɛtɔrɔ, ejaakɛ enu huhuuhu wiemɔi ni nyɛwieɔ nyɛshiɔ lɛ lɛ, wɔ lɛ nɛgbɛ wɔdamɔ? Jeee wɔ nyɛwieɔ huhuuhu nyɛshiɔ lɛ, shi Yehowa mɔŋ ni.”

Yohane 1:9

Anɔkwa la lɛ ni tsoɔ hãa mɔ fɛɛ mɔ lɛ baa je lɛ mli nɛɛ.

Yohane 15:1

“Mi ji anɔkwa waintso lɛ, ni miTsɛ ji okwaafonyo lɛ.

Yohane 6:31

Wɔtsɛmɛi lɛ ye mana lɛ yɛ ŋa lɛ nɔ, tamɔ bɔ ni aŋma akɛ, ‘Ehã amɛ aboloo kɛjɛ ŋwɛi amɛye’ lɛ.”

Yohane 6:33

Ejaakɛ Nyɔŋmɔ aboloo lɛ ji mɔ ni jɛɔ ŋwɛi ekpelekeɔ shi ni eŋɔɔ wala ehãa je lɛ.”

Yohane 6:35

Ni Yesu kɛɛ amɛ akɛ, “Mi ji wala aboloo lɛ; mɔ ni baa miŋɔɔ lɛ, hɔmɔ yeŋ lɛ gbi ko gbi ko, ni mɔ ni heɔ minɔ yeɔ lɛ, kumai hu yeŋ lɛ gbi ko gbi ko.

Yohane 6:41

Kɛkɛ ni Yudafoi lɛ wie ehe huhuuhu akɛ ekɛɛ akɛ, “Mi ji aboloo ni jɛ ŋwɛi lɛ;”

Yohane 6:50

Enɛ ji aboloo ni jɛɔ ŋwɛi baa lɛ, koni gbɔmɔ aye ni ekagbo.

Yohane 6:55

Ejaakɛ miheloo lɛ anɔkwa ŋmaa ni, ni milá lɛ anɔkwa numɔnɔ ni.

Yohane 6:58

Aboloo ni jɛ ŋwɛi ba nɛ; etamɔɔɔ nɔ ni nyɛtsɛmɛi lɛ ye ni amɛgboi lɛ; mɔ ni yeɔ aboloo nɛɛ lɛ, ehiɛ aaakã kɛaatee naanɔ.”

Galatabii 4:4

Shi be ni be lɛ shɛ lɛ, Nyɔŋmɔ tsu lɛ diɛŋtsɛ eBi lɛ kɛba, yoo fɔ lɛ, eba Mla shishi;

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.