Yohane 6:31 - ŊMALƐ KRƆŊKRƆŊ LƐ

³¹ Wɔtsɛmɛi lɛ ye mana lɛ yɛ ŋa lɛ nɔ, tamɔ bɔ ni aŋma akɛ, ‘Ehã amɛ aboloo kɛjɛ ŋwɛi amɛye’ lɛ.”

Ṅmãle̱ Kroṅkroṅ Le̱

³¹ Wo̱tše̱mei le̱ ye mánu le̱ ye̱ ṅã le̱ no̱, take̱ bo̱ni aṅmã ake̱: “Ehãame̱ abolo ke̱-dše̱ ṅwei ame̱ye” le̱. 2 Mose 16,13. 14. Lal. 73,24.

Yohane 6:31 ပူးပေါင်းရင်းမြစ်များ

Nehemia 9:15

“Be ni hɔmɔ ye amɛ lɛ, ohã amɛ aboloo ni jɛ ŋwɛi, ni be ni kumai ye amɛ hu, ohã nu jɛ tɛsaa mli ba, ni amɛkɛgbe amɛkumai. Okɛɛ amɛ akɛ amɛba ni amɛbaŋɔ shikpɔŋ lɛ ni okã he kitã akɛ okɛbaahã amɛ lɛ.

Nehemia 9:20

Okɛ omumɔ kpakpa lɛ hã amɛ koni etsɔ̃ɔ amɛ nii; ohã amɛ mana amɛye, ni ohã amɛ nu amɛkɛgbe amɛkumai.

Lalai 105:40

Amɛbi, ni ehã trakɔkɔi ba; ni ehã amɛ niyenii, babaoo ni jɛ ŋwɛi.

2 Mose 16:35

Ni Israelbii lɛ ye mana afii nyɔŋmai ejwɛ kɛyashi amɛyanina shikpɔŋ ni amɛaanyɛ nɔ amɛhi. Amɛye mana lɛ kɛyashi beyinɔ ni amɛyashɛ Kanaan shikpɔŋ lɛ husu naa.

Yohane 6:32

Kɛkɛ lɛ Yesu kɛɛ amɛ akɛ, “Anɔkwale mikɛɔ nyɛ akɛ, jeee Mose ji mɔ ni hã nyɛ aboloo lɛ kɛjɛ ŋwɛi lɛ, shi miTsɛ moŋ hãa nyɛ anɔkwa aboloo ni jɛɔ ŋwɛi lɛ.

Yohane 6:49

Nyɛtsɛmɛi lɛ ye mana yɛ ŋa lɛ nɔ ni amɛgboi.

Yohane 6:58

Aboloo ni jɛ ŋwɛi ba nɛ; etamɔɔɔ nɔ ni nyɛtsɛmɛi lɛ ye ni amɛgboi lɛ; mɔ ni yeɔ aboloo nɛɛ lɛ, ehiɛ aaakã kɛaatee naanɔ.”

1 Korintobii 10:3

Ni amɛ fɛɛ lɛ mumɔŋ niyenii kome lɛ nɔŋŋ amɛye,

5 Mose 8:3

Ehã hɔmɔ ye nyɛ, ni ehã nyɛhumi shi; ni ehã nyɛ mana ni nyɛye, niyenii ko ni nyɛleee, ni nyɛtsɛmɛi hu tete leee nɔ ni ji lɛ, koni nyɛkɛna nyɛle akɛ jeee aboloo pɛ hãa gbɔmɔ yi naa wala, shi moŋ wiemɔ fɛɛ wiemɔ ni jɛɔ Yehowa daaŋ lɛ hãa gbɔmɔ yi naa wala.

Yoshua 5:12

Ni gbi ni amɛye shikpɔŋ lɛ nɔ nibaanii lɛ eko lɛ nɔ jetsɛremɔ pɛ kɛkɛ ni mana lɛ sɛɛ fo, ni Israelbii lɛ naaa mana dɔŋŋ. No hewɔ lɛ, Kanaan shikpɔŋ lɛ nɔ nibaanii ji nii ni amɛye nakai afi lɛ nɔ.

Kpojiemɔ 2:17

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ mana ni akɛtee lɛ eko, ni mahã lɛ tɛ yɛŋ, ni tɛ lɛ nɔ lɛ aŋma gbɛi hee ni mɔ ko leee akɛ ja mɔ ni náa lɛ.”