Yohane 6:30 - ŊMALƐ KRƆŊKRƆŊ LƐ

³⁰ No hewɔ lɛ, amɛbi lɛ akɛ, “Belɛ mɛɛ okadi ofeɔ ni wɔna koni wɔhe bo wɔye? Mɛni otsuɔ?

Ṅmãle̱ Kroṅkroṅ Le̱

³⁰ Nohewo̱ le̱ ame̱kē̱le̱ ake̱: Bĕle̱ mẽ okadi ofeo̱, ni wó̱na koni wó̱heo wo̱ye? Meni otšuo̱? 2,18.

Yohane 6:30 ပူးပေါင်းရင်းမြစ်များ

1 Maŋtsɛmɛi 13:3

Ni gbalɔ lɛ to okadi yɛ nakai gbi lɛ nɔ nɔŋŋ ekɛɛ akɛ, “Enɛ ji okadi ni aaatsɔ̃ɔ akɛ Yehowa ŋɔɔ gbalɛ wiemɔ nɛɛ jɛ. Afɔleshãa latɛ nɛɛ abaawule lɛ ashwie shi, ni enɔ lamlu lɛ akɛbaashwã.”

1 Maŋtsɛmɛi 13:5

Kɛkɛ ni afɔleshãa latɛ lɛ wule, ni lamlu ni yɔɔ afɔleshãa latɛ lɛ nɔ lɛ gbɛ shwã tamɔ okadi ni gbalɔ lɛ kɛɛ yɛ Yehowa wiemɔ lɛ naa lɛ.

2 Mose 4:8

Nyɔŋmɔ kɛɛ Mose akɛ, “Kɛji amɛheee bo amɛyeee, ni asaŋ amɛbooo bo toi yɛ klɛŋklɛŋ okadi lɛ naa lɛ, okadi ni ji enyɔ lɛ naa lɛ amɛaabo bo toi.

2 Mose 7:9

“Kɛji Farao kɛɛ nyɛ akɛ, ‘Nyɛfea naakpɛɛ nɔ ko’ lɛ, no lɛ Mose, kɛɛmɔ Aaron akɛ, ‘Kɔ otso lɛ ni okɛfɔ̃ shi yɛ Farao hiɛ; ni tso lɛ aaatsɔ̃ onufu.’ ”

Yesaia 5:19

Amɛkɛɔ akɛ, “Yehowa he afee oya; nɔ ni eto akɛ ebaafee lɛ, efee koni wɔkwɛ. Ha ni Israel Mɔ Krɔŋkrɔŋ Koome lɛ yiŋ ni eto lɛ abɛŋkɛ wɔ ni aba mli koni wɔle.”

Marko 15:32

Kristo, Israel maŋtsɛ lɛ, aje sɛŋmɔtso lɛ nɔ akpeleke shi koo, koni wɔna ni wɔhe wɔye!” Ni mɛi ni asɛŋ afata ehe lɛ hu bɔ lɛ ahora.

Marko 8:11

Kɛkɛ ni Farisifoi lɛ ba ni amɛkɛ lɛ babɔ̃i ŋwanejee. Amɛmiitao ŋwɛi okadi yɛ edɛŋ, kɛmiika lɛ.

Yohane 10:38

shi kɛji no mitsuɔ, ni kɛ̃lɛ nyɛheee mi nyɛyeee lɛ, nyɛhea nitsumɔi lɛ kɛkɛ nyɛyea mɔ, koni nyɛle ni nyɛhe nyɛye akɛ Tsɛ lɛ yɛ mimli, ni mi hu miyɛ Tsɛ lɛ mli.”

Yohane 12:37

Efee naakpɛɛnii babaoo yɛ amɛhiɛ, shi kɛ̃lɛ amɛheee enɔ amɛyeee,

Yohane 2:18

Kɛkɛ ni Yudafoi lɛ bi lɛ akɛ, “Mɛɛ okadi okɛtsɔ̃ɔ wɔ akɛ oyɛ hegbɛ akɛ ofeɔ enɛɛmɛi nɛɛ?”

Yohane 4:8

No mli lɛ ekaselɔi lɛ etee maŋ lɛ mli amɛyaahe niyenii.

Yohane 6:14

No hewɔ lɛ, be ni gbɔmɛi lɛ na naakpɛɛnii ni Yesu fee lɛ amɛkɛɛ, “Anɔkwa, mɔ nɛ ji gbalɔ ni baa je lɛ mli lɛ!”

Yohane 6:2

Ni mɛi babaoo nyiɛ esɛɛ, ejaakɛ amɛna naakpɛɛ nii ni efee yɛ helatsɛmɛi lɛ ahe lɛ.

Yohane 6:36

Shi miikɛɛ nyɛ akɛ nyɛna mi, ni kɛ̃lɛ nyɛheee nyɛyeee.

Bɔfoi 4:30

ni okpã onine mli ni ohã atsatsaa mɛi, ni atsɔ̃ otsulɔ krɔŋkrɔŋ Yesu lɛ gbɛi nɔ afee okadii kɛ naakpɛɛnii.”

1 Korintobii 1:22

Ejaakɛ Yudafoi lɛ, naakpɛɛ okadii ashi amɛbiɔ, ni Helabii hu taoɔ nilee;

Hebribii 2:4

ni Nyɔŋmɔ diɛŋtsɛ hu kɛ okadii kɛ naakpɛɛnii kɛ hewalɛnii srɔtoi kɛ Mumɔ Krɔŋkrɔŋ hãmɔ lɛ miiye odase miishi nɔ, yɛ lɛ diɛŋtsɛ esuɔmɔ naa.